Issue link: https://maltatoday.uberflip.com/i/1498222
06 IL-ĦADD 30 TA' APRIL 2023 • illum aħbarijiet 'Ma jistax ikun li omm terġa' tgħaddi mill- istess dulur bħalma għaddiet omm Jean Paul' ANTHEA CACHIA "Inkjesta Pubblika toffri analiżi u investigazzjoni aktar wiesgħa u iddettaljata biex każ bħal ta' Jean Paul Sofia ma jerġax iseħħ. Ma jistax ikun li omm, familja jew ħbieb jerġgħu jgħaddu mill- istess dulur bħalma għaddiet omm Jean Paul," hekk qal il- Kelliem tal-Partit Nazzjonalista għall-Finanzi Jerome Caruana Cilia waqt li kien qiegħed jiġi intervistat fil-programm Mill- Kamra, il-ġimgħa li għaddiet. Huwa ġie mistoqsi kif proprju hu, fl-aħħar ġimgħat kien daqstant voċiferu fid-diskorsi tiegħu fil-Parlament, meta huwa kelliem għall-Finanzi. Huwa insista illi din hija ħidma kollettiva tal-Oppożizzjoni illi l-familja tal-mibki Jean Paul Sofia tara li ssirilha ġustizzja, "biex il-mewt ta' Jean Paul ma tkunx swiet għal xejn." Jean Paul Sofia tilef ħajtu traġikament fl-età żgħira ta' 20 sena f 'sit ta' kostruzzjoni, il-post tax-xogħol tiegħu. Waqt il-programm huwa insista li fil-passat, Inkjesta Maġisterjali kif ukoll inkjesta Pubblika saru fl-istess waqt u allura "ma hemm xejn milli jżomm lill-Prim Ministru Robert Abela milli jitlob Inkjesta Pubblika f 'dan il- każ." Kien hawn illi ta paragun tad-differenza bejn Inkjesta Maġisterjali u Inkjesta Pubblika u għaliex din l-insistenza tal- Oppożizzjoni mhix biex jirbaħ punti politiċi. Huwa spjega li l-Inkjesta Maġisterjali, li f 'dan il-każ qed titmexxa mill-Maġistrat Marseanne Farrugia, tistabilixxi r-responsabilitajiet mil-lat kriminali fuq il-liġijiet eżistenti. Min-naħa l-oħra qal illi "l-inkjesta pubblika tmur oltrè minn hekk u tista' tara wkoll li jkun hemm rakkomandazzjonijiet, emendi u bidliet fuq l-aspett leġislattiv." "Il-Prim Ministru Robert Abela, fejn jaqbillu dejjem jgħidilna biex inħalu lill- istituzzjonijiet jaħdmu f 'serenità. X'għandu x'jaħbi biex ma jridx isejjaħ inkjesta pubblika?" staqsa Caruana Cilia. Caruana Cilia fakkar illi din it-talba għall-Inkjesta Pubblika ma kinitx waħda fl-arja iżda qal illi kien għalhekk li l-Kap tal-Oppożizzjoni Bernard Grech iddeċieda li mal-uħ tal-Parlament iressaq mozzjoni biex ikun hemm diskussjoni urġenti dwar dan kollu. Fil-fatt din il-ġimgħa stess, l-Ispeaker tal-Kamra Anglu Farrugia ma laqax it-talba għall-mozzjoni tal-Oppożizzjoni biex il- Parlament jiġi aġġornat u jsir dibattitu dwar Inkjesta Pubblika. Minkejja dan, Farrugia kien tal- opinjoni li l-Kamra ma kelliex tiġi aġġornata propju għaliex ma kienx hemm żviluppi ġodda fuq il-każ u għaldaqstant ma kienx każ li kellu jinstema urġeni. Apparti minn hekk huwa qal illi d-dibattitu seta' jaffettwa l-investigazzjonijiet pendenti u jxekkel il-proċess ġudizzjarju. Mill-Kamra jiddiskuti u jistaqsi fuq żewġ traġedji mill-aktar riċenti, dawk ta' Jean Paul Sofia u Bernice Cilia. Waqt il-programm ġew intervistati l-Kelliem tal-Oppożizzjoni Jerome Caruana Cilia u s-Segretarju Parlamentari Rebecca Buttigieg, dwar il-pass li jmiss u x'tagħlimiet se nieħdu biex pajjiżna ma jerġax jara avvenimenti simili... 