Issue link: https://maltatoday.uberflip.com/i/321744
38 illum | Il-Ħadd 01 ta' Ġunju 2014 Kif bdiet l-imħabba tiegħek lejn il- badminton? Ta' 4 snin kont immur ma' missieri Martin Farrugia li kien il-kowċ nazzjonali tal-badminton, waqt it- taħriġ tiegħu. Il-plejers ta' dak iż-żmien kienu joqogħdu jilagħbu jew jitkellmu miegħi u malajr bdejt neħodha drawwa mmur frekwenti ma' missieri. Ħaġa ġġib lil oħra u ta' 6 snin ħadni għall- ewwel taħriġ uffiċjali tiegħi mal-Iskola Sport. Kull nhar ta' Sibt kont inkun dejjem bi ħġari sabiex nipprepara għal- lezzjoni tal-badminton. Li jkollok tiddeskrivi l-badminton kif tiddeskrivih? Il-badminton ma nbiddlu mal-ebda sport ieħor. Huwa sport li jgħaqqad ħafna aspetti fiżiċi, tekniċi u tattiċi. Hemm bżonn ta' reazzjoni veloċi ħafna u saħħa fis-saqajn. Għalkemm tista' tgħid li qisu l-isport għażel lili u mhux jien l-isport, jekk immur lura fiż-żmien u li kieku m'għandix missieri kowċ tal-badminton, xorta nispiċċa nagħżel li nipprattika dan l-isport. Hemm bżonn ta' ħafna sagrifiċċji, dedikazzjoni, paċenzja, kuraġġ, perseveranza u determinazzjoni meta tiġi biex tieħu deċiżjoni li tieħu sport bis-serjetà. Kif komplejt tevolvi b'dan l-isport? Sena wara sena, b'paċenzja dejjem kont nitgħallem xi ħaġa żgħira, però dejjem bil-mod il-mod. Ta' 13-il sena rbaħt l-ewwel trofew ta' ħajti u nista' ngħid kien il-mument li tani iktar determinazzjoni u motivazzjoni f 'ħajti biex inkompli nippersisti f 'dan l-isport. Fil-fatt sa meta kelli 13-il sena kelli naqra piż żejjed li ma tantx għeni fil-badminton. Wara ftit taż-żmien indunajt li biex intejjeb il-livelli tiegħi kelli bżonn ta' tibdil f 'ħajti u ddeċidejt li noqgħod attenta iktar għall-ikel li kont qiegħda niekol u fi x'ħin qiegħda nieklu. Minn meta kelli 14 kont magħżula man-nazzjonal taż-żgħar u kien ikollna bosta tournaments ma' timijiet barranin hawn Malta fosthom timijiet mill- iSkozja, l-Irlanda, Wales u l-Ingilterra. Darba minnhom irnexxieli wkoll nitla' fil-finali ma' plejer Skoċċiża promettenti ħafna. Wara ftit taż-żmien konna wkoll ninżlu nittrenjaw mat-tim nazzjonali tal-kbar u hemmhekk sibt ukoll lil missieri. Nistqarr miegħek li mhix faċli li tkun ikkowċjat minn misserek, lanqas xejn. Dejjem ikun qiegħed jistenna iktar mingħandek u xi kultant kont naħseb li l-ħażin tiegħi biss kien jara! Ta' 16 –il sena wasal l-ewwel tournament barra minn Malta, fl-Irlanda ta' Fuq. Kien tournament li fih irbaħt il-mixed individuals flimkien ma' Stefan Salomone. It-taħriġ tan- nazzjonal sfortunatament kien waqaf għall-perjodu twil mhux ħażin u l-badminton f 'Malta ma tantx kien għaddej minn vena tajba ħafna. Iżda fl-aħħar, meta s-sitwazzjoni bdiet taqleb għall-aħjar erġajt bdejt nittrenja b'mod regolari darbtejn fil-ġimgħa mal-klabb tiegħi; Birkirkara Badminton Club taħt il-gwida ta' missieri. Ta' 19-il sena, fl-2008 irbaħt l-ewwel titlu