Issue link: https://maltatoday.uberflip.com/i/1133770
Aħbarijiet 6 illum | Il-Ħadd 23 ta' Ġunju 2019 Minn Yendrick Cioffi WARA li nhar il-Ħadd li għadda din il-gazzetta rrapportat dwar kif tifla ta' ħames snin tħalliet waħedha, fis-6.30am, tistenna quddiem l-iskola biex tiftaħ, illum tista' tikkonferma li skejjel privati u tal-Knisja jkollhom iħallsu jekk jitolbu pulizija biex joqogħdu għassa fil-ħinijiet tad-dħul u l-ħruġ. Patri Charles Mallia, li jmexxi s-Segretarjat tal- Kurja għall-Edukazzjoni Nisranija u li allura huwa responsabbli mill-iskejjel tal- Knisja, spjega mal-gazzetta ILLUM kif minkejja li dan is-servizz kien intalab, sal- lum għadu ma sar xejn. Fil-fatt, Patri Charles spjega mal-ILLUM kif personalment kien tkellem dwar dan mal-Kummissarju tal-Pulizija li fi kliemu kien deher kommess li jgħin biex anke l-iskejjel privati u tal-Knisja jingħataw dan is-servizz. "Iżda qatt ma wasalna mkien," saħaq Patri Charles. Mistoqsi jekk dan ifissirx li l-iskejjel tal-Knisja jkollhom iħallsu jekk jitolbu li jkun hemm Pulizija għassa mal-iskejjel fil-ħinijiet li l-istudenti jaslu u anke meta jiġu biex imorru lura d-dar, Patri Charles wieġeb fil- pożittiv. Intant, din il-gazzetta bagħtet tistaqsi lill-Ministeru għall-Edukazzjoni u anke lill-Ministeru għall-Intern u s-Sigurtà Nazzjonali biex jikkonfermaw din l-informazzjoni u jekk hemmx pjanijiet biex dan is-servizz ikun jista' jingħata b'xejn l-iskejjel kollha. Min-naħa tiegħu, il- Ministeru għall-Edukazzjoni talabna ngħaddu l-mistoqsijiet tagħna lill- Korp tal-Pulizija. Sal-ħin li morna għall-pubblikazzjoni konna għadna ma rċevejna ebda tweġiba. Mill-banda l-oħra, il- Ministeru għall-Intern u s-Sigurtà Nazzjonali, li taħt ir-responsabbilità tiegħu jaqa' l-Korp, għażel li jiffoka t-tweġiba tiegħu fuq it-traffiku u insista kif apparti mill-iskejjel tal-Istat, "il-Pulizija jikkontrollaw it-traffiku viċin skejjel oħra biex ma jkunx hemm ksur tal-liġi u inkonvenjent għal terzi." Il-Ministeru ma weġibx jekk hux minnu li skejjel privati u tal-Knisja jkollhom iħallsu jekk jitolbu li jkun hemm pulizija għassa u jekk hemmx pjan biex dan is-servizz jibda jingħata lill- iskejjel kollha. Skejjel tal-Knisja u privati jkollhom iħallsu jekk jitolbu s-servizz tal-Pulizija Il-Gazzetta ILLUM tikkonferma kif skejjel privati u tal-Knisja jkollhom iħallsu jekk jitolbu li jkun hemm Pulizija għassa fil-ħin li l-istudenti jaslu jew inkella jitilqu mill-iskola Minn Albert Gauci Cunningham DIN il-gazzetta tinsab infurmata li t-tentattivi biex jinġabru 150 firma minn fost il-Kunsilliera tal-Partit Nazzjonalista għadhom għaddejjin. Dawn il-firem qed jinġabru sabiex Delia jiffaċċja vot ta' fiduċja jew sfiduċja fil-Kunsill Ġenerali ladarba dan mhux qed isir fil-Grupp Parlamentari, fejn Delia qed isib l-akbar oppożizzjoni u ladarba lanqas Delia ma jidher li jixtieq jagħmel dan. Dawn it-tentattivi ilhom għaddejjin minn ftit wara l-elezzjoni tal-Parlament Ewropew u s'issa għadhom ma ħallewx frott. Fil-fatt l-ILLUM tinsab infurmata li sa issa għadhom ma jistgħux jingħaqdu l-150 firma. Il-gazzetta ILLUM hija infurmata li qed isiru telefonati lil diversi kunsilliera tal-PN minn attivisti, ħafna minnhom viċin deputati li jridu lil Delia jitlaq. Dawk li tkellmu magħna qalu illi fost l-aktar attivi hemm persuni qrib Jason Azzopardi u Beppe Fenech Adami. Dawn huma l-istess deputati li kienu wara firem fil-Grupp Parlamentari biex Delia jitneħħa minn Kap tal- Oppożizzjoni. Wieħed mill-Kunsilliera li tkellem ma' din il-gazzetta fuq kundizzjoni ta' anonimità sostna illi l-persuna li kellmitu fuq it-telefon saħansitra sostniet miegħu li hemm nies li lesti jieħdu t-tmun minflok Delia. Issemmew Roberta Metsola u Claudio Grech. Fil-fatt kienet din il-gazzetta li ftit qabel l-aħħar elezzjoni tal-Parlament Ewropew żvelat kif Roberta Metsola hija l-aktar persuna li qed tkun imbuttata minflok Delia għal bosta raġunijiet. L-ewwel nett għax hija pjuttost b'saħħitha fil-partit u t-tieni għax hija mara u allura l-PN ikollu ċ-ċans li jikteb l-istorja qabel il-Partit Laburista u jeleġġi l-ewwel Kap mara fl-istorja politika. Metsola qed tkun imbuttata l-aktar mil-liberali u dawk li huma meqjusin bħala 'ta' Simon.' Mal-ILLUM Metsola kienet qalet li dawn huma "spekulazzjonijiet" u "fake" news. Claudio Grech huwa ħafna iktar kawt fil-partit u l-appoġġ lejh inqas magħruf għalkemm il-fatt li qatt ma kien ikkunsidrat favur jew kontra naħa u l-fatt li dejjem baqa' kawt u baqa' lura milli jippronunzja ruħu fuq kwistjonijiet interni tista' tgħin ħafna liċ-ċansijiet tiegħu. L-għajta għar-riżenja ta' Delia qabdet iktar wara t-telfa enormi li sofra l-PN fl-elezzjoni tal-Parlament Ewropew b'distakk ta' 42,656 vot favur il-PL. Jidher illi issa l-pressjoni fil-Grupp Parlamentari qed tikber sew b'ħafna mill-grupp irid lil Delia jitlaq mill- kariga. Minkejja dan, s'issa l-ebda deputat għadu ma ressaq vot ta' sfiduċja f 'Delia jew inkella sostna pubblikament li jrid lil Delia jirreżenja. Nhar il-Ħadd li għadda l-gazzetta The Sunday Times ippubblikat lista li tinkorpora fiha l-Grupp Parlamentari kollu u qalet illi huma tnejn biss mid-Deputati kollha Nazzjonalisti li jridu lil Delia jibqa'; Carm Mifsud Bonnici u Edwin Vassallo. Ara wkoll paġna 19 Kunsilliera jirċievu telefonati biex jiffirmaw ħalli jitlaqqa' l-Kunsill Ġenerali Għadhom għaddejjin tentattivi biex jinġabru 150 firma, minn diversi attivisti viċin deputati li jridu lil Delia jitlaq, fosthom Beppe Fenech Adami u Jason Azzopardi Patri Charles Mallia Delia qed jaffaċċja pressjoni biex jitlob vot ta' fiduċja Beppe Fenech Adami Jason Azzopardi