Issue link: https://maltatoday.uberflip.com/i/1110340
23 It-tfal iż-żgħar ta' dik l-età qabel jibdew jattendu l-iskola jogħxew ħafna bl-avventuri ta' Peppa Pig, karattru tassew maħbub minnhom. Fil- produzzjoni animata ġdida, Peppa Pig: Festival of Fun , fl- episodji tal-film naraw lil Peppa u l-ħbieb tagħha jiżfnu fit-tajn ġo festival tat-tfal, jiċċelebraw jum it-twelid ta' Grandpa Pig f 'ristorant u jmorru fiċ-ċinema jaraw lill-eroj tagħhom Super Potato Big Movie. Dan il-film jintroduċi karattri ġodda, postijiet ukoll ġodda f 'għaxar episodji li jdumu siegħa u tmien minuti. Peppa Pig: Festival of Fun jiċċelebra l-15-il anniversarju tal-popolarissima ħanżira maċ-ċkejknin tar-Renju Unit. Dan ix-xogħol japplika l-istess format ta' Peppa Pig: My First Cinema Experience tal-2017 li kien għamel suċċess mal-familji Brittaniċi. illum | Il-Ħadd 28 ta' April 2019 TV/Ċinema Avengers: Endgame li huwa t-22 film ta' Marvel Studios, iġib il-konklużjoni tal- avvenimenti ta' ħerba totali li seħħew f ' Avengers: Infinity War (2018). Din il-produzzjoni ġdida tibda eżatt fejn ħalla l-film spettakulari tas-sena l-oħra, bil-grupp Avengers, wara telfa kbira u umiljanti, maħrubin u mxerrdin ma' kullimkien. Il-kattiv Thanos (Brolin) wara li ġabar is-sitt Infinity Stones, li tawh setgħa enormi, jidher issa imbattibbli u b'qilla ħarxa qed jaħkem b'tiranija lill-umanità wara li qered nofsha, inkluż xi wħud mill-Avengers. Wara dan id-diżastru globali, dawk l-Avengers li baqa' se jkollhom sfida monumentali quddiemhom - iridu jsibu l-ħerqa u l-ħeġġa meħtieġa biex ifittxu mezz kif jghelbu lil Thanos darba għal dejjem. Tony Stark/Iron Man (Downey Jr.) jinsab itturfnat fl-ispazju profond b'nuqqas ta' ilma u saħħtu sejra lura. Hu jibgħat messaġġ lill-assistenta tiegħu, Pepper Potts (Gweyneth Paltrow) għall-għajnuna u tkun Carol Danvers/Captain Marvel (Larsen) li teħilsu. Avengers: Endgame li jieħu tliet sigħat biex jiżvolġi, jiddedika aktar minn nofsu kif dan il-grupp ta' supereroj se jqumu mit-telfa qawwija li ġarrbu, jlestu pjan konkret kif se jiffaċċjaw lill-għadu aħrax tagħhom billi anki jmorru lura fiż-żmien u jitolbu għajnuna minn bnadi oħrajn. Dan hu r-raba' kapitlu ta' din is-saga epika ddedikat għall-aktar supereroj potenti fid-dinja. L-atmosfera hawn hija aktar ta' disperazzjoni apokaliptika mill-episodji ta' qabel. Il- final grandjuż mimli azzjoni mill-aqwa, ta' aktar minn siegħa juri l-gwerra kolossali li tfaqqa'. Fuq skala tremenda u vasta, mill-art u mill-ajru kull xorta ta' attakkanti, umani, mostri, bestji li jtiru jimlew il-liżar wiesa' b'movimenti kontinwi u mħarrka sew, kif ukoll b'enerġija u akrobaziji tremendi. F'din il-battalja epika fejn T'Challa/Black Panther (Chadwick Boseman) iġib l-armata Afrikana tiegħu, niftakru f 'dawk simili tas- sensiela The Lord Of The Rings , però hawn b'aktar furja u distruzzjoni. Spettakolari wkoll hu l-attakk ta' Thanos fuq il-kwartieri tal-Avengers li jinqerdu totalment. Avengers: Endgame tant fih karattri, intriċċi u avvenimenti li jiżvolġu mhux b'kontinwità, iżda jkompli kull ftit ħin fejn ikun ħallew, li wieħed irid jarah aktar minn darba biex japprezzah aħjar. L-effetti speċjali viżwali huma tassew spettakolari tant li l-baġit tal-film jidher li hu ta' spiża enormi. Kif