Issue link: https://maltatoday.uberflip.com/i/1062632
Sports 26 minn Cristian Antony Muscat FILJIEM li għaddew Celeste Galea minn Team Noel kompliet tikkonferma lilha nnifiisha bħala waħda mill-aqwa kick-boxers f 'pajjiżna meta ħadet sehem b'suċċess fi ġlieda barra minn xtutna, eżattament f 'Pariġi f Franza fejn iġġieldet bout ta' K1 4x2 kontra atleta Franċiża, bil-ġlieda ġiet iddikjarata 'draw'. Hija tatna aktar dettalji: "Erba' xhur ilu il-Master Noel Mercieca ġie fuqi u offrieli l-opportunità li nitla' nikkompeti barra minn xtutna ġewwa Franza ma' avversarja tal-livell tiegħi fil-livell amateur. Mill-ewwel aċċetajtha u minn dakinhar bdejt trejning ħames darbiet fil- ġimgħa. Din kienet se tkun l-ewwel esperjenza tiegħi li kont ħa nikkompeti barra min Malta. Kont eċitata ħafna għaliha għax hija xi ħaġa sabiħa li tikkompeti barra minn xtutna u tirrapreżenta l-bandiera Maltija. Bħala event kien event ta' livell għoli ħafna. Ġejna milqugħa tajjeb ħafna mill-Franċiżi. L-avversarja tiegħi kienet Franċiża ta' 29 sena jiġifieri daqsi u ilha tittrenja tliet snin daqsi wkoll! Il-ġlieda kienet ta' 3x2 u l-kategorija ta' 63kg. Ir-riżultat kien dak ta' draw għalkemm naħseb li r-rebħa kellha tkun għalina però meta tiġi barra minn Malta, riżultat draw tkun qed tistennieh. J'alla jerġa' jkolli opportunità oħra li nikkompeti barra minn Malta għax hija esperjenza sabiħa u ta' unur! Ħaġa oħra pożittiva hija dik li tiltaqa' ma' ħafna sportivi oħra ta' nazzjonalitajiet u livelli differenti u titgħallem ħafna minnhom. Intant, proprju fi tmiem il-ġimgħa li għaddiet, Celeste innifisha, ħadet sehem f 'bout lokali li fiha wkoll kisbet suċċess kbir. Fi kliemha: "Din kienet l-ewwel sena li l-MKBA (Malta Kickboxing Association ) organizzat dan l-avveniment sabiex jintrebħu it-titli nazzjonali ta' diversi weight categories. Jiena bħala atleta tal-kickboxing li ilni nittrenja u nikkompeti għal dawn l-aħħar tliet snin u nofs ma stajtx nirrifjuta opportuntà bħal din . Għalkemm kont naqra xettika għax hawn Malta m'hawnx ħafna nisa li jikompetu fil- kategorija tiegħi li tiġi 60kg-64.9kg u jekk kien ħa jkun hemm, kienu se jkunu mit-tim tiegħi stess. Kif fil-fatt ġara, l-avversarji tiegħi kienu mill-istess tim però f 'tournament anke barra minn Malta jiltaqgħu ma' sitwazzjonijiet hekk. Dan huwa sport u aħna l-atleti konna sportivi biżżejjed li nagħmlu l-fight u wara ħbieb konna u mija bqajna! Ippreparajt għal dan it-tournament b'ħafna trejning u sagrifiċċju rigward dieta, bħal kull fight oħra . Din id-darba ħassejtni kunfidenti f 'ring ovvjament għax qed intella' l-esperjenza . Fil- kategorija tiegħi konna tlieta u jien irbaħt iż-żewġ fights - l-ewwel waħda b'knockout u l-oħra bil-punti . Ninsab sodisfatta b'dan ir-riżultat u issa jekk Alla jrid f 'Ottubru tas-sena d-dieħla kull min rebaħ ħa nitilgħu l-Irlanda għal tournament ieħor hemmhekk. Nixtieq ukoll nikkongratula lill-kompetituri kollha li ħadu sehem f 'dan it-tournament għax kulħadd għamel ħiltu sabiex tela' fuq ir-ring. Niringrazzja wkoll lill- president tal-MKBA Isacc Chetcuti u lill-Master Noel Mercieca tal-opportunità li tawna!" illum Il-Ħadd 16 ta' Diċembru 2018 Celeste Galea tkompli tikkonferma lilha nni sha bħala waħda mill-aqwa kick-boxers f'Malta Celeste Galea tifraħ wara li kisbet riżultat ta' draw f'Pariġi Franza jekk Alla jrid f 'Ottubru Celeste Galea imkien ma' Keith Azzopardi u Master Noel Mercieca