Issue link: https://maltatoday.uberflip.com/i/1110340
29 Il-Ħadd 28 ta' April 2019 | illum Sports F'DAWN l-aħħar staġuni, il-klabb ta' Fgura United FC esperjenza tkabbir sostanzjali fl-operat, bis- sehem ta' madwar 30 kowċ u helper. L-ILLUM tkellmet ma' Larkin Bonnici, Viċi President tal-Fgura United Football Club, fejn spjegalna li parti mill-istrateġija biex ikompli jikber il-klabb hi dik li jieħu dimensjoni internazzjonali, kemm bħala netwerks kif ukoll bħala metodoloġija. Huwa elenka erba' sitwazzjonijiet kif dan qed isir fi ħdan il-klabbs tal- Fgura: Watford FC Aktar kmieni din is-sena, attendejna għal ħamest ijiem osservazzjoni f 'Watford FC u l-Community Trust fi ħdanha, fejn kellna l-possibbilità li nosservaw mill-qrib il-metodi applikati fl-akkademja taż-żgħażagħ tal-klabb Ingliż flimkien mal-programmi edukattivi u soċjali li jorganizzaw Watford FC fil-komunità. Kien ta' privileġġ għalina wkoll li għamilna preżentazzjoni ta' madwar siegħa fuq il-klabb tagħna, partikolarment dwar ix- xogħol tagħna, f 'Vicarage Road. Kien ta' sodisfazzjon ikbar, però onestament mhux sorpriż, li diriġenti tal-klabb Ingliż kellhom ħafna kliem ta' tifħir għax-xogħol kollu li qed nagħmlu f 'Malta. Il-kuntatt ma' Watford FC u l-Community Trust huwa wieħed kontinwu u qed inħarsu 'l quddiem biex inkomplu nsaħħu r-relazzjoni magħhom. Robur Siena Ftehim storiku għall-klabb tagħna kien dak ma' Robur Siena, klabb li jimmilita fil- Lega Pro Taljana u li ftit ta' snin ilu kien jilgħab fis-Serie A Taljana. Ridna nsibu klabb ta' livell għoli però fl-istess waqt li ma jagħmilhiex impossibbli għat-tfal tagħna biex jitilgħu u jkollhom esperjenzi mal- Youth Sector tagħhom. Fil-fatt, tajjeb ngħid li fil-ġimgħat li ġejjin hemm ippjanat li tfal fi ħdan il- Youth Sector tagħna jsiefru lejn Siena biex ikollhom esperjenzi ta' logħob u taħriġ mal-plejers u l-kowċis fi ħdan ir-Robur Siena. Dan il-ftehim jkopri wkoll il-possibbilità li kowċis tagħna jitilgħu ma' Siena għal instructional meetings. Importanti li wieħed isemmi wkoll li dan il-ftehim se jara kollaborazzjoni b'saħħitha wkoll fl-aspetti ta' reklamar u amministrazzjoni taż-żewġ klabbs. Kompetizzjonijiet internazzjonali Dan l-istaġun ħa nkunu wkoll immobilizzajna barra minn xtutna parti sostanzjali min-nursery tagħna. L-etajiet ta' taħt it-tlettax, disgħa, sebgħa u anki ħames snin se jkunu qed jipparteċipaw f 'ġita kalċistika fi Sqallija filwaqt li l-etajiet ta' taħt il-ħdax-il sena se jsiefru lejn il-Polonja. Dan kollu f 'tentattiv biex ngħollu l-livell tekniku tat- tfal tagħna. Erasmus+ Projects Utilizzajna wkoll b'mod intensiv Fondi Ewropej, anke grazzi għal ftehim li ġie ffirmat iktar kmieni dan l-istaġun mal-Active Youth Malta – organizzazzjoni mhux governattiva li tispeċjalizza f 'Fondi Ewropej għal temi soċjali u edukattivi. F'dan l-istaġun biss, ipparteċipajna fi tliet korsijiet intensivi dwar youth work u youth education, f 'pajjiżi fosthom l-Iżlanda, l-Awstrija u Ċipru. Applikajna wkoll għal diversi korsijiet għall-kowċis tagħna kif ukoll għall-'youth exchanges'. Larkin temm jgħid li fl-istaġun Ii ġej, il-klabb ħa jkompli b'din il-mixja li qabad u diġà qed jippjana diversi attivitajiet b'tema internazzjonali. Larkin fakkar li l-iskola tal- football tal-klabb tilqa' tfal minn tliet snin 'il fuq u kull min jixtieq jissieħeb, jista' jikkuntattjah fuq l-indirizz elettroniku larkin@ fguraunitedfc.com jew fuq in-numru 79933010. Dimensjoni internazzjonali għal Fgura United FC