Issue link: https://maltatoday.uberflip.com/i/1537461
08 aħbarijiet IL-ĦADD 13 TA' LULJU 2025 • illum aħbarijiet Dar ta' tama f 'San Pawl il-Baħar — it-tfassil ta' ambjent li jisma' u jifhem JAELLE BORG F'San Pawl il-Baħar, hemm dar li mhix bħall-oħrajn. Minn barra tidher bħal residenza ordinarja, iżda malli wieħed jaqbad it-taraġ u jidħol ġewwa, jiem li hawnhekk hemm iktar minn ħitan u bibien — hawn qalb li tħabbat għal dawk li l-iktar għandhom bżonn. Dan huwa ċ-ċentru tat-tagħlim ta' Ronald McDonald House Charities Malta, spazju li serva bħala kenn, għajnuna u tama għal mijiet ta' tfal u familji li jaffaċċjaw sfidi differenti ta' kuljum. Imma aktar minn hekk, din hija dar uffiċjalment ċertifikata bħala Autism Friendly House — waħda mill- it f 'Malta li verament joffru esperjenza sigura u adattata għal tfal fuq l-ispettru tal-awtiżmu. Biex nimu it aħjar l-għan ta' din id-dar, tkellimna mad- Direttriċi tad-dar, Julia Sammut. Hi spjegat kif id-dar infetħet fl-2019, iżda fi it snin biss sar ċentru ewlieni ta' appoġġ, terapija u edukazzjoni alternattiva. Il-viżjoni kienet sempliċi iżda profonda: li noħolqu ambjent fejn it-tfal, speċjalment dawk b'kundizzjonijiet bħal awtiżmu, jiġu milqugħa kif inhuma, mhux iġġudikati, u mogħtija spazju biex jikbru b'mod sigur u rispettat. Il-post ma jinħassx bħala ambjent tipiku ta' klinika jew klassi — hawnhekk is-sensazzjoni hi ta' dar vera. Hemm kantunieri komdi fejn it-tfal jistgħu jilagħbu jew jistrieħu, kamra ta' sensi li tgħin biex jikkalmaw u jiffukaw, u spazji magħżula apposta biex jgħinu lil kull min jidħol iħossu milqugħ u protett. Biex dan l-ambjent ikun tassew sigur u adattat għal tfal fuq l-ispettru tal-awtiżmu, sar xogħol intens fuq id-disinn, il-materjali, l-illuminazzjoni u t-taħriġ tal- personal. Il-proċess biex tinkiseb iċ-ċertifikazzjoni bħala Autism Friendly House kien twil, imma għal RMHC Malta kien essenzjali. Ma kienx biżżejjed li jingħataw servizzi — riedu joħolqu ambjent fejn it-tfal jimu li mhumiex 'problema', imma għandhom valur u kapaċitajiet proprji. Kull dettall ġie maħsub bil-għan li jnaqqas l-istress sensittiv, jipprovdi struttura ċara u jsaħħaħ l-indipendenza. Dan jinkludi ton kalm tal-kulur, materjal artab u naturali, kif ukoll tagħmir speċjalizzat li jgħin fit-terapija. Is-servizzi li joffru l-Learning Centre huma mmirati għal varjetà ta' bżonnijiet — minn terapija okkupazzjonali sa logħob terapewtiku, taħriġ għall-ġenituri, u sessjonijiet ta' appoġġ emozzjonali. L-iskop ewlieni mhuwiex biss it-tagħlim, imma l-irkupru emozzjonali u l-bini tal-fiduċja. Dan kollu jsir bi staff imħarreġ li jagħti kas, mhux biss tal-kundizzjoni tat- tfal, imma tal-ħtieġa tagħhom li jiġu mismugħa. L-impatt ma jiqafx fuq il-persuni li jużaw is-servizzi biss — il-Learning Centre huwa wkoll ċentru komunitarju miuħ għal diversi NGOs, skejjel u terapisti li jikkollaboraw biex joffru aktar għażliet ta' appoġġ. Aktar minn 5,000 individwu diġà għaddew mill-bibien tiegħu — xhieda ċara tal-ħtieġa u s-suċċess tal-proġett. Il-kollaborazzjoni mal-komunità hija kruċjali. RMHC Malta taħdem id f 'id ma' organizzazzjonijiet bħall-Awtorità Maltija għas- Servizzi Soċjali, kif ukoll ma' professjonisti fil-qasam tat-terapija u l-edukazzjoni sabiex it-tfal jingħataw l-aħjar kura possibbli. Il-voluntiera wkoll għandhom rwol qawwi — ħafna minnhom huma ġenituri jew edukaturi li għaddew minn esperjenzi simili u jridu jagħtu lura. Hemm ukoll programm kontinwu ta' taħriġ li jinfetaħ għal professjonisti li jixtiequ jitgħallmu aktar dwar l-awtiżmu u kif jintegrawh aħjar fil- ħidma tagħhom ta' kuljum. Julia Sammut tgħid li ħafna mill- ġenituri li jaslu hemm l-ewwel darba, jaslu b'tensjoni u bi tbatija. "Imma mbagħad, malli jaraw lil uliedhom jistrieħu, jilagħbu jew jitbissmu, ħafna jibdew jibku — mhux għax hemm xi ħaġa ħażina, iżda għax għal darba, ħassew li sabu post li jiimhom." Huwa dan it-tip ta' reazzjoni li jagħti lill-membri tat- tim il-motivazzjoni biex ikomplu jagħmlu dan ix-xogħol ta' mħabba. Il-Learning Centre jħaddan lil kull persuna li tidħol fih — ikunx tifel b'diffikultà fit-taħdit, ġenitur imħasseb, jew għalliema li jixtiequ jitgħallmu aktar dwar kif jistgħu jservu aħjar lill-istudenti tagħhom. Bħalissa, il-Learning Centre qed iħares 'il quddiem lejn espansjoni tas-servizzi tiegħu — mhux biss f 'dak li hu fiżiku, imma wkoll fid-dimensjoni edukattiva. Qed jiġu żviluppati wkoll workshops ġodda u programmi ta' taħriġ għal komunitajiet rurali jew żoni b'aċċess limitat għall-appoġġ speċjalizzat. It-tama hija li dan il-mudell ta' inklużjoni jintlaħaq mhux biss f 'San Pawl il-Baħar, iżda jinfirex madwar il-gżejjer Maltin kollha. Iċ-Ċentru ta' Ronald McDonald House Charities Malta