nazzjonali tal-badminton fil-kategorija tal-mixed flimkien ma' Stefan Salomone. Fl-2009 irbaħt it-titlu tal-Ladies Doubles flimkien ma' Maria Borg. Tina iktar dettalji. Irbaħna dan it-titlu għal sentejn in fila. It-titlu tas-singles kien l-uniku avveniment li qatt ma kont irbaħt fil-Kampjonati Nazzjonali. Niftakar kont tlajt fil-finali tas-Singles 3 snin fuq xulxin u fl-ebda sena ma kien irnexxieli nerbaħha. Waslet is-sena 2010 u t-tim tiegħek; Birkirkara Badminton Club kien rebaħ it-titlu tas-sena u f 'Novembru l-Kumitat Olimpiku Malti flimkien mal-CONI ta' Sqallija kienu jorganizzaw il-logħob ta' ħbiberija. X'tiftakar minn dak iż-żmien? It-tim tagħna li kien iffurmat minn Stefan Salomone, Robert Salomone, Maria Borg u jien, flimkien ma' missieri konna rbaħna lit-tim ta' Sqallija u b'hekk ġibna l-punt għall- Malta fil-Badminton. Is-sena ta' wara kellna nitilgħu Sqallija sabiex il-logħob jintlagħbu f 'darhom did-darba. Niftakar li l-ewwel logħba tal-Ladies Doubles konna tlifnieha kontra t-tim ta' Sqallija biex imbagħad irbaħna l-Ladies Singles u l-Men's Doubles. Stefan Salomone kien rebaħ faċilment l-ewwel sett kontra l-plejer ta' Sqallija iżda spiċċa biex tilef it-tieni u t-tielet sett. Din is-sitwazzjoni kienet antipatika ħafna għalija u għall-partner tiegħi tal-mixed Samuel Cali li jinzerta wkoll il-kuġin tiegħi. Kulħadd kien qiegħed jispera li nirbħu dan il-konfront tagħna sabiex inġibu l-punt għal Malta u fil-fatt wara logħba kumbattuta għall-aħħar spiċċajna rbaħna. B'hekk il-badminton taw il-punt lil Malta. Ta' min ngħid ukoll li l-badminton kien wieħed mill-ftit sports li ntrebħu mill- Maltin f 'dik l-edizzjoni tal-Logħob ta' Ħbiberija. Wara dak it-tournament u dak is-suċċess kien jeħtieġ iktar taħriġ u eżattament fil-Kampjonati Nazzjonali tal-2012 irnexxieli nirbaħ għall-ewwel darba t-titlu tal-Ladies Singles. Wara dan is-suċċess personali li ksbit fl-2012 xi progress komplejt tagħmel fil-badminton? Fis-sajf ta' dik l-istess sena nirċievi imejl li fiha s-segretarju tal- assoċjazzjoni tal-badminton qalilna li kien se jkun hemm aħbarijiet tajbin għall-badminton. Konna infurmati li fl-2013 kienu se jsiru l-Logħob tal-Mediterran f 'Mersin it-Turkija u għall-ewwel darba kien se jkun hemm ukoll il-badminton. Il-KOM tana l-għajnuna sabiex nitħarrġu b'mod iktar professjonali u fl-istess ħin nipparteċipaw għal ranking tournaments internazzjonali. It-taħriġ minn darbtejn fil-ġimgħa sar erba' darbiet fil-ġimgħa u barra minn hekk kelli nżid ma' dak it-taħrig personali tiegħi f 'dak li għandu x'jaqsam mal- physical u anke weight training. Dan l-inċentiv tani motivazzjoni ikbar u kelli wkoll inwaqqaf ċerti mpenji oħra tiegħi personali sabiex nikkonċentra kompletament fuq dan il-proġett. Il-proġett kellu jwassal lili u lil Stefan Salomone għal-Logħob tal-Mediterran. Bdejna bl-Irish Future Series f 'Ottubru