Issue link: https://maltatoday.uberflip.com/i/1477423
18 opinjoni IL-ĦADD 28 TA' AWWISSU 2022 • illum In-negozjant tal-ikel Tork u sieħbu fin-negozju I l-mostru ta' bini li approvat l-Awtorità tal-Ippjanar u li preżentement qed jinbena ħdejn il-kappella tal-Manika- ta kien ikkunsidrat li hu aċċet- tabbli, kemm mill-Arċidjoċesi ta' Malta kif ukoll mis-sopratinten- denza tal-wirt kulturali. Kemm l-Arċisqof kif ukoll is-Sopraten- dent tal-Wirt Kulturali jeħtieġ li jagħmlu apoloġija pubblika għax l-ewwel oġġezzjonaw minħabba li l-bini propost mhux postu ħdejn il-kappella u mbagħad, wara, irti- raw l-oġġezzjoni tagħhom. B'dak li għamlu t-tnejn li huma huwa li taw kontribut biex dan il-mostru jimmaterjalizza. Iktar kmieni din il-ġimgħa, il- portal elettroniku Shi News żvela li Malti fin-negozju tal-ikel Tork, li f 'ismu daħlet applikazzjoni ta' żvilupp biex jinbena dan il- monstru, għandu sieħeb sieket fin-negozju: il-perit li ffirma l-applikazzjoni ta' żvilupp. Skond ix-Shi News huwa jippossedi 50 fil-mija tal-ishma tal-kumpanija Juke Developments Limited, il-kumpanija li qed tieħu ħsieb l-iżvilupp. Mhux aċċettabbli li l-perit ikun ukoll żviluppatur. Din hi imġieba ħażina li qed titfa' dell ikrah fuq il-professjoni kollha. Hi materja ta' etika li l-Kamra tal-Periti, li hi inkarigata milli tirregola l-professjoni, tevita kontinwament milli tesprimi ruħha u tieħu posizzjoni dwarha. Madwar sentejn ilu, f 'artiklu fuq L-ILLUM, intitolat 'Il- perit-żviluppatur' (8 ta' Marzu 2020) kont ġbidt l-attenzjoni li l-perit inkarigat mill-proġett tal-Ħamrun, li fl-istadji inizzjali tiegħu kien wassal għall-mewt ta' Miriam Pace, kien jippossedi 10 fil-mija tal-ishma tal-kumpanija li kienet qed tieħu ħsieb l-iżvilupp. Il-Kodiċi dwar l-Imġieba Professjonali għall-periti fil-gżejjer Maltin jipprovdi li Perit f 'Malta "ma għandux jokkupa, jassumi jew xjentement jaċċetta kariga li fiha l-interess tiegħu jkun kontra d-dmirijiet professjonali tiegħu." Il-punt hu jekk id-doveri professjonali ta' perit inkarigat minn żvilupp huwiex f 'kunflitt ma li tkun ukoll, fl-istess ħin "l-iżviluppatur." Il-perit inkarigat mil-lant tax-xogħol huwa ultimament responsabbli għal dak li jseħħ fuq il-lant avolja illum ġieli jkun assistit minn xi site officer, li imma rari jkun fuq il-post! L-iskop tal-żviluppatur, min-naħa l-oħra, kif jgħidu, hu li jdawwar lira: hu interessat li jimmassimizza l-profitti mill- iżvilupp tal-art. Il-Kodiċi dwar l-Imġieba Professjonali li semmejt iktar 'il fuq jenfasizza li l-perit "jirċievi rimunerazzjoni biss bid-drittijiet professjonali tiegħu li jitħallsu mill-klijenti tiegħu u/jew bis- salarju tiegħu li jitħallas mill- prinċipal tiegħu. Hu ma jkunx jista' jieħu rimunerazzjoni minn riżorsi oħra relattiva għax-xogħol u għad-dmirijiet fdati lilu." B'dan, fil-fehma tiegħi, hu ċar li perit ma jistax ikollu sehem minn profitti li jirriżultaw minn żvilupp tal-art u għaldaqstant m'għandux jaġixxi ta' żviluppatur, la waħdu u l-anqas bi sħab ma ħaddieħor. Il-profitti mill-iżvilupp tal-art m'għandhomx ikunu l-motiv għall- ħidma professjonali tal-perit. Jidher li l-Kamra tal-Periti ma taqbilx ma dan għax b'mod konsistenti hi siekta dwar is-suġġett. Dan is-skiet hu inevitabilment interpretat bħala li l-Kamra tal-Periti qed taċċetta is-sitwazzjoni attwali. Mhux ta' b'xejn, għaldaqstant, li n-numru ta' każi magħrufa ta' periti li huma sħab fin-negozju ta' żvilupp ta' propjetà, imma li isimhom ma jidhirx, qiegħed jiżdied. Isimhom ma jidhirx għax huma konxji mill-kunflitt li hemm u jagħmlu ħilithom biex jostru dan kollu fil-mixja tagħhom lejn sehem mill-profitti li jirriżultaw minn dan l-iżvilupp. Bosta snin ilu, meta kont membru elett tal-Bord li jirregola l-ħruġ tal-warrant tal-periti kont ippreżentajt proposta biex dan kollu, jiġifieri l-irwol ta' periti li jaġixxu ta' żviluppaturi, jkun regolat. Il-proposta tiegħi dakinhar ma kinitx imxiet 'il quddiem. Sfortunatament, sal-lum, għadha ma ittieħdet l-ebda azzjoni dwar dan kollu. Li nibqgħu ma tittieħed l-ebda azzjoni jfisser li l-qagħda preżenti tkun aċċettata bħala n-normalità. Sfortunatament dan hu konsistenti mal-valuri tas-soċjetà amorali li qed tiżviluppa madwarna. Carmel Cacopardi huwa ċ-Chairperson tal-ADPD Carmel Cacopardo In-numru ta' każi magħrufa ta' periti li huma sħab fin-negozju ta' żvilupp ta' propjetà, imma li isimhom ma jidhirx, qiegħed jiżdied. Isimhom ma jidhirx għax huma konxji mill-kunflitt li hemm u jagħmlu ħilithom biex jostru dan kollu fil-mixja tagħhom lejn sehem mill- profitti li jirriżultaw minn dan l-iżvilupp