Issue link: https://maltatoday.uberflip.com/i/1519724
16 aħbarijiet IL-ĦADD 28 TA' APRIL 2024 • illum Malta Pajjiżna Flimkien inkomplu nsaħħu lil Il-Kamra tal-Kummerċ ta' Malta qajmet tħassib dwar l-għoti riċenti ta' maħfra presidenzjali lil dawk li kienu rċevew fondi tal-benefiċċji soċjali bil-patt u kundizzjoni li tingħata x-xhieda tagħhom kontra dawk li wettqu l-iskema. "Il-maħfra presidenzjali li ngħatat lir- riċevituri tal-benefiċċji soċjali bi tpattija biex jixhdu kontra dawk li wettqu l-iskema tkompli ssaħħaħ kultura ta' impunità. Jiddgħajjef ukoll il-President il-ġdid – filwaqt li ħafna jaħsbu li maħfra presidenzjali taqa' kompletament fil- prerogattiva tal-President, fil-fatt, it-talba għal maħfra presidenzjali hija fuq il-parir li jkun irċieva." Il-Kamra tal-Kummerċ appellat għal miżuri ta' governanza b'saħħithom, u qed tenfasizza l-ħtieġa urġenti ta' azzjonijiet tanġibbli biex jinżammu l-prinċipji ta' responsabbiltà u trasparenza. Fid-dawl ta' rivelazzjonijiet riċenti dwar frodi, il-Kamra qajmet tħassib serju dwar in-nuqqas ta' sorveljanza u mekkaniżmi ta' verifika interna tal-Gvern. Il-Kamra qalet li l-firxa tal-iskema tal-frodi tal-benefiċċji, li ilha topera bla kontroll għal snin, tqajjem mistoqsijiet dwar l-integrità ta' dawk involuti fl-amministrazzjoni tagħha, inklużi ministeri tal-Gvern. Il-Kamra wissiet kontra kultura ta' kompjaċenza u qed tappella għal azzjoni immedjata biex jiġu indirizzati kwistjonijiet sistemiċi. Barra minn hekk, il-Kamra tesprimi tħassib dwar it-tibdil frekwenti tal-ogħla pożizzjonijiet tal-Gvern, li hija tqis li qed ifixkel sforzi sinifikanti ta' riforma. Il-Kamra qed issostni li l-prattika ta' riżenji biex tinħoloq l-illużjoni ta' azzjoni, tiskoraġixxi individwi li huma kapaċi jieħdu rwoli kruċjali u jwettqu r-riformi meħtieġa. Il-Kamra tisħaq fuq l-importanza li l-gvern jindika l-impenn tiegħu lejn ir-responsabbiltà u l-integrità, aktar milli jirreaġixxi għall- opinjoni pubblika jew idewmu azzjoni deċiżiva. Is-sostenn tal-prinċipji ta' governanza tajba, issostni l-Kamra, huwa essenzjali għar- restawr tal-fiduċja pubblika u biex tiġi żgurata soċjetà ġusta. Aktar kmieni din il-ġimgħa, il-Gvern ħabbar li mijiet ta' nies li b'mod frawdolenti rċevew benefiċċji tad-diżabilità se jingħataw maħfra presidenzjali taħt ċerti kundizzjonijiet. It-termini tal-maħfra jinkludu l-ħlas lura tal-benefiċċji kollha miksuba illegalment jew b'mod sħiħ jew permezz ta' pjan li jippermetti l-pagamenti perjodikament sakemm jitħallsu lura. Barra minn hekk, ir-riċevituri għandhom jikkoperaw mal-awtoritajiet legali billi jixhdu fil-qorti kontra kwalunkwe individwu involut fl-orkestrazzjoni tal-attività frawdolenti. Madankollu, il-maħfra ma testendix għal dawk maħsuba li huma l-imħuħ wara l-frodi tal-benefiċċju. Id-deċiżjoni, approvata mill-kabinett u ffirmata mill-President Myriam Spiteri Debono, għandha l-għan li tirranġa s-sitwazzjoni mingħajr ma teħles lill-individwi mir-responsabbiltà. Minkejja l-frodi, ġie rikonoxxut li xi riċevituri kienu ġenwinament fil-bżonn, u l-benefiċċji kienu qed jgħinuhom. Barra minn hekk, xi riċevituri sostnew li ma kinux konxji li kienu qed jirċievu fondi illeċiti jew kienu jemmnu li kienu intitolati għall- benefiċċji minħabba kundizzjonijiet mediċi. Notevolment, il-maħfra presidenzjali teskludi individwi suspettati li orkestraw jew iffaċilitaw il-frodi, bħall-eks Deputat Laburista Silvio Grixti u oħrajn li diġà ġew akkużati b'rabta mar-racket. Grixti u erbgħa oħra qed jaffaċċjaw akkużi dwar l-allegat involviment tagħhom fil-frodi. Madwar 288 persuna kienu ġew identifikati li rċevew benefiċċji frawdolenti, li jammontaw għal aktar minn €5 miljun. Investigazzjonijiet implikaw lil Grixti li allegatament ipprovda dokumenti mediċi foloz biex jgħin lil dawn l-individwi, bl-evidenza tissuġġerixxi kollużjoni mifruxa fost il-benefiċjarji, l-intermedjarji, u Grixti. Il-Kamra tal-Kummerċ tgħid li l-maħfra presidenzjali qed issaħħaħ kultura ta' impunità Il-Kamra tal-Kummerċ appellat għal miżuri ta' governanza b'saħħithom