'Tagħmel kemm tagħmel fil-qasam tal-vjolenza domestika, qatt mhu biżżejjed' Fil-parti l-oħra ta' dan il- programm, ġiet intervistata s-Segretarju Parlamentari għar- Riformi u l-Ugwaljanza Rebecca Buttigieg. Hija sostniet li l-Att dwar il-Vjolenza Domestika li jinsab fi stadju tat-tieni qari, ma tressaqx bħala reazzjoni għal xi avveniment traġiku, jiġifieri wara l-omiċidju tal-omm Bernice Cilia. Tant hu hekk illi qalet li din kienet waħda mill- ewwel liġijiet li bdiet taħdem fuqha mal-Ministru Byron Camilleri u t-tim tagħha. Fakkret li r-riċerka tindika li hija aktar diffiċli biex persuna toħroġ mill-vjolenza domestika jekk tkun f 'relazzjoni u għalhekk qalet illi l-Gvern se jkun qiegħed jagħti l-fakultà li l-persuna tmur għand il-Victim Support Agency biex tistaqsi lill-Pulizija jekk is-sieħeb tagħha qatt kellhux passat fejn instab ħati bi vjolenza domestika. Insistiet illi b'din is-sistema mhux se jinħoloq reġistru għaliex jekk persuna tkun instabet ħatja ta' dan tkun diġà informazzjoni pubblika, "iżda hekk se jkun hemm sistema li tifaċilità l-proċess." Hawn tenniet ukoll li persuna jrid ikollha raġuni valida għaliex tistaqsi għal din l-informazzjoni u mhux tqum ġurnata u tiddeċiedi li trid tmur titkixxef fuq il-passat ta' persuna biex tagħmel 'name and shame'. Għalhekk qalet li l-persuna għandha tagħti provi li qiegħda f 'relazzjoni intima mal-persuna li qed titħasseb dwarha. "Fl-istess waqt, persuna ma jkollhiex suspetti ta' xejn u għaldaqstant anke jekk is-sieħeb jew is-sieħba ma jkunux fil-lista imsemmija - għaliex vittmi passati tal-persuna ma għamlux rapporti – xorta tista' tingħata l-għajnuna tal-Victim Support Agency," kompliet tgħid Buttigieg. Mistoqsija dwar in-nuqqas ta' riżorsi, kif qal proprju l-Imħallef Emeritu Geoffrey Valencia fl- Inkjesta ta' Bernice Cilia, hija tenniet illi kieku kienet hi f 'dik il-pożizzjoni, kienet aktar tinkwieta li kieku l-Gvern mhu qiegħed jagħmel xejn biex jindirizza l-problema. Mistoqsija għal darboħra biex tispeċifika kif il-Gvern qiegħed jindirizza n-nuqqas ta' riżorsa hija tenniet li qiegħed jaħdem id f 'id mal- NGOs, ġiet assenjata Maġistrat fuq il-vjolenza domestika biss u aktar riżorsi fi ħdan il-Qorti, fost oħrajn. Hija temmet tgħid illi "tagħmel kemm tagħmel fil-vjolenza domestika, qatt ma huwa biżżejjed. U jekk ikun hemm il- vittmi, ifissier illi s-soċjetà falliet. Għaldaqstant irridu nagħmlu sforz kollettiv, mhux biss bħala Gvern iżda bħala soċjetà." Jerome Caruana Cilia Rebecca Buttigieg