Avengers: Infinity War irnexxielu jdaħħal is-somma ta' aktar minn żewġ biljun dollaru u jinsab fir-raba' post tal-aktar films ta' kull żmien li daħħlu flus, nistenna xi ħaġa simili għal dan il-film. Atturi Ewlenin: Robert Downey Jr.; Chris Evans; Mark Ruffalo; Chris Hemsworth; Scarlett Johansson; Jeremy Renner; Don Cheadle; Paul Rudd; Brie Larsen; Josh Brolin. Diretturi: Anthony u Joe Russo. Maħruġ minn KRS Releasing. Tul: 181 min. Ċert. 12A. Carmel Bonnici Peppa Pig: Festival of Fun Direttur u Produttur: Astley Baker Davies. Maħruġ minn KRS Releasing. Tul: 68 min. Ċert. U Films għal din il-ġimgħa Avengers: Endgame Programm tal-Iżvilupp Rurali għal Malta 2014-2020 Proġett parzjalment iffinanzjat mill-Unjoni Ewropea Rata ta' Ko-finanzjament: 75% Unjoni Ewropea; 25% Gvern ta' Malta Il-Fond Agrikolu Ewropew għall-Iżvilupp Rurali: L-Ewropa tinvesti f'żoni rurali 28 ta' April 2019 Fond Agrikolu Ewropew għall-Iżvilupp Rurali 2014-2020 PRE - AVVIŻ Mizura 2.1 – Għajnuna għall-Servizzi konsultattivi lill-bdiewa Miżura 16.2 – Għajnuna għal proġetti pilota kif ukoll għal l-iżvilupp ta' prodotti, metodi ta' prattika u proċessi ġodda u l-użu ta' teknoloġija ġdida Miżura 16.4 – Għajnuna għal kooperazzjoni b'mod vertikali u orizzontali bejn atturi differenti fil- katina tal-provvista għat twaqqif u żvilupp ta' ktajjen qosra ta' provvista kif ukoll swieq lokali Miżura 16.6 - Għajnuna għal kooperazzjoni għal provvista sostenibbli tal-bijomassa fl-użu ta' l-ikel u l-produzzjoni ta' l-enerġija u proċessi industrijali Id-Direttur Ġenerali tad-Diviżjoni tal-Fondi u Programmi tal-Unjoni Ewropea fi ħdan is-Segretarjat Parlamentari Għall-Fondi Ewropej u Djalogu Soċjali jħabbar li ser jiġu varati erba' (4) skemi ġodda taħt il- Programm tal-Iżvilupp Rurali għal Malta. Il-Miżura 2.1 -'Għajnuna għall-servizzi konsultattivi lill-bdiewa' tipprovdi appoġġ f'forma ta' servizzi konsultattivi lil bdiewa eliġibbli permezz tal-Farm Advisory Service Providers rikonoxxuti mill-Farm Advisory Service Registration Board bil-għan li jingħataw servizzi konsultattivi f'forma ta' pariri individwali fuq kwistjonijiet li jolqtu direttament lilhom. Il-Miżuri l-oħra, Miżuri 16.2, 16.4 u 16.6, joffru għajnuna għal inizjattivi ġodda u innovattivi, taħt forom ta' koperazzjoni, billi tassisti lill-operaturi biex jgħelbu sfidi preżenti f'żoni agrikoli. Din il-miżura toffri għajnuna biex tgħamel possibli li jseħħu u jiġu kreati affarijiet u attivitajiet ġodda iktar milli biex toffri għajnuna lil attivitajiet li ġa qiegħdin iseħħu. Din il-miżura tista wkoll tkun ta' għajnuna għal gruppi eżistenti ta' koperazzjoni biex iwettqu proġetti ġodda. Il-baġits indikattivi taħt il-miżuri 2.1 u 16 huma ta' €1.9 miljun u €3.7 miljun rispettivament. L-applikazzjonijiet ser jiftħu fit-13 ta' Mejju 2019; aktar tard ser jiġu ppublikati aktar dettalji dwar il-proċess tal-applikazzjoni fuq is-sit web tal-Awtorità Maniġerjali www.eufunds.gov.mt jew tel: 22001108. Dawk l- applikanti interessati huma mistiedna li jirreġistraw l-interess tagħhom billi tintbagħat email fuq rdd.meae@gov.mt, u fiha jindikaw il- miżuri li huma interessati fihom. L-Awtorità ta ġestjoni aktar tard ser tistieden lil dawk interessati għal laqgħa ta' informazzjoni fil-ġimgħat li ġejjin.