Issue link: https://maltatoday.uberflip.com/i/794739
illum Il-Ħadd 05 ta' Marzu 2017 Sports 28 Azzjoni mill-konfrot bejn Swieqi u Qormi. Ritratt - Joe Borg Ritratt: Christine Borg minn Cristian Antony Muscat Tarxien R ......................... 0 Birkirkara. ....................... 1 BIRKIRKARA kisbu rebħa minima ta' 1-0 kontra Tarxien Rainbows biex b'hekk wara d-draw ta' 2-2 kontra St Andrews irritornaw għar-rebħ. Kienu r-Rainbows li ħarġu fuq l-offensiva meta wara biss żewġ minuti logħob, xutt angulat ta' Daniel Ponce de Leon Garcia kien imblukkat mill-goalkeeper taI-Istripes, Henry Bonello. Ħames minuti wara, Alex Nilsson ra x-xutt tiegħu jgħaddi ftit għoli minn fuq il-lasta Karkariża. Birkirkara wieġbu fil-31 minuta meta Joseph Zerafa xeħet cross mil-lemin lejn Gonzalo Malan li ra d-daqqa ta' ras ċentrali tiegħu tiġi salvata faċilment mill-goalkeeper tar-Rainbows, Philip Schranz. Fit-42 minuta kienu Tarxien Rainbows li ħolqu l-periklu meta Daniel Ponce de Leon Garcia għadda tajjeb lejn Alex Nilsson li ra x-xutt tiegħu jiġi mdawwar f 'korner minn Henry Bonello. Eżattament qabel intemmet l-ewwel taqsima, Birkirkara skorjaw il-gowl li kellu jkun dak tar-rebħa permezz ta' freekick mill-isbaħ ta' Miguel Angel Alba. Freeekick ieħor din id-darba mogħti minn Emerson Marcelina għal Tarxien Rainbows fis-60 minuta ġie mblukkat mill- barriera Karkariża qabel spiċċa għand Matthew Tabone li mill-viċin tefa' barra. Fit-63 minuta, wara li rċieva l-ballun minn freekick ieħor mogħti mill-BOV Plejer tal-Logħba Miguel Angel Alba għall-Istripes, Edmond Agius, venven xutt sabiħ iżda Philip Schranz kien attent u salva tajjeb. Fil-ħin miżjud, is-sostitut James Brincat seta' rdoppja l-iskor għal Birkirkara iżda x-xutt mill-viċin tiegħu ġie salvat bi bravura minn Philip Schranz. Tarxien R. - Schranz, Baker, Marcelina, Caruana, Ponce De Leon Garcia, Nilsson, Azzopardi (Micallef 72'), Agius (Galea 63'), Zerafa, Tabone (Borg 79'), Zammit Birkirkara - Bonello, Herrera (Bonnici 91'), Sciberras, Agius (Brincat 90'), Dimitrov, Vukanac, Zerafa, Alba, Attard, Jovic, Malan (Plut 86') Referi - Clayton Pisani MIGUEL ANGEL ALBA Ġie vvutat bħala l-BOV Plejer tal-Logħba mill- ġurnalisti preżenti. Skorja l-uniku gowl f 'din il-partita minn freekick spettakolari. Ingħaqad ma' Birkirkara f 'Jannar li għadda. Birkirkara jiksbu rebħa minima kontra Tarxien Rainbows Daniel Pone de Leon Garcia jaqbeż lil Cain Attard