Issue link: https://maltatoday.uberflip.com/i/1411835
07 aħbarijiet illum • IL-ĦADD 19 TA' SETTEMBRU 2021 'Il-kwalità tal-ħajja ma tinkludix biss il-flus'; L-ILLUM titkellem mal-GWU dwar l-istudju fuq il-Living Income L-għan ta' dan l-istudju li qed isir bejn il- GWU, l-Alleanza Kontra l-Faqar u l-Moviment Graffitti huwa li jidentifika d-dħul li persuni u familji differenti jeħtieġu biex jgħixu ħajja diċenti u dinjituża filwaqt li dan il-kunċett jitpoġġa fuq l-aġenza nazzjonali u jkun implimentat YENDRICK CIOFFI "Jista' jkun hemm ċirkostanzi fejn persuna tispiċċa fi stat ta' faqar, jew inkella f 'riskju ta' faqar mhux minħabba nuqqasijiet tagħha imma minħabba fatturi ekonomiċi u soċjali li ma jkollhomx kontroll fuqhom." Dan qalu s-Segretarju Ġenerali tal-General Workers Union, Josef Bugeja, hekk kif il-gazzetta ILLUM tkellmet miegħu dwar l-istudji li qed isir fuq il-kunċett tal-Living Income. Aktar kmieni din is-sena, il- General Workers Union, l-Alleanza Kontra l-Faqar u anke l-Moviment Graffitti bdew jaħdmu flimkien fuq studju professjonali biex jikkalkula x'inhu l-Living Income għal tipi ta' familji u individwi li jinsabu f 'ċirkostanzi differenti. "Permezz ta' dan l-istudju għandu jiġi stabbilit il-livell tad-dħul meħtieġ biex persuni f 'kuntesti soċjoekonomiċi differenti jkunu jistgħu jgħixu ħajja diċenti u dinjituża," insista Bugeja. Minn żmien għal żmien, partikolarment fi żmien il-Baġit, dejjem tqum id-diskussjoni dwar kemm il-famuża COLA, il-mekkaniżmu li bih tinħadem iż-żieda għall-għoli tal-ħajja, hija effiċjenti biex tgħin persuni joħorġu mill-faqar u jgħixu ħajja diċenti. Din tkun ikkalkulata fuq l-Indiċi tal-Prezzijiet li jindika l-inflazzjoni, jiġifieri ż-żieda fil- prezzijiet tal-prodotti li nixtru u għalhekk iż-żieda li tingħata tkun l-istess għal kulħadd. Kif irrapportat diversi drabi din il-gazzetta, ilu jinħass il-bżonn li dan il-mekkaniżmu jingħata l-ġenb darba u għal dejjem u minflok jiddaħħal il-kunċett tal- Living Income, li huwa dak id- dħul minimu li persuna jkollha bżonn biex tgħix ħajja diċenti. Il-mibki Charles Miceli kien jitkellem ħafna dwar dan u kien jisħaq li "r-riga" ma għandhomx jibqgħu l-prezzijiet iżda għandha tkun il-ħajja diċenti. Isiru diversi studji simili, anke l-Gvern kien ħabbar li se jibda jistudja dan il-kunċett u kien għalhekk li l-ILLUM staqsiet lil Bugeja għaliex inħass il-bżonn li anke huma jwettqu studju dwar dan il-kunċett u fuq kollox, fiex wasal. "Dan qed nagħmluh għax sa issa l-istudju li hawn huwa dwar id-dħul bażiku u aħna nemmnu li għandu jsir studju biex jiġi stabbilit jekk hawnx familji u individwi li d-dħul tagħhom mhuwiex biżżejjed biex jgħixu ħajja diċenti," kompla jispjega Bugeja. 