Issue link: https://maltatoday.uberflip.com/i/1537234
opinjoni 12 analiżi arti u kultura IL-ĦADD 6 TA' LULJU 2025 • illum Il-gazzetta ILLUM hija megħjuna mill-Kunsill Malti għall-Arti Il-baħar u l-oċeani jkopru aktar minn 70% tad-dinja tagħna. Huma jipproduċu ħafna mill- ossiġnu li nieħdu n-nifs minnu, jipprovdu ikel, u jirregolaw is-sistemi klimatiċi essenzjali għall-ħajja fuq l-Art. Madankollu, dawn l-ekosistemi vasti jinsabu taħt pressjoni bla preċedent. Mill-popolazzjoni tal-plastik u d-degradazzjoni tal- ekosistema, għas-sajd eċċessiv, it-tibdil fil-klima, u l-estinzjoni imminenti ta' speċi marittimi, il-baħar qed jaffaċċja kriżi ta' kumplessità u skala allarmanti. "reads of What Remains" hija investigazzjoni artistika intima ta' Katel Delia, għaddasa b'esperjenza ta' kważi tletin sena tesplora d-dinja taħt l-ilma. Permezz tal-lenti tagħha, Delia taqbad immaġini li jolqtu ambjent marittimu fraġli u instabbli, fejn il-popolazzjonijiet ta' ħut li darba kienu abbundanti tnaqqsu drastikament, u l-qlugħ tal-qroll li għad fadal fihom traċċi ta' plastik imwaħħal fil-binjiet delikati tagħhom. L-approċċ uniku ta' Delia jinkorpora bordura delikata fuq ritratti taħt l-ilma, fejn tħit reliefs ta' qiegħ il-baħar u linji topografiċi li jirriflettu l-forom ta' pajsaġġi mgħarrqin qrib kosti u qroll mhedda. Dawn ir- reliefs imżewqa jsiru metafora għar-rabtiet fraġli li jgħaqqdu lill-umanità mal-baħar, u għall- ħtieġa urġenti li nipproteġu dawn l-ambjenti taħt l-ilma qabel ma jisparixxu għalkollox. L-esebizzjoni tixħet ukoll dawl fuq l-isfruttament tal-baħar permezz ta' prattiċi distruttivi bħal "bottom trawling"; metodu li mhux biss jeqred qiegħ il- baħar u jeħles il-karbonju maħżun, imma wkoll ma jdumx ekonomiku fit-tul. Turi wkoll kif ix-xbieki abbandunati, li jistgħu jduru madwar id-dinja diversi drabi, ikomplu jheddu l-ħajja u l-ekosistemi marini għal żmien twil wara li jitwarrbu. Ix-xogħol ta' Katel huwa ispirat minn esperjenza personali profonda, u jfakkarna li l-vitalità tal-oċean m'għandhiex limiti. Fejn għaddasa kienu jsibu qroll mhux mittiefes u bijodiversità b'saħħitha f 'fondi żgħar, illum jiltaqgħu ma' "rdumijiet ta' qerda" u l-għejbien sieket tal-ħajja. L-esebizzjoni tistedinna nirriflettu fuq dak li jkun fadal taħt il-mewġ — il- ħjut tal-ħajja, tal-memorja, tar- responsabbiltà — u fuq kollox, nerġgħu nikkunsidraw ir- relazzjoni tagħna mal-baħar. L-esebezzjoni bdiet nhar il-5 ta' Lulju u għandha għaddejja sas-26 ta' Lulju fil-Mużew ta' Wignacourt, ir-Rabat. reads of What Remains hija vjaġġ intimu fid-dinja fraġli taħt l-ilma. Hija sejħa għall-għarfien, għall-protezzjoni u għat-tama — stedina biex inqimu s-sbuħija u l-vulnerabbiltà tal-baħar, u biex naġixxu qabel il-mirakli tiegħu jsiru biss tiiriet tal-passat. Threads of What Remains — investigazzjoni artistika ta' għaddasa Għaxaq Musical Festival 2025 Appuntament importanti ħafna fil-kalendarju mużikali lokali huwa l-Għaxaq Music Festival 2025! Dan il-festival, li issa sar wieħed mill-aktar avvenimenti stabbiliti u mistennija fis-sajf Malti, kompla jżid fil-popolarità u l-kwalità tiegħu sena wara sena, bil-parteċipazzjoni t'artisti ta' fama internazzjonali bħal Ronan Keating, Julian Marley, Smokie, Marco Masini, Brit Floyd, e Wailers, u ħafna iktar. Sena wara sena, dan il-festival jattira eluf ta' spettaturi Maltin u barranin lejn ir-raħal storiku u pittoresk ta' Ħal Għaxaq, li għal dawn l-okkażjonijiet jinbidel f 'ċentru kulturali vibranti mimli mużika, b'atmosfera unika u sens ta' komunità. Il-kombinazzjoni ta' artisti internazzjonali ta' livell għoli u talent lokali jagħmel minn dan il-festival esperjenza li tgħaqqad il-kwalità artistika mal-ispirtu sħiħ ta' festa li eventwalment twassal għall-festa ta' Santa Marija li tigi ċċelebrata nhar il-15 t'Awwissu. L-ewwel jum L-ewwel lejl tal-Għaxaq Musical Festival 2025 jiaħ b'mod spettakolari bil-headliner internazzjonali Zucchero, il- leġġenda Taljana tal-blues-rock, li se jkun qed iwassal spettaklu mill- aqwa bħala parti mill-"Overdose D'Amore World Tour". Dan it-tour prestiġjuż bħalissa għaddej b'suċċess kbir madwar l-Ewropa u qed jattira eluf ta' spettaturi minn madwar id-dinja. Qabel ma jitla' Zucchero fuq il- palk, l-udjenza se tkun milqugħa b'wirja minn Chess Galea, kantanta-awtriċi Maltija b'karriera internazzjonali li bħalissa qed iddur madwar id-dinja mal-Australian Pink Floyd Show. Il-lejla tibda b'sett dinamiku u enerġetiku mid-Dj lokali Pierre Cordina, li se jsaħħan l-atmosfera b'mużika vibranti u enerġija kontaġjuża. Wara l-wirjiet live, l-ispettaklu jkompli b'Aer Party speċjali li se jara lil DJ Mykill jieħu l-kontroll tal-palk — għal set mużikali eċitanti li jżomm il-festa għaddejja sa tard billejl, f 'ambjent uniku taħt is-sema miuħ ta' Ħal Għaxaq. It-tieni jum It-tieni serata tkompli bil-grupp leġġendarju Franċiż, Gipsy Kings bħala l-headliners tal-lejl — grupp rebbieħ tal-Grammy Award magħruf mad-dinja kollha għall- istil uniku tagħhom li jgħaqqad flamenco, salsa u pop. B'hits bħal "Bamboléo", "Volare" u "Djobi Djoba", l-udjenza tista' tistenna spettaklu sħiħ ta' ritmu, passjoni u enerġija li se jagħti ħajja lill- grawnd ta' Ħal Għaxaq. Qabel, Kurt Calleja u l-band se jippreżentaw kunċert speċjali bit-tema "Kurt Calleja & Friends", fejn se jingħaqdu miegħu numru ta' artisti Maltin stabbiliti: Chiara, l-ikona tal-Eurovision; Owen Leuellen, rapper u kant'awtur bi stil distint; il-pop sensation Brooke, kif ukoll Kirsten Graham, vuċi ġdida u promettenti fix-xena lokali. Id-Dj Malti Alex Grech se jiaħ is-serata, filwaqt li DJ Sue se tkompli s-serata b'aerparty mużikali li jżomm l-enerġija għolja sal-aħħar mument u se toħloq finali li ma jintesiex għall-edizzjoni tal-2025. Il-biljetti għal dawn il-kunċerti qed jinbiegħu b'rata mgħaġġla u jistgħu jinxtraw online permezz ta' www.showshappening.com. Tfal taħt it-12-il sena jistgħu jattendu b'xejn jekk ikunu akkumpanjati minn adult, ħlief fis-sezzjoni bilqiegħda fejn ikun meħtieġ biljett. Dan il-festival sar wieħed mill-aktar avvenimenti stabbiliti u mistennija fis-sajf Malti Ix-xogħol ta' Katel huwa ispirat minn esperjenza personali profonda, u jfakkarna li l-vitalità tal-oċean m'għandhiex limitu