Issue link: https://maltatoday.uberflip.com/i/1153835
3 Il-Ħadd 11 ta' Awwissu 2019 | illum Aħbarijiet LAĠENZIJA ta' kreditu DBRS ikkonfermat ir-rating pożittiv għall-ekonomija ta' pajjiżna A(high) u stabbli. Filwaqt li semmiet tkabbir annwali ta' 7% fil-Prodott Gross Domestiku l-aġenzija sostniet li r-raġuni għal dan iċ-ċertifikat pożittiv huma: tnaqqis fid-dejn pubbliku, implimentazzjoni effettiva ta' riformi, inkluż fis- setturi ġudizzjarji u finanzjarji u reżiljenza ekonomika għal xokkijiet minn barra. Minkejja dan, DBRS qalet ukoll illi deterjorament fid-dejn pubbliku jista' jitfa' pressjoni fuq ir-ratings ta' Malta. DBRS tikkonferma ċertifikat pożittiv għall-ekonomija Maltija CAPTION: Il-Ministru Edward Scicluna jressaq il-Baġit ILPARTIT Demokratiku (PD) fi stqarrija sostna li jinsab konvint li l-għażla tal- President George Vella għas-sejħa tal- konsultazzjoni pubblika dwar ir-riforma kostituzzjonali "mhix f 'waqtha u mhix il-mod kif nimxu 'l quddiem." B'hekk il-PD qed jiżdied ma' Repubblika li fl-aħħar ġranet ukoll sostniet li mhuwiex post Vella biex imexxi r-riforma kostituzzjonali. "Il-karrettun tpoġġa qabel iż-żiemel. Il- konsultazzjoni pubblika kellha ssir wara li titwaqqaf il-Konvenzjoni Kostituzzjonali. Din ir-riforma diġà waqgħet vittma ta' falza stikka diversi drabi," sostna l-PD. "Hemm riskju li l-proċess ta' konsultazzjoni pubblika jkun wieħed falz ġaladarba l-impenn tal-iSteering Committee għal din ir-riforma xehed li huwa dubjuż u għandu xamma ta' ftehim suspettuż diġà impost mill-Gvern. Mhux biss, dan il-Kumitat ma jistax jiġi fdat b'sottomissjonijiet mressqa mill-pubbliku għax dan mhux il-mandat tiegħu," stqarr Godfrey Farrugia. Il-PD jinnota li t-terminu ta' żmien għas- sottomissjonijiet mill-pubbliku hu limitat wisq u l-komunità assolutament mhix milħuqa. "Għandna Gvern li mingħalih li għandu xi dritt divin li din ir-riforma jwettaqha kif jiddetta hu. Ir-riforma hi tan-nies mhux tal-politiċi. Wieħed kien jistenna li t-termini ta' riferenza u l-mandat għall-Konvenzjoni ġew stabbiliti u mħabbra żmien ilu, u kampanja edukattiva kontinwa kellha tinbeda sabiex in-nies kollha jkunu jistgħu jipparteċipaw b'mod attiv," stqarr Marcus Lauri. "L-Eżekuttiv diġà poġġa fuq l-mejda tal-Kamra erba' abbozzi li jittrattaw is-separazzjoni tal- poter u qed jirrombla bl-aġenda tieghu minn lat differenti minn dak mibdi mill-Uffiċċju tal- President," stqarr Timothy Alden. L-istqarrija ttemm tgħid li l-Partit Demokratiku minn dejjem kien favur Riforma Kostituzzjonali. "Din is-sena, il-PD diġà wassal żewġ dokumenti lill-Uffiċċju tal-President u se jkompli jitkellem dwar dak kollu li ż-żewġ partiti l-kbar iħallu barra għax it-tali bidliet ma jkunux fl-interess tagħhom." Il-PD wkoll jgħid li l-għażla tal-President biex imexxi r-riformi kostituzzjonali 'mhix f 'waqtha' MATUL il-lejl tal- Ġimgħa, vapur tal-għaqda non governattiva (NGO) Open Arms salvat 39 immigrant li kellhom bżonn l-għajnuna fiż-żona ta' Tfittxija u Salvataġġ ta' Malta. Operazzjoni tal-AFM diġà tinsab għaddejja biex dawn id-39 immigrant jinġiebu Malta b'dgħajsa tal-AFM, iżda fi stqarrija l-Gvern qal li Open Arms qed tagħmel kundizzjoni fuq Malta biex tieħu 121 immigrant ieħor li nstabu wkoll f 'żona li tagħha Malta mhix responsabbli. Il-Gvern qal li Malta se ġġorr ir-responsabbilità tagħha biss "ladarba m'hemmx soluzzjonijiet oħrajn." Malta toffri li tieħu 39 immigrant ... imma Open Arms trid li pajjiżna jieħu 160