'Mhux qed nieqfu biss mal-paga...' Insista li meta qed jitkellmu dwar dħul, qed jinkludu l-aspetti kollha, jiġifieri kemm il-paga u anke l-benefiċċji soċjali, il- pensjoni, l-edukazzjoni u s-saħħa, fost oħrajn. "Fl-istudju qed ninkludu dawk l-affarijiet kollha u d-dħul kollu li kull persuna jew familja teħtieġ biex tgħix ħajja diċenti u dinjituża. Fost oħrajn, se ninkludu l-ikel, l-akkomodazzjoni diċenti, is-saħħa, l-ilbies, il- kommunikazzjoni, it-trasport, l-edukazzjoni, il-ħin tar- rikreazzjoni u anke l-possibbilità li wieħed ifaddal," kompla jispjega. Insista li l-ħsieb wara dan kollu huwa li b'mod xjentifiku jkun stabbilit il-livell ta' dħul biex kulħadd jgħix ħajja diċenti. Kien hawn li insista li l-kwalità tal-ħajja ma tinkludix biss il-flus, imma diversi affarijiet oħra, inkluż il-ħin liberu biex persuna tkun tista' tgawdi ħajjitha, il-familja u anke tistrieħ. "Aħna dejjem emminna li x-xogħol huwa għall-bniedem u mhux il-bniedem għax-xogħol. Il-Living Income għandha tiġi kkalkulata abbażi ta' dak kollu li hu bżonnjuż biex persuna tgħix ħajja diċenti," saħaq. Hawnhekk għamel distinzjoni bejn il-Living Income u l-Living Wage. Spjega kif il-Living Wage hija l-paga meħtieġa għal ħajja diċenti, filwaqt li l-Living Income t i n k l u d i d-dħul kollu u dak kollu li persuna t i r r i k j e d i biex tgħix ħajja dinjituża, bħalma huma l-pensjonijiet, il- benefeċċji soċjali u anke bżonnijiet ta' kuljum. 'Irridu naraw kemm għandu jkun id-dħul għal forom differenti ta' familji' Mistoqsi fiex wasal dan il- proċess, Bugeja insista li sa issa nħareġ tender għall-istudju li wassal biex jiġi magħżul minn se jkun qed jagħmel din ir-riċerka, li kompla jispjega, se tinkludi l-kollaborazzjoni ta' professjonisti differenti. Fost dawn se jinkludi professjonisti fl-ekonomija, li għandhom l-għodda biex jistabbilixxu l-Living Income u professjonisti oħra fil-qasam soċjali li se jidentifikaw kategoriji soċjoekonomiċi differenti. "Il-proġett huwa mfassal biex naraw kemm għandu jkun id- dħul għal forom differenti ta' familji. Għalhekk huwa mistenni li jiġu stabbiliti ċifri differenti ta' Living Income skont id-diversi kategoriji soċjoekonomiċi," kompla jispjega Bugeja. "Apparti minn hekk l-istudju għandu jidentifika ċ-ċirkustanzi li jwasslu biex id-dħul ta' ċertu persuni ma jlaħħaqx il-Living Income u anke dawk il-gruppi fis-soċjetà li huma l-iktar f 'riskju li jkunu f 'din is-sitwazzjoni." 'Is-suġġett għandu jitpoġġa fuq l-aġenda nazzjonali' Iżda dan se jkun studju ieħor li se jibqa' fuq l-ixkaffa jġemma' t-trab? Is-Segretarju Ġenerali tal-GWU insista li wara li jkun lest l-istudju se jsiru diversi preżentazzjonijiet lill-Gvern, NGOs differenti u anke lill-Kunsill Malti għall-Iżvilupp Soċjali u Ekonomiku (MCESD). Fi kliemu, dan għandu jwassal biex il-pajjiż jibda jara kif dan il- kunċett jibda jiġi implimentat, anke jekk b'mod gradwali, waqt li wera d-determinazzjoni tiegħu u tal-unjin li d-diskussjonijiet iwasslu biex il-Living Income jitpoġġa fuq l-aġenza nazzjonali. "Huwa essenzjali li meta nitkellmu fuq il-Living Income inkunu qed nitkellmu fuq fatti u studji xjentifiċi," temm jisħaq Bugeja. Is-Segretarju Ġenerali tal- GWU Josef Bugeja L-istudju mhux jieqaf biss mal-paga imma qed iħares ukoll lejn dħul ieħor jew affarijiet oħra li kull persuna teħtieġ biex tgħix ħajja diċenti