Issue link: https://maltatoday.uberflip.com/i/274228
30 illum Il-Ħadd 09 ta' Marzu 2014 SPORTSillum ILLUM se jkomplu l-attivitajiet organizzati mill-Assoċjazzjoni Sport Muturi u Karozzi mill- istaġun ASMK Pasta Poiatti 2013/14. Il-programm tal- lum se jkun qed jikkonsisti mill-għaxar tiġrija tal- Karozzi Autocross u r-raba' tiġrija tal-Muturi Motocross. L-ewwel tiġrija tibda fil- 11am. Intant, nagħtu ħarsa ħafifa lejn il-klassifiċi tas-Sezzjoni Autocross sal-aħħar tiġrija fejn fil-Kampjonat Nazzjonali qed naraw lil Melo Zammit fuq Ford Escort ikompli jiddomina u jiddefendi l-ewwel pożizzjoni ta' din il-klassifika b'154 punt. Zammit jinsab segwit minn Gordon Johnson fuq Peugeot 205 b'116-il punt b'Johnson javvanza pożizzjoni fl-aħħar attività biex issa spiċċa quddiem Christian Mark Galea fuq Fiat Ritmo li issa jinsab fit-tielet pożizzjoni b'115 punt. Viċin ta' Galea jinsab Vince Farrugia fuq Volkswagen Polo b'110 punti. Fl-attività li jmiss jista' jkollna taqliba sħiħa fil- pożizzjonijiet bejn Johnson, Galea u Farrugia. L-attenzjoni se tkun kollha fuq dawn il-kompetituri għall-fatt li hemm biss vantaġġ marġinali bejniethom. Fis-Sezzjoni Gozo Autocross insibu lil Domenic Zammit fuq Alfa Sud li għadu fil- quċċata ta' din il-klassi. Zammit jinsab segwit minn Joseph Agius u Joseph Vella it-tnejn fuq Ford Fiesta u jinsabu fit-tieni u t-tielet post rispettivament. Fir-raba' pożizzjoni nsibu lil Marvin Grima fuq Opel Corsa. Fil-Klassifiċi tal-Muturi Motocross għadna qed nerġgħu naraw lill-aħwa Camilleri jiddominaw il-klassijiet A u B. Clayton isuq mutur KTM 250cc u qed jiddomina l-klassi A Motocross b'75 punt. Dan ifisser li Camilleri diġà rreġistra tliet rebħiet wara xulxin segwit mill-aħwa Muscat fejn Paul Muscat fuq mutur KTM 250cc jinsab isegwi lil Camilleri b'66 punt. Paul Muscat jinsab segwit minn ħuh Trevor fuq mutur KTM 250cc b'56 punt. Fir-raba' pożizzjoni nsibu lil Edward Ciantar fuq Kawasaki 250cc u għandu 54 punt minn tliet attivitajiet. Fi Klassi B Motocross insibu lil Kyle Camilleri fuq Suzuki 85cc li jinsab jokkupa l-ewwel pożizzjoni f 'din il-klassi b'75 punt segwit minn Pierre Jourdan fuq mutur KTM 150cc b'44 punt. Camilleri u Jourdan jinsabu segwiti minn Karl Micallef fuq mutur Honda 250cc b'42 punt. Fir-raba' pożizzjoni jinsab Nicovich Chircop fuq mutur KTM 85cc b'34 punt. Intant, l-attività mis- Sezzjoni muturi Trials li kellha ssir nhar il-Ħadd li għadda fil-barriera Torri Falka ġiet imħassra minħabba l-maltemp li għamel il-Ħadd filgħodu. Din l-attività ġiet posposta għal raġunijiet ta' sigurtà tas-sewwieqa. Il-Kumitat Organizattiv mistenni jħabbar data oħra iktar 'il quddiem. Kull min irid iktar informazzjoni jista' jżur is-sit elettroniku www.asmk.org.mt FI tmiem it-Tazza tad- Dinja matul is-sajf li ġej Guus Hiddink se jkun qed jieħu t-tmexxija tat- tim nazzjonali Olandiż mingħand Louis Van Gaal. Barra minn hekk l-eks kowċ ta' Chelsea u Real Madrid qal lill-istazzjon televiżiv Olandiż NOS li jinsab f 'taħdidiet mal- Assoċjazzjoni Olandiża rigward l-istaff li Hiddink jixtieq li jgħinu fit-tmexxija tal-Olanda. L-eks plejers internazzjonali Jaap Stam, Ruud van Nisterlooy u Giovanni van Bronckhorst kollha qed