24
aħbarijiet
IL-ĦADD 28 TA' ĠUNJU 2020 • illum
Estensjoni tal-perjodu ta' validità ta' ċertifikati ta' konformità
L-Awtorità tal-Ippjanar
iddeċidiet li testendi l-perjodu
ta' validità taċ-ċertifikati ta'
konformità li skadew.
Din il-miżura ttieħdet
wara li numru ta' ċertifikati
ta' konformità validi ma
setgħux jintużaw minħabba
r-restrizzjonijiet li rriżultaw
mis-sitwazzjoni tal-pandemija
COVID-19, u għalhekk skadew.
Għalhekk iċ-ċertifikati ta'
konformità li għandhom perjodu
ta' validità li jiskadi bejn il-15
ta' Marzu 2020 u l-15 ta' Ġunju
2020 (u li għad iridu jintużaw)
jistgħu jkollhom il-perjodu ta'
validità estiż, wara talba speċifika
li jeħtieġ li ssir mill-perit f '
isem l-applikant. It-talba għal
estensjoni għandha tintbagħat
lill-Awtorità tal-Ippjanar qabel it-
30 ta' Ġunju 2020 billi tintbgħat
email fuq customercare@pa.org.
mt u tikkwota n-numru speċifiku
tas-CMP.
Iċ-ċertifikat ta' konformità
jinħareġ mill-ġdid b' perjodu ta'
validità ta' 3 xhur oħra.
Talbiet tardivi mux ser jiġu
kkunsidrati.
Meta jinħareġ, ċertifikat ta'
konformità għandu perjodu ta'
validità ta' 3 xhur.
Iċ-ċertifikat ta' konformità
huwa konferma li żvilupp huwa
skont il-permess tal-ippjanar
u huwa meħtieġ meta tapplika
għas-servizzi tad-dawl u l-ilma.
Fl-2019, l-Awtorità rċeviet
numru rekord ta' 10,442 talbiet
għall-ħruġ ta' ċertifikati ta'
konformità, li jirrappreżenta
żieda ta' madwar 15% fuq is-sena
ta' qabel.