fejn kif mistenni ltqajna ma' plejers ta' livell ogħla minn tagħna. Fil- mixed iltqajna mal-koppja li spiċċat sabiex rebħet it-tournament, filwaqt li fis-singles ġejt kontra Bulgara ħafna iktar esperjenzata minni fil-qasam internazzjonali. Ta' min nispeċifika li dawn ir-ranking tournaments li konna bdejna mmorru għalihom jagħtu punti lil kull plejer li jipparteċipa sabiex jogħla fil-klassifika mondjali tal-plejers tal-badminton. Dawn il-punti mbagħad jiswew sabiex jagħtu l-kwalifikazzjoni lill-plejers għall-kompetizzjonijiet ferm iktar prestiġjużi bħall-Olimpjadi, il-World Championships u l-European Championships fost oħrajn. Barra minn hekk, il-maġġoranza tal-plejers huma full time badminton plejers u għalhekk jikkonċentraw biss fuq it-taħriġ tagħhom f 'dan l-isport. Wara l-Irlanda ta' Fuq kien imiss li nerġgħu mmorru hemm għall-Irish Open fejn kellna polza iebsa ferm. Fil-mixed inzertajna ġejna ma' koppja Olandiża li hija rrankjata fl-34 post fid-dinja. F'Jannar kellna mmorru Ċipru fejn kelli nikkompeti fis-Cyprus International. Konna fil-kwarti tal-finali u kellna nilagħbu kontra koppja Ċiprijotta. L-ewwel sett tlifnieh bl-iskor ta' 21-18. Kien sett ibbilanċjat u li kieku ma kienx għal ċerti insikurezzi konna faċilment nagħmluh tagħna. Wara d-disfatta tal-ewwel sett, ħriġna iktar grintużi fit-tieni sett u rbaħnieh 21-14. Kollox kien iħoll u jorbot fuq l-aħħar sett. Sfortunatament il-koppja avversarja kienet f 'darha u iktar esperjenzata f 'dan il-qasam u ħadulna l-ewwel punti sabiex imbagħad sibnieha iktar diffiċli nirkupraw id-distakk. Dik il-logħba nibqa' niftakarha bħala l-logħba li ġabitni iktar kunfidenti fuq il-court u kunfidenti fil-logħba tiegħi. Sa dakinhar kull darba li kont naffaċċja barrani dejjem kont inħossni inferjuri għalih jew għaliha, però wara dakinhar mtlejt b'kunfidenza kull darba li noħroġ nilgħab kontra plejer barrani iktar ikkwotat minni. Wara Ċipru kien hemm wkoll ir-Rumanija fejn lgħabt kontra plejer Russa li kienet rrankjata mal-aqwa 100 tad-dinja. Ix-xhur bdew igerbu u fl-aħħar tax-xahar ġiet l-aħbar li ma konniex se nitilgħu nipparteċipaw għal-Logħob tal-Mediterran. Hija ovvja SPORTSillum CRISTIAN ANTONY MUSCAT Fiorella-Marie Sadowski – bla dubju l-aqwa plejer femminili li pproduċa l-badminton lokali f'dawn l-aħħar snin fejn tista' tgħid li rebħet dak kollu li għandu x'jori l-badminton lokali waqt li kisbet ukoll diversi suċċessi x-xena internazzjonali tal-istess sport li kulma jmur qed jikber l-popolarità f'pajjiżna Il-mara li tiddomina għal kollox ix-x ena tal-badminton femminili f 'Malta "Mhix faċli li tkun ikkowċjat minn misserek, lanqas xejn! Dejjem ikun qiegħed jistenna iktar mingħandek u xi kultant kont naħseb li l-ħażin tiegħi biss kien jara!" "Kien mument fejn ħassejtni kuntenta ħafna bil-karriera tiegħi f 'dan l-isport però żgur mhuwiex id-destinazzjoni finali."