jissemmew li se jkollhom irwoli importanti fit-tim tekniku ta' Hiddink. Jeżistu biss mistoqsijiet rigward Jaap Stam hekk kif hemm possibiltajiet kbar li dan l-eks plejer ta' Lazio, Manchester United u AC Milan isieħeb lil AC Milan fejn ikun qed jgħin lill-kowċ Seedorf bħala assistent kowċ sa mis-sajf li ġej. Din mhux se tkun esperjenza ġdida għal Hiddink fit-tmun tat-tim nazzjonali Olandiż hekk kif dan kien diġà jmexxi lil dan it-tim bejn l-1994 u l-1998, fejn mexxa lit-Tulipani sas- semi-finali tat-Tazza tad- Dinja ta' Franza fejn kienu tilfu kontra l-Brażil biss wara l-lotterija tal-penalties. Huwa kkowċja wkoll lit-timijiet nazzjonali tal- Korea ta' Isfel, ir-Russja u t-Turkija u l-aħħar klabb li kkowċja kien il-klabb rikk Russu Anzhi Makhachkala, qabel irriżenja f 'Lulju li għadda. Matul ix-xahar li għadda l-istess Hiddink ġie appuntat bħala adviser għall-kowċing staff tal-klabb bi storja glorjuża fl-Olanda PSV Eindgoven sa tmiem dan l-istaġun. B'hekk wara din l-esperjenza ma' dan il-klabb Olandiż, Hiddink ikun jista' jieħu t-tmun tal-Olanda mingħajr xkiel. L-Olanda se jkunu qed jilagħbu fi Grupp B fit-Tazza tad-Dinja flimkien ma' Spanja, iċ-Ċili u l-Awstralja, liema grupp qed ikun ikkunsidrat bħala wieħed diffiċli. It-tmexxija tat-tim nazzjonali Olandiż se tgħaddi mingħand Van Gaal għal għand Hiddink Kompetizzjoni qawwija -Autocross u l-Motocross Hiddink se jieħu t-tmun tal- Olanda mingħand Van Gaal Birkirkara jagħtu l-ewwel telfa lil Paola ILKONFRONT tant mistenni bejn Birkirkara Smart Office Supplies u Paola BC intemm b'rebħa għal Birkirkara. Wara li kienu 2-0 minn taħt iċ- champions renjanti spiċċaw biex dawru telfa f 'rebħa u b'hekk taw l-ewwel telfa tal- istaġun lil Paola. Kien mistenni li Paola se jagħtu oppożizzjoni kbira lil Smart Office Supplies għaliex kienu għadhom mhux megħluba wara li rebħu ż-żewġ logħbiet li lagħbu. Iżda ftit basru li se jibdew il-logħba bir-rebħ tal-ewwel żewġ logħbiet. Dan poġġa lil Birkirkara Smart Office Supplies taħt pressjoni kbira. Paola rebħu l-ewwel punt fil-Mixed Doubles. Wara li tilfu l-ewwel sett 21-17, il-koppja Pawlista ffurmata minn Joanne Cassar / Henrik Thomsen għelbu lill-koppja Karkariża Marica Micallef / Stephen Ferrante fl-aħħar żewġ settijiet 21-11, 21-14. Kenneth Vella kompla kabbar il-vantaġġ għal Paola u poġġa lit-tim tiegħu 2-0 minn fuq meta rebaħ lil Samuel Cali fis-Singles tal- Irġiel 22-20, 21-14. B'dan l-iskor Paola ħtiġilhom jirbħu logħba waħda mit-tlieta li kien fadal biex jieħdu l-punti. Iżda Fiorella Sadowski tat tamiet ġodda lit-tim tagħha meta rebħet lil Jacqueline Grech Licari fis-Singles tan-Nisa 21-21-8, 14-21, 21-6. Ferrante / Cali ta' Smart Offrice Supplies ġabu l-iskor indaqs meta għelbu lil Thomsen / Owen Grech, 21-14, 21-12 fid-Doubles tal-Irġiel. Bl-iskor jaqra 2-2 id-Doubles tan-Nisa kellha tiddeċiedi fejn se jmorru l-punti. Sadowski / Micallef komplew bir-rimonta ta' Birkirkara Smart Office Supplies b'wirja tajba li fiha wrew is-supremazija tagħhom meta għelbu lil Cassar / Grech Licari. Sadowski / Micallef rebħu bil-punteġġ 21-15, 21-19, u taw il-punti finali lil Birkirkara Smart Office Supplies. Samuel Cali -azzjoni Philip Vella fuq Vauxhall Nova