Issue link: https://maltatoday.uberflip.com/i/952914
3 Il-Ħadd 11 ta' Marzu 2018| illum Aħbarijiet IDDIRETTRIĊI tal- Fondazzjoni għad-Drittijiet tan-Nisa, Lara Dimitrijevic, qalet mal-gazzetta ILLUM li wieħed għandu jħares lejn il-kwistjoni tal-abort mill-perspettiva tal-mara li hija tqila u li għal xi raġuni, "individwali jew familjari," ma tistax iżomm lit-tarbija, fosthom minħabba problemi finanzjarji. Dimitrijevic qalet dan wara konferenza tal-aħbarijiet quddiem il-Parlament li matulha, il-Fondazzjoni ppreżentat Position Paper li fiha qed tipproponi li l-abort ikun dikriminalizzat u ma jibqax punibbli f 'ċertu każi. F'kummenti ma' din il- gazzetta, Dimitrijevic saħqet li għalkemm l-abort f 'Malta jibqa' tabù, mir-riċerka li għamlet il- Fondazzjoni jirriżulta li f 'Malta hawn bejn 300 u 400 mara li jew wettqu l-abort barra minn Malta jew inkella ordnaw il-pillola abortiva minn fuq l-internet. Saħqet li hemm ċirkostanzi fejn il-mara tinqabad tqila mingħajr ma tkun trid, fosthom anke f 'każijiet ta' stupru u staqsiet għalfejn il-mara għandha tbati dawk il- konsegwenzi. Apparti minn hekk semmiet ukoll riċerka li turi kif it-tqala mhux mixtieqa jista' jkollha ħsara psikoloġika u effetti fuq is-saħħa fiżika tal-mara u kien hawn li mill-ġdid fakkret li l-mara hija individwu u ma għalhekk ma għandhiex tbati. Mistoqsija jekk l-istess prinċipju jistax ikun applikat għal ċirkostanzi oħra, jekk l-abort isir legali f 'każijiet ta' stupru jew meta s-saħħa tal-omm tkun fil-periklu, Lara Dimitrijevic wieġbet li: "hemm bżonn jinfetaħ dan il-bieb għax dawn l-affarijiet ma bdewx jeżistu issa." Qalet li jista' jkun hemm Maltin li marru barra minn Malta biex wettqu l-ewtanasja u saħqet li dawn il-persuni għandhom id-dritt fundamentali tagħhom. Lura f 'Awwissu tal-2015, l-ILLUM kienet għamlet eżerċizzju u kienet żvelat kif persuna Maltija tista' tapplika biex tagħmel abort b'faċilità kbira, daqslikieku qed tibbukkja vaganza onlajn. Kien irriżulta li jekk tqala ma tkunx qabżet l-14-il ġimgħa, omm Maltija tista' ċċempel u tmur l-Ingilterra u tagħmel abort f 'inqas minn 24 siegħa għall-prezz ta' €800. Tfittxija sempliċi fuq l-internet kienet waslet lil din il-gazzetta għal xejn inqas minn 350 klinika jew aġenzija ta' riferiment f 'Londra fejn persuna tista' tagħmel l-abort. Fil-position paper, il- Fondazzjoni qed tappella biex l-abort ikun aċċessibbli u jsir b'mod sigur f 'ċerti każi fosthom, stupru, inċest, biex tkun salvata l-ħajja tal-mara, problemi serji fil-fetu, u anke meta hemm riskju ta' mard mentali u fiżiku għall-omm. Meta mistoqsija dwar l-aħħar stħarriġ tal-MaltaToday, li wera iswed fuq l-abjad li l-maġġoranza assoluta tal- Maltin ma jaqblux mal-abort, iċ-Chair Person tal-Fondazzjoni, Andrea Dibben, saħqet li minħabba l-fatt li l-abort jibqa' tabù, jista' jkun li dawn is- sondaġġi ma jirriflettux ir-realtà, għax skontha, in-nies jibżgħu jitkellmu fuq it-telefown. Kompliet tisħaq li hemm bżonn li jkun hemm aktar edukazzjoni fuq l-abort u insistiet li kwistjonijiet bħall- abort ma għandhomx ikunu deċiżi skont ir-rieda tal- maġġoranza għax skontha hawn qed nitkellmu fuq drittijiet tal-bniedem. Skont l-istħarriġ tal- MaltaToday, l-unika maġġoranza relattiva kienet irreġistrata meta dawk li ħadu sehem kienu mistoqsija x'jaħsbu dwar l-abort f 'każ li l-ħajja tal-omm tkun fil-periklu. 46% wieġbu li jaqblu, 27% kontra u 27% ma kinux ċerti. Apparti l-abort, il-Fondazzjoni qed tipproponi wkoll, Pjan ta' Azzjoni Nazzjonali dwar is- Saħħa Sesswali u Riproduttiva, Edukazzjoni sesswali komprensiva bl-ugwaljanza tal- ġeneru u d-drittijiet tal-bniedem fiċ-ċentru tagħha u anke aktar aċċess għall-kontraċettivi u pjanar tal-familja. Dwar il-Pjan ta' Azzjoni Nazzjonali, il-Fondazzjoni qed tinsisti li r-reviżjoni, hija importanti biex tirrifletti aktar il-bidliet soċjali u legali li seħħew mill-2011 'l hawn. Tkellmu wkoll dwar aktar edukazzjoni, programmi ta' kuxjenza u strateġiji li jpoġġu l-ugwaljanza tal-ġeneru u d-drittijiet tal-bniedem fiċ- ċentru tagħhom. It-tielet rakkomandazzjoni li qed tagħmel il-Fondazzjoni hija li tiżdied l-aċċessibbilità għal aktar servizzi tas-saħħa sesswali u riproduttivi, fil- kliniċi tal-komunità. Dawn is-servizzi għandhom ikunu adegwati skont il-ġeneru u l-etajiet u għandhom jilħqu gruppi maqtugħa mis-soċjetà. Dwar il-kontraċettivi, il-Fondazzjoni qed tisħaq li għandhom jitneħħew ir- restrizzjonijiet finanzjarji u legali, speċjalment għal żagħżagħ ta' età żgħira u persuni bi dħul baxx. Jisħqu li għandu jkun hemm sussidju fuq il-kontraċettivi għax skont il-Fondazzjoni, dan huwa investiment fis-saħħa pubblika u għandu jkun estiż anke għal metodi ta' kontraċezzjoni moderna. Jisħqu li għandhom jitneħħew ukoll ir-rekwiżiti li jimpedixxu l-aċċess għall- kontraċettivi lill-addoloxxenti li għandhom inqas minn 16-il sena. "Kulħadd għandu jkollu aċċess għal servizzi ta' kontraċezzjoni f 'ħinijiet u postijiet li huma konvenjenti għalihom." Għalkemm il-Kummissarju tal-Kunsill tal-Ewropa dwar id-Drittijiet tal-Bniedem, Nils Muiznieks, kien saħaq li f 'Malta għandha tibda d-diskussjoni dwar l-abort u aktar tard li Malta qed toħnoq id-drittijiet tal-mara, il-Prim Ministru Joseph Muscat kien wieġeb li l-Gvern ma għandux il-mandat u lanqas l-appoġġ pubbliku biex jiftaħ din id-diskussjoni. Il-Partit Nazzjonalista wkoll saħaq li f 'Malta ma hawnx lok għall- introduzzjoni tal-abort. ycioffi@mediatoday.com.mt Yendrick Cio 'Tqala mhix mixtieqa jista' jkollha ħsara fuq is-saħħa tal-mara' Lara Dimitrijevic issemmi l-problemi fi nanzjarji bħala waħda mir-raġunijiet għaliex għandu jiddaħħal l-abort l-etajiet u għandhom jilħqu 16-il sena. "Kulħadd għandu €1.00 Nr 459 • 02 ta' Awwissu 2015 NEWSPAPER POST www.illum.com.mt €800 u telefonata 'l bogħod minn abort DANIEL MIZZI Minn eżerċizzju li għamel l-ILLUM jidher ċar illi persuna Maltija tista' tapplika biex tagħmel abort barra mill-pajjiż b'faċilità kbira, kważi kważi bl-istess proċess illi xi ħadd jibbukja vaganza onlajn. L-aktar ħaġa li ssorprendiet lil dan il-ġurnal kienet il-faċilità ta' kif persuna Maltija tista' ċċempel, tmur l-Ingilterra u tagħmel abort f 'inqas minn 24 siegħa u mingħajr ebda inkwiet żejjed. Apparti minn hekk il-proċedura tal-abort f 'Londra jirriżultalna li jistgħu ma jqumux aktar minn €800 jekk it-tqala ma tkunx qabżet l-14-il ġimgħa. Tfittxija sempliċi fuq l-internet waslet lil dan il-ġurnal għal xejn inqas minn 350 klinika jew aġenzija ta' riferiment f 'Londra biss fejn persuna tista' tagħmel abort, att illi f 'pajjiżna huwa meqjus bħala illegali u punibbli b'massimu ta' tliet snin ħabs. L-ILLUM għamel kuntatt ma' diversi minn dawn l-isptarijiet u kliniċi fosthom il-Finsbury Health Centre, Groundale Health Centre, Willesden Health Centre fost oħrajn. Dawn irreferewna għal British Pregnancy Advisory Service u l-Marie Stopes UK illi taw lill-ġurnal informazzjoni dwar prezzijiet u proċedura. L-ILLUM jiżvela kif mijiet ta' nisa qed jagħmlu abort fir- Renju Unit b'faċilità u prezzijiet 'irħas' Tkompli f 'paġna 4 "Ma naf b'ħadd fil-PN li gawda ma' Gaffarena" Ara l-intervista ma' Beppe Fenech Adami f 'paġni 12 u 13 Taljani investigati involuti fil-kumpaniji ta' iben Lawrence Gonzi IBEN l-eks-Prim Ministru Lawrence Gonzi, David Gonzi, huwa involut bħala direttur u shareholder fi tlieta, mis-sitt kumpaniji li qed ikunu investigati mill-pulizija Taljana dwar logħob illegali u ħasil ta' flus, b'rabtiet mal-organizazzjoni mafjuża 'Ndrangheta. Il-kumpaniji li huwa nvolut fihom David Gonzi huma Uniq Group Ltd, Uniq Shopping Ltd u Fast Run Ltd. Dan jirriżulta minn dokumenti uffiċjali tal-Awtorità għas-Servizzi Finanzjarji. Minn stħarriġ li għamel L-ILLUM jirriżulta li permezz tal-kumpaniji investigati, David Gonzi kien qed jaħdem mill-qrib ma' nies li issa huma fil-mira tal-pulizija Taljana. L-involviment ta' Gonzi fil-Uniq Group Limited joħroġ mir-rabta li għandu fiż-żewġ kumpaniji li għandhom l-ishma tal-Uniq Group, GVM Holdings Limited u Start Games Limited. Fil- GVM Holdings Limited, iben l-eks Prim Ministru Lawrence Gonzi huwa direttur u shareholder waqt li fi Start Games Limited għandu l-ishma kollha. David Gonzi Tkompli f 'paġna 6 Il-Fondazzjoni waqt il-konferenza tal-bieraħ quddiem il-Parlament