Issue link: https://maltatoday.uberflip.com/i/884697
illum | Il-Ħadd 08 ta' Ottubru 2017 I l-qasam tal-housing, mhuwiex qasam faċli u għalhekk bħala kelliem għall- oppożizzjoni f ' dan il-qasam irrid noffri l-biċċa tiegħi u ngħaqqadha ma' ta' oħrajn biex inkunu hemm preżenti u noffru kenn lil kull min għandu bżonn. Pajjiżna jeħtieġ l-impenn kollettiv ta' kulħadd sabiex ikollna politika nazzjonali li toffri dan il-kenn, l-aktar lil dawk vulnerabbli. Il-kitba, il-programmi tar-radju u t-televiżjoni huma importanti, imma dana kollu jrid jiġi segwit bl-azzjoni. Ovvjament, kemm id-diskussjoni u l-azzjoni iridu jkunu bbazati fuq studji dettaljati, li minnhom joħrġu diversi realtjiet. Bħal pereżempju, x'inhi l-vera domanda u x'inhi l-vera provvista tal-proprjetà f 'Malta. Kif l-ambjent fiskali ta' pajjiżna qiegħed jaffettwa l-proprjetà f 'pajjiżna u kemm ghandna persuni li d-dħul tagħhom mhux biżżejjed biex ilaħħqu mal-ispejjeż li għandhom inkluż il-kirjiet għoljin li qed iħallsu. Kemm bnemdin qed ibatu u spiċċaw bla saqaf fuq rashom għaliex ma jifilħux iħallsu l-kirjiet għoljin. Dan l-istudju huwa importanti li jsir mal-istakeholders kollha. U allura d-deċizjonijiet li hemm bżonn li nieħdu għandhom ikunu bbażati fuq dan l-istudju importanti dwar l-mekkaniżmi li jmexxu s-suq tal-proprjetà. Minkejja li l-oppożizzjoni ġa tkellmet dwar dan u bl-ebda mod ma taqbel li għandu jkun hemm kontroll jew iffriżar tal-prezzijiet, madanakollu tirrikonoxxi li l-prezzijiet għoljin huma problema għal faxxa t' isfel nett. Hawn il-Gvern huwa obbligat li jintervjeni. Irid isir xi ħaġa biex 'jikkalma' s-suq tal-kera sabiex aktar familji Maltin u Għawdxin ikunu jistgħu jaffordjaw jikru mill-privat. Waħda mis-soluzzjonijiet għandha tkun li nipprovdu aktar djar għall-kiri. Irridu nagħtu każ ukoll tad-djar il-vojta li nsibu fil-Furjana u madwar il-gżira. Proprjetà vojta ġġib magħha ħsara ekonomika, apparti żdingar u telqa. Jekk ikollok 'political will' il-Gvern jista' jasal. Irid ikollok ukoll l-istrutturi biex tkun tista' tagħmilha għaliex sal-lum pereżempju ma għandniex reġistru tal- artijiet komplut u irfinut. U allura l-Gvern mhuwiex f 'pożizzjoni li jkun jaf min huma l-proprjetarji tal-postijiet kollha vojta f 'pajjiżna. Jekk inti tipprova tmur tagħmel riċerka fir- Reġistru tal-Artijiet illum fuq post partikolari biex issir taf min hu s-sid ta' dik il-proprjeta', l-art li fuqha qegħda l-proprjetà trid tkun f 'dik li ngħidulha 'f 'żona ta' reġistrazzjoni'. Jekk ma taqax f 'dik iż-żona li tajjeb li ngħid li sal-lum huma ftit wisq il-proprjetajiet li jaqgħu f 'żona ta' reġistrazzjoni, inti tibqa' ma ssir taf qatt lil min tappartjeni dik il-proprjetà partikolari. Għandna bżonn għalhekk investiment qawwi fir- Reġistru tal-artijiet jekk verament irridu nagħmlu użu tajjeb tal-kapital mibni li għandna. B'reġistru tal-art li huwa effiċċjenti u komprensiv nistgħu l-ewwel u qabel kollox ikollna stampa ċarissima tal- proprjetà vojta madwar Malta u Għawdex u wara jsegwi, pjan ta' azzjoni ta' kif nistgħu nagħmlu l-aħjar użu minn dawn il-postijiet vojta. Ma nistgħux ma nitkellmux fuq l-impenn tagħna biex nagħtu l-kenn mistħoqq lill-familji tagħna bla ma nitkellem ftit ukoll dwar dawk il-persuni li ma għandhomx saqaf taħt rashom tant li jgħixu barra fit-triq, dak li nsejħulu 'rough sleeping' u persuni li għal xi raġuni jew oħra, anke għal żmien temporanju, jispiċċaw 'homeless'. Għalkemm forsi f 'Malta ma teżistix daqstant il-problema ta' 'rough sleeping' għajr xi waħdiet sfortunament minħabba diversi problemi soċjali għandna ħafna u ħafna każijiet fejn jispiċċaw 'homeless'. U allura nixtieq nara Awtorità li tħejji u timplimenta politika qawwija f 'dan il-qasam. Sfortunament il-lista tal-akkomodazzjoni soċjali baqgħet dejjem tiżdied u allura l-Awtorità tad-Djar għandha tkun aktar proattiva f 'din il-ġlieda kontra persuni bla saqaf. Nemmen bis-serjetà li għandna nibnu identikit ta' persuna bil-problemi soċjali tagħha u allura m'aħnix qed noffru s-soluzzjonijiet li hemm bżonn sabiex dik il- persuna ma tibqax tgħix f 'dak l-istat. U allura l-isfida vera taghna hija li jkollna struttura li tiskatta immedjatament meta inti għandek persuna bla saqaf u li allura tgħin lil dik il-persuna bħal li toħroġ minn ċerti vizzji, li ttejjeb il-ħiliet tagħha sabiex tkun tista' tibda tmur taħdem, li tingħata protezzjoni sħiħa, l-aktar jekk hija vittma ta' vjolenza domestika, fost oħrajn. B'hekk biss nistgħu niżguraw li dawn il-persuni ma jkunux imwarrba mis-socjetà; b'hekk biss nistgħu nisguraw li qed nagħtu l-empowerment sħiħ lil dawn il-bnedmin sabiex iħossuhom parti integri mill- komunità u aktar tard fis- socjetà. 20 IVAN BARTOLO Opinjoni Proprjetà vojta ġġib magħha ħsara ekonomika, apparti żdingar u telqa. Jekk ikollok 'political will' il- Gvern jista' jasal. Għandna bżonn għalhekk investiment qawwi fir-Reġistru tal-artijiet jekk verament irridu nagħmlu użu tajjeb tal-kapital mibni li għandna. B'reġistru tal- art li huwa effiċċjenti u komprensiv nistgħu l-ewwel u qabel kollox ikollna stampa ċarissima tal- proprjetà vojta madwar Malta u Għawdex. Xelter