Illum previous editions

ILLUM 8 November 2020 opt

Issue link: https://maltatoday.uberflip.com/i/1307482

Contents of this Issue

Navigation

Page 15 of 27

16 letteratura IL-ĦADD 8 TA' NOVEMBRU 2020 • illum Rokna letterarja mill-Kunsill Nazzjonali tal-Ktieb Il-Ħitan neżlin, ħitan telgħin Iżjed dwar Salman Rushdie u Alfred Sant Il-ġimgħa li għaddiet qsamt magħkom diversi riflessjonijiet dwar il-koverżazzjoni — li ser tittella' nhar l-Erbgħa li ġej mill-Kunsill Nazzjonali tal-Ktieb bħala parti mill- edizzjoni virtwali tal-Festival Nazzjonali tal-Ktieb ta' din is-sena — bejn l-ex-Prim Ministru u kittieb Alfred Sant u l-kittieb Brittaniku Indjan Salman Rushide. Wara li deher l-artiklu f 'dan il-ġurnal u iżjed tard fil-midja soċjali ddiskutejt ma' xi wħud is-suġġerimenti li għamilt rigward il-mistoqsijiiet possibbli li jistgħu jsiru liż-żewġ mistiedna, b'mod partikulari lil Rushdie. Bi tħejjija għal din l-attività fettilli, fil-it ħin li seħħli nsib f 'dawn l-aħħar jiem tant movimentati, immur inqalleb f 'bosta artikli u kotba miktuba minn Alfred Sant, l-iżjed f 'dawk illi jittrattaw temi relevanti bħas- sekulariżmu, il-libertà tal-kelma u l-multikulturaliżmu fl-Ewropa. Fost il-ħafna materjal illi ġie f 'idi spikkat qatigħ, kif kont diġà bħal bsart, ġabra ta' artikli bil- Malti u bl-Ingliż — ippubblikata bl-isem Perspettivi/Perspectives (2012) minn Horizons — li tiġbor fiha bosta artikli, studji ta' analiżi, kummentarji u taħditiet illi ta u kiteb Alfred Sant mill- 1986 sal-2012. L-għamla ta' din il-pubblikazzjoni hija simili ħafna għall-ġabra L-Impenn għall-Bidla li l-ex mexxej Laburista kien ippubblika fl- 1986 mal-pubblikatur Pragma Publishing Limited bi tħejjija għall-kandidatura tiegħu għall- elezzjoni ġenerali tal-1987. Kien permezz ta' din il-ġabra li kmieni fis-snin disgħin bdejt insegwi mill-qrib l-attività politika u letterarja ta' Alfred Sant. Għax tgħid, jidhirli li wħud mill-kitbiet illi dehru tant snin ilu f 'din il- ġabra għadhom xi it jew wisq relevanti għal żmienna; oħrajn imbagħad xi it inqas, l-iżjed meta nqisu li Malta ta' żmienna żgur mhix Malta ta' nofs is-snin tmenin. Il-ġabra Perspettivi/Perspectives reġgħet ġibdet l-attenzjoni tiegħi minħabba żewġ raġunijiet. L-ewwel nett, din is-sensiela ta' artikli tagħti prova oħra ċara li Sant tabilħaqq għadu intellettwali Malti validu ħafna għal Malta tas-seklu 21. It-tieni, is-sensiela tinkludi fiha tal-inqas żewġ artikli li jorbtu tajjeb mad-diskussjoni li mistenni jieħu sehem fiha din il-ġimgħa ma' Salman Rushdie. L-ewwel wieħed, Reliġjon Organizzata u Soċjetà Ċivili, jista' jitqies punt ta' referiment tajjeb għad-diskussjoni dwar il-kwistjonijiet ferm perikolużi li qamu bejn Rushdie u diversi għaqdiet estremisti Islamiċi wara l-pubblikazzjoni tar-rumanz Il- Versi Sataniċi (e Satanic Verses, 1988). Kif irrimarkajt ġimgħa ilu, f 'dan ir-rigward ma jistax jonqos illi ssir referenza għall- attakki terroristiċi li twettqu x-xahar li għadda fi Franza u fl- Awstrija. Ngħid għalija ngħoddu b'relevanti wkoll għal inċident pjuttost inkwetanti li osservajt it tal-jiem ilu f 'pubblikazzjoni partikulari fuq il-midja soċjali. Niġi għal dan dalwaqt. It-tieni kontribut, Is a World Without Walls Compatible with Cultural Diversity?, jorbot tajjeb mhux biss ma' dan kollu iżda wkoll — ġaladarba qed nittrattaw il-ħitan u d-diversitajiet kulturali — ma' bosta kwistjonijiet ewlenin illi fuqhom ġiet missielta l-elezzjoni Presidenzjali tal- Istati Uniti. Dan il-kontribut huwa paper illi Alfred Sant ippreżenta fil-kungress 'A World Without Walls - An International Congress on So Power, Cultural Diplomacy and Interdependence' organizzat mill-Academy for Cultural Diplomacy lejn tmiem l-2009 f 'Berlin. Lejn tmiem din il-paper, illi fost ħwejjeġ u avvenimenti oħra tittratta wkoll il-waqgħa tal-Ħajt ta' Berlin, Sant jiaħ parenteżi rigward it-tensjonijiet kontradittorji u xejn mixtieqa li spiss iġib miegħu t-tkissir tal-ħitan — kemm ta' dawk fiżiċi u kemm ta' dawk metaforiċi — b'referenza għall-fenomenu tat-theddid terroristiku. F'dan ir-rigward dan il-paragrafu partikulari jistħoqqlu ċitazzjoni sħiħa: "e paradox then would be that in turn, in order to protect our world without walls, new measures must be devised, as they have been devised, to establish adequate Alfred Sant

Articles in this issue

Archives of this issue

view archives of Illum previous editions - ILLUM 8 November 2020 opt