Issue link: https://maltatoday.uberflip.com/i/1541991
opinjoni 12 analiżi arti u kultura IL-ĦADD 14 TA' DIĊEMBRU 2025 • illum Il-gazzetta ILLUM hija megħjuna mill-Kunsill Malti għall-Arti Il-Festa tal-Immakulata Kunċizzjoni fl-Imqabba L-artista lokali Lisa Cassar tniedi l-ewwel esebizzjoni tagħha Bejn id-29 ta' Novembru u t-8 ta' Diċembru 2025, ġiet iċċelebrata l-Festa tat-Tnissil bla Tebgħa ta' Marija fil-Parroċċa tal-Imqabba. Din il-Festa tiġi organizzata annwalment b'kollaborazzjoni bejn il-Fratellanza tal- Immakulata Kunċizzjoni, is- Soċjetà Mużikali Madonna tal- Ġilju u l-Parroċċa tal-Imqabba. Il-festi fetħu fil-Knisja Parrokjali nhar is-SIbt 29 ta' Novembru bil-bidu tan-Novena Mqaddsa ta' preparazzjoni. Matul dawn il-ġranet, ingħadet il-Kurunella tal-Kunċizzjoni, saret Quddiesa Kantata u ngħatat il-Barka Sagramentali. It-Tnejn 1 ta' Diċembru filgħaxija, sar il-Ħruġ min-Niċċa tal-Vara tal- Madonna tal-Ġilju u l-espożizzjoni tagħha fuq il-bradella artistika fiċ-ċentru tal-Knisja Parrokkjali tal-Imqabba. Il-Festi komplew nhar is-Sibt 6 ta' Diċembru bl-ikla tradizzjonali tal-Festa organizzata mill-Kumitat Soċjali fis-Sede tas- Soċjetà Mużikali Madonna tal- Ġilju. Il-Ħadd 7 ta' Diċembru, waqt il-Quddiesa ta' lejlet il-festa, saret iċ-ċerimonja tal-Professjoni tal- Fratelli ġodda fi ħdan il-Fratellanza tal-Immakulata Kunċizzjoni. Sar ukoll sar it-tqassim tal-medaljuni. Il-Festi laħqu l-qofol tagħhom nhar it-Tnejn 8 ta' Diċembru, Solennità ta' Marija Immakulata. Filgħodu sar marċ trijonfali mill- Banda Madonna tal-Ġilju fejn matulu nġarru, kemm il-bandalora artistika tal-banda, kif ukoll diversi standardi. Din l-attività kkonkludiet iċ-ċelebrazzjonijiet li matul din is- sena fakkru t-80 anniversarju mill- ewwel dehra pubblika tal-ewwel banda fi ħdan l-ewwel Soċjetà Muzikali Mqabbija, kif ukoll nedew iċ-ċelebrazzjonijiet li matul l-2026 se jfakkru l-150 anniversarju mill- miġja tal-Vara tal-Madonna tal- Ġilju għall-ewwel darba fl-Imqabba fl-1876. Fl-4:00pm bdiet Quddiesa Kantata li kienet bis-sehem tad- diversi fergħat li jikkomponu s-Soċjetà Mużikali Madonna tal- Ġilju, kif ukoll il-Fratellanza tal- Immakulata Kunċizzjoni, flimkien ma' mistednin distinti. Wara segwa l-ħruġ tal- Purċissjoni bil-vara artistika u devota tal-Madonna tal-Ġilju fejn ingħatat merħba kbira fuq iz- zuntier mid-devoti. Il-purċissjoni mxiet mat-toroq tal-parroċċa bis- sehem tal-fratellanzi, kleru u poplu. Ma' tmiem il-Purċissjoni ndaqqet l-Antifona, saret ċelebrazzjoni ewkaristika u ngħatat il-Barka Sagramentali, kif ukoll il-bews tar- relikwa. Il-Festi esterni komplew bi programm mużikali mill-Banda Madonna tal-Ġilju fil-pjazza ta' quddiem il-Każin, u get-to-gether fl-istess sede. L-Għaqda tal-Armar Madonna tal-Ġilju ħadet ħsieb tipprovdi armar għal din il-Festa, filwaqt