Issue link: https://maltatoday.uberflip.com/i/728391
Il-Ħadd 18 ta' Settembru 2016 | illum fid-dinja ta' kull żmien Sports 35 l-kritika mis-segwaċi tal-futbol għaliex ma jiċċaqalqux, iżda ma jistgħux ikunu jafu kemm ituk għajnuna fuq azzjonijiet fil-kaxxa u bis-saħħa tal- goal-line technology, huma stess jistgħu jikkonċentraw fuq l-offsides u anke fuq azzjonijiet li jseħħu fil-kaxxa. U rigward il-goal-line technology? Ovvjament, tgħin ħafna lir-referi u kull ħaga li tgħin lir-referi hija bżonnjuża llum il-ġurnata. X'taħseb fuq is-slow-mo fil-grawnd? Irridu naċċettawha. Qegħdin fl-2016 u hawn ħafna medja soċjali u kameras, allura bilfors rridu napprofittaw minnha. X'tikkummenta fuq l-inċidenti li forsi jistgħu jinqalgħu fil-partiti? Meta jkunu partiti ta' livell għoli, irid ikollok fiduċja fik innifsek u terfa' r-responsabbiltà. Fost dawn il-partiti ta' livell għoli li kkontrollajt fil-karriera tiegħi, kelli s-semifinali tal-UEFA Champions League bejn Barcelona u Real Madrid fl-2011. Kemm huwa importanti l-aspett mentali fir-refereeing? Ħafna. Ħdimt tmien snin ma' mental coach apposta rigward hekk. Fl-ogħla livelli trid ċertu konċentrazzjoni. U l-aspett fiżiku? L-aspett fiżiku tar-referis huwa importanti ħafna wkoll. Illum il-ġurnata, ir-referis huma atleti. Biex nitfagħha f 'perspettiva, ta' 45 sena rreffjajt Barcelona kontra Real Madrid, jiġifieri bejn wieħed u ieħor kelli 20 sena iżjed mill-plejers kollha fil-grawnd! Bħala referi, kif kont tkampa meta tikkunsidra li fil-grawnd kważi kważi kont tkun waħdek? Tħoss li referi jista' jbati minn aspett ta' solitudni fil- grawnd waqt partita? Ma kinitx tkun problema! Jekk dik hija problema, allura għandek tkun plejer tal- futbol. Referi huwa xogħol sabiħ imma trid tkun b'saħħtek mentalment, għaliex hemm ħafna pressjoni fuqek u kontrik ukoll. Waqt il-ħin tal-logħba, kulhadd isir referi u jaħseb li jaf iżjed minnek! Riċentament kien hemm xi kambjamenti fil-'Laws of the Game'. Tista' tispjegalna? Fost il-ħafna li kien hemm, nista' nsemmi meta goalkeeper jiffawlja plejer, u dan mhux bilfors jieħu karta ħamra li naraha xi ħaġa ġusta personalment. Kont involut ukoll fl-assoċjazzjoni tal-futbol Belġjana. X'kien eżattament l-irwol tiegħek hemmhekk? Sentejn ilu kont ir-referee manager fil- Jupiler League tal-Belġju. Is-sena l-oħra kont waqaft minħabba raġunijiet finanzjarji, liema deċiżjoni rajtha bħala deċiżjoni stramba iżda kelli naċċettaha. Issa qiegħed naħdem mal- FIFA bħala kowċ tar-Referis u anke mal-assoċjazzjoni Belġjana tal-futbol. Barra minn hekk, qiegħed naħdem mal-UEFA wkoll bħala osservatur tar-referis. X'taħseb fuq l-andament tal-Belġju waqt Euro 2016? Diżappuntanti ħafna, għaliex din kienet il-ġenerazzjoni tad-deheb tagħna. Issa taħt Roberto Martinez, irridu nirbħu xi ħaġa bilfors għaliex ġewwa l-Belġju kulħadd iħobb il-futbol u lit-tim nazzjonali Belġjan. X'tikkummenta dwar il-livell tar- referis Maltin? Il-livell huwa wieħed tajjeb u naħseb li qegħdin fit-triq it-tajba. Qegħdin jaħdmu f 'ambjent professjonali u naħseb li wasal iż-żmien li jaħdmu ma' kowċis professjonali. Jien nemmen li jekk tkun ma' kowċ professjonali, jgħinek ħafna bħal per eżempju tennista, li jkun waħdu u jkollu kowċ dejjem miegħu. Nemmen li mar-referis, għandna bżonn naħdmu iżjed fuq dawn is-sitwazzjonijiet. Liema tikkunsidra l-aktar logħba importanti li qatt ikkontrollajt fil- karriera tiegħek? Bħala timijiet, Barcelona u Real Madrid bilfors. Barra minn hekk, irreffjajt ħafna logħbiet oħra fosthom AC Milan kontra Manchester United fl-2007, Chelsea kontra Barcelona u Barcelona kontra Inter. Le, ma naqbilx. Meta wieħed jidħol referi, jaf għal xiex ikun daħal. Trid tkun miġnun? Le. Trid tkun preparat? Iva. Meta kont referi jien, kelli t-tim tiegħi, preparatur fiżiku, preparatur mentali, kelli l-fiżjoterapista u ż-żewġ assistenti tiegħi. Il-messaġġ finali tiegħek lejn dawk it-tfal u żgħażagħ li jixtiequ jibdew din il-karriera ta' referi. Il-messaġġ tiegħi għalihom huwa li nħeġġiġhom ikomplu f 'dan l-irwol. Huwa xogħol li jgħinek tkun indipendenti, tkun leader f 'dak li qed tagħmel u jgħinek f 'ħajtek ukoll. Hija esperjenza unika u jekk tkun tajjeb, kapaċi tagħmel karriera wkoll. Ir- refereeing tagħmlu għall-passjoni u mhux għall-flus, dik hija importanti. Jekk tagħmlu għall-flus, iddum biss xahar u ddendel iż-żarbun! Twieled -1 ta' Lulju tal-1966 ġewwa Oudenaarde, l-Belġju Okkupa l-irwol ta' referi mis-sena 1984 u kien ħdan il-panel tal-FIFA mill-1998 De Bleckeere rrea l-ewwel darba t-Tazza tad-Dinja tal-2006 ġewwa l-Ġermanja Ġie maħtur mill-UEFA sabiex ikun fost it-12-il referi li rreaw waqt il-Kampjonati Ewropej tal-2008, u kien inkarigat mis-seminali bejn Spanja u r-Russja Ikkontrolla għal diversi drabi l-konfront magħruf bħala l-'El Clasico', l-UEFA Champions League Frank De Bleeckere "Referi huwa xogħol sabiħ imma trid tkun b'saħħtek mentalment, għaliex hemm ħafna pressjoni fuqek u kontrik ukoll. Waqt il-ħin tal- logħba, kulhadd isir referi u jaħseb li jaf iżjed minnek!" "Meta wieħed jidħol referi, jaf għal xiex ikun daħal. Trid tkun miġnun? Le. Trid tkun preparat? Iva"