Issue link: https://maltatoday.uberflip.com/i/534051
Il-Ħadd 28 ta' Ġunju 2015 | illum 29 SPORTSillum It-tim stellari li jiswa €668 miljun FLAĦĦAR xhur u snin, rajna diversi trasferimenti li jammontaw għal miljuni kbar tal-Ewro tul id-dinja kollha. F'dan l-artiklu se nkunu qed nagħtu ħarsa lejn kif ikun qed jidher tim bil-plejers li l-iktar jiswew flus fil-pożizzjoni rispettiva tagħhom. Tajjeb ngħidu li jekk tgħodd kemm jiswew dawn il-plejers kollha flimkien, dan it-tim jiġi jiswa s-somma ta' xejn inqas minn €668 miljun. Jekk nieħdu biss l-eżempju tas- sajf tas-sena li għaddiet, Barcelona ħallsu somma enormi għal Luis Suarez, Paris Saint-Germain nefqu bil-kbir biex jakkwistaw lil David Luiz, Manchester City kellhom spiża kbira biex jakkwistaw lil Eliaquim Mangala waqt li Manchester United kisbu liż- żagħżugħ Luke Shaw biex għamlu lil dan il-plejer l-iktar left-back u anki player żagħżugħ li jiswa flus fl-istorja tal-futbol mondjali. Ma nistgħux ma nsemmux lil Real Madrid li akkwistaw lil Toni Kroos u lil James Rodriguez biex komplew ikabbru l-valur tat-tim tagħhom wara li fis-snin riċenti kienu ħallsu somom esorbitanti ta' flus biex jakkwistaw lil Cristiano Ronaldo u Gareth Bale rispettivament. Tant kemm Real Madrid nefqu miljuni ta' flus fl-aħħar snin li t-tim tagħhom waħdu mimli Galacticos, jammonta għal kważi €500 miljun. B'Ronaldo, Bale u James Rodriguez, Real Madrid għandhom tliet fenomeni li għal kull wieħed minnhom ħallsu minn tal-inqas €80 miljun. Madankollu huma ftit taw każ tad-difiża (xi ħaġa li dehret ferm evidenti fil-wirjiet u r-riżultati miksuba minnhom tul l-aħħar staġun), fejn nefqu ftit li xejn - xi ħaġa li tikkuntrasta ma' PSG li akkwistaw lid-difensur Brażiljan David Luiz. Nibdew nagħtu ħarsa lejn dan it-team, plejer bi plejer. Bejn il-lasti nsibu lill-goalkeeper ta' Juventus u tat-team nazzjonali Taljan, Gianluigi Buffon, li