Issue link: https://maltatoday.uberflip.com/i/1208898
28 sport IL-ĦADD 9 TA' FRAR 2020 • illum Mini-Football: White Eagles jżommu l-konsistenza White Eagles baqgħu jżommu l-quċċata tal-klassifika tal-Malta Mini-Football Assocation meta it sabu problemi sabiex jirbħu lil Buda. Min-naħa tagħhom, l-eqreb rivali tagħhom United Stars kisbu r-raba' suċċess staġjonali meta għelbu lil Titans. Rebħiet tajbin ġew irreġistrati wkoll minn Moon u Churchill Wise Guys li baqgħu jżommu pożizzjoni tajba fil-klassifika. F'din il-ħames ġurnata li ntlagħbet fil- grawnd tal-Marsa ġew skorjati 39 gowl, bl- akbar rebħa jiksbuha proprju White Eagles li għelbu lil Buda bl-iskor ta' 11-5. Dan it-tim kiseb punti massimi minn ħames logħbiet u jinsab favorit li jirbaħ l-ewwel kampjonat organizzat minn din l-assoċjazzjoni. Fil-logħba kontra Buda, huma ddominaw mill-bidu sal-aħħar bi Stefan Kujovic f 'forma mill-aqwa meta skorja tliet gowls. Mill- banda l-oħra Sinisa Simic, Nenad Nikolic u Daniel Vasic kienu awturi ta' doppjetti personali filwaqt li Nemanja Novovic u Milos Otasevic żiedu aktar gowls għal-liders tal-klassifika. Buda, li kienu qed isofru r-raba' telfa staġjonali, kellhom lil Arie Tibi li kompla jikkonferma x-xamma tiegħu għall-gowl meta għaqqad hat-trick, b'Peter Vekony u Wilhelmin Ashiaku jżidu tnejn oħra. Sadanittant United Stars kisbu r-raba' rebħa tal-istaġun meta għelbu lil Titans bl- iskor ta' 5-2. Kienet logħba ferm kumbattuta biż-żewġ timijiet jirrispondu bl-aqwa mod l-attakki ta' xulxin. Leontiev Konda, Zoran Tanaskovic, Florin Manea, Ryan Xuereb u Sead Hoxha niżżlu isimhom mal-lista tal-iskorers għal United Stars. Titans irrispondew u skorjaw il-gowls ta' konsolazzjoni permezz ta' doppjetta ta' Bledi Alla. Din ir-rebħa kienet importanti għal United Stars li issa telgħu waħedhom fit- tieni post tal-klassifika, tliet punti bogħod mil-liders White Eagles. Moon kisbu t-tliet punti ferm prezzjużi wara walk-over li ħadu kontra Club de Swat. Dawn tal-aħħar għadhom mingħajr punti u din il-walk-over li taw ħalliethom waħedhom fl-aħħar post tal-klassifika mingħajr ebda punt. Ċertament li l-isbaħ logħba ta' din il- ħames ġurnata kienet dik bejn Mighty Knights u Churchill Wise Guys fejn ġew skorjati xejn inqas minn 13-il gowl. Fl-aħħar mill-aħħar kienu Churchill Wise Guys li ħarġu rebbieħa bl-iskor ta' 7-6. L-attakkant ta' Churchill Wise Guys, Silas Caruana kien awtur ta' hat-trick filwaqt li Shaun Bonello għaqqad doppjetta. Min- naħa l-oħra Larsen Azzopardi u Leo Muscat żiedu aktar gowls għal Churchill Wise Guys. Fl-istess waqt, din kienet waħda mill- aqwa logħbiet li pproduċew Mighty Knights u kienet ħasra li ħarġu minn dan il-konfront bla punti. Massimo Grima skorja xejn inqas minn erba' gowls filwaqt li Daniel Piccinino żied ieħor għal Wise Guys. Klassifika Malta Mini-Football Association League: White Eagles 15, United Stars 12, Titans, Moon, Churchill Wise Guys 9, Mighty Knights, Buda 3, Club de Swat 0.