Issue link: https://maltatoday.uberflip.com/i/844302
VIII illum | Il-Ħadd 02 ta' Lulju 2017 Il-Ġimgħa tal-Festa Ir-restawr ta' San Pietru riesaq lejn it-tmiem Minn Albert Gauci Cunningham 'INTI Pietru u fuq din il-blata jiena nibni l-Knisja tiegħi'. Dawn il-kliem għeżież ħafna għal dawk kollha li kuma Kattoliċi, imma wkoll għal dawk kollha li fl-ewwel Ħadd ta' Awwissu jiċċelebraw il-festa ta' San Pietru fil-Ktajjen f 'Birżebbuġa se jerġgħu jidwu hekk kif fl-aħħar ta' dan ix-xahar jerġa' jintlaqa' lura 'd-dar' it-titular tal-Birżebbuġani. San Pietru fil-Ktajjen, maħbub ferm min-nies ta' waħda mill-aktar lokalitajiet fin-nofsinhar b'għeruqha fis-sajd, huwa t-tieni titular u t-tielet statwa titulari ta' Birżebbuġa, hekk kif oriġinarjament il-paroċċa kellha t-titular tad-Duluri. L-ILLUM tkellemet ma' Dun Anton Galea Scannura, il-kappillan tal-lokalità ta' Birżebbuġa dwar ir-restawr importanti li saret fuq dan it-titular tant artistiku li huwa mnebbaħ mill-istess statwa ta' San Pietru fil-Ktajjen fil-Bażilika ta' San Ġwann Lateran. Meta beda r-restawr u x-xogħol x'qed jinvolvi? Il-proġett ta' restawr tal-vara titulari ta' San Pietru beda fl-2014 meta kien ġie deċiż li din il-vara tant artistika għandha tiġi restwrata bl-aktar mod etiku sabiex nippriservaw l-arti u l-polikromija tagħha. Għalhekk kien ġie deċiż li dan il-proġett jinqasam f 'żewġ fażijiet, l-ewwel fażi r-restawr tal-pedestall minħabba li kien f 'qagħda ferm kritika, imbagħad it-tieni parti l-vara titulari. Għalhekk wara l-festa tal-2015 il-pedestall ittieħed għand l-induratur John Orlando fejn dan indurah kważi kopmletament mill-ġdid. Dan ix-xogħol tlesta sal- festa tal-2016 u li l-parroċċa kollha kienet kuntenta ħafna bih. Wara bl-għajnuna ta' persuni midħla ta' dan ix-xogħol, kif ukoll wara li ntalab il-parir tal-Awtoritajiet tal-Knisja, ġie deċiż li titkompla t-tieni fażi billi tiġi rrestawrata l-vara nnifisha, xogħol li ġie fdat f 'idejn Aaron Camilleri Cauchi. Dan ix-xogħol apparti li inkluda tindif u restawr ta' diversi partijiet li ġarrbu xi ħsara tul is-snin, però jinkludi wkoll ir-restawr tal-erba' gastri tal-fjuretti, xogħol li għal darb'oħra qed isir mis-Sur John Orlando. Madankollu qed isir tindif u restawr tad-diversi oġġetti ornamentali li jżejnu din il-vara artistika. Kemm se jiswa r-restawr u min qed jiffinanzjah? Dan il-proġett kollu hu stmat li se jiswa madwar € 25,000. Il- membri kollha tal-parroċċa qed jikkontribwixxu għall-ħlas ta' dan ix- xogħol permezz ta' offerti u anki billi jieħdu sehem f 'attivitajiet li l-parroċċa torganizza b'risq dan il-proġett. Xi jfisser dan ir-restawr għalik u għall-poplu ta' Birżebbuġa? Ir-restawr għalina jifsser li nibżgħu għall-wirt artistiku li ħallewlna missirijietna. In-nies li ġew qabilna esprimew il-fidi tagħhom u s-sens ta' komunità permezz ta' xbihat ta' qaddisin, f 'dan il-każ ta' San Pietru li bħala l-partrun tar-raħal għal iktar minn tmenin sena ġie meqjus bħala qaddis li jagħti wkoll identità lill-Insara tar-raħal huma u jgħixu ta' komunità Nisranija. Madwar sittin sena ilu, il-Kappillan Ġużeppi Minuti ħaseb li tinġieb mill-Italja l-istatwa li għandna attwalment u li issa wasal iż-żmien tar-restawr. L-Insara jafu li l-istatwa hija biss statwa imma tfisser ħafna għalina għax apparti li hi xbiha ta' dixxiplu ta' Ġesù li nammiraw, għalina tfisser il-komunità Nisranija li aħna parti minnha u tfakkarna li aħna komunità miġbura madwar Ġesù li jsalvana. Bl-istorja tagħha l-istatwa torbot l-Insara tal-lum f 'dan ir-raħal ma' dawk li ġew qabilna u tfakkarna li aħna lkoll fl-istess mixja, nagħmlu kuraġġ lil xulxin. Il-vara ta' San Pietru rrestawrata għandha tintlaqa' lura fir-raħal ta' Birżebbuġa nhar it-Tnejn 31 ta' Lulju 2017 meta fil-5.30pm se titlaq minn Marsaxlokk u tintlaqa' fil-moll ta' San Ġorġ Birżebbuġa u titwassal għall-Knisja Parrokkjali qalb il-ferħ tal-poplu ta' Birżebbuġa u d-devoti ta' San Pietru. Nhar il-31 ta' Lulju t-titular jivjaġġa bid- dgħajjes u jintlaqa' restawrat, mill-poplu ta' Birżebbuġa L-istatwa ta' San Pietru fil-Bażilika ta' San Ġwann Lateran L-istatwa titulari ta' San Pietru fil-Ktajjen L-istatwa titulari ta' San Pietru fil-Ktajjen