li l-Għaqda tan-Nar Madonna tal- Ġilju ħarqet xogħol pirotekniku li ġab fi tmiemha l-Festa għażiża ta' Marija Immakulata fl-Imqabba. Is-Soċjetà Mużikali Madonna tal- Ġilju flimkien mal-Konfraternità tal-Immakulata Kunċizzjoni jirringrazzjaw lil dawk kollha li taw is-sehem tagħhom biex din il-festa setgħet tkun suċċess. L-artista lokali Lisa Cassar nediet l-ewwel esebizzjoni tagħha, "where I go to breathe", f 'Camilleri Paris Mode fir-Rabat. Fl-esebizzjoni żvelat ġabra ta' xogħlijiet imfassla mill-ħsieb tagħha li ssib il-kalma. L-esebizzjoni tgħaqqad sensiela ta' naturescapes — xogħlijiet intimi u vibranti li jqassmu r-ritorn tagħha għad-dinja naturali f 'mumenti meta ħasset li kellha bżonn terġa' tpoġġi saqajha mal-art. B'użu ta' kuluri saturati u pinzellata fluwida, ix-xogħol ta' Cassar isejjaħ għall- moviment u l-kwiet. Kull biċċa arti hi ispirata minn post li kien parti mill-vjaġġ ta' fejqan tagħha wara perjodu ta' avvenimenti diffiċli. Minflok orizzonti wesgħin jew pajsaġġi li jkopru kollox, Cassar tiffoka fuq id- dettalji ta' barra li spiss jintbagħtu: il-ħdura mqassma f 'saffi tal-weraq miġbura, il- ġeometrija li tinbidel tal-friegħi, u l-logħob tad-dawl fuq is-siġar. Dawn l-istudji mill-qrib ta' siġar u pjanti lokali jħabblu l-fruntiera bejn ir-realiżmu u l-astratt. Weraq jinħallu f 'mudelli; friegħi jsiru strutturi ritmiċi; il-kulur jiċċaqlaq f 'impulsi aktar milli fi pjanijiet. Fi żmien meta n-natura tidher dejjem aktar fraġli, Cassar tħoss il-bżonn li teħodha eqreb lejha, biex terġa' tibni fuq il-kanvas is- sens ta' sigurtà li toffrilha. L-effett huwa immersiv. Wieqfa quddiem kull kanvas, l-udjenza tħossha miġbuda lejn in-natura li hija familjari għaliha, iżda anki stramba fl-espansività tagħha — tfakkira li anke l-iżgħar rokna fid-dinja naturali fiha kumplessità, kenn, u kwiet. L-esebizzjoni nibtet mill-isforzi ta' Cassar biex terġa' tibni s-sens ta' stabbiltà tagħha f 'nofs staġun ta' provi. Meta daret lejn in-natura, sabet li tiffoka fuq il-forom intimi tagħha — il-kurvatura tal-werqa, ir-repetizzjoni tal-mudelli, il-mod kif id- dawl jgħaddi minn bejn il-friegħi — Li tpinġi dawk il-forom sar estensjoni ta' dak il-fejqan. "where I go to breathe" toffri lill-viżitaturi l-istess libertà: mument biex tnaqqas il- pass, tħares mill-qrib, u ssib il-paċi fil- forom intriganti tan-natura. L-esebizzjoni nfetħet fid-29 ta' Novembru u se tibqa' esebita f 'Camilleri Paris Mode, fir-Rabat, matul ix-xahar ta' Diċembru. L-avveniment huwa sponsorjat minn King Shoe Shop, VeeGeeBee Malta u Gauci Borda. Il-Festa tat-Tnissil bla Tebgħa ta' Marija tiġi organizzata annwalment b'kollaborazzjoni bejn il-Fratellanza tal-Immakulata Kunċizzjoni, is- Soċjetà Mużikali Madonna tal-Ġilju u l-Parroċċa tal-Imqabba Ix-xogħol ta' Cassar isejjaħ għall-moviment u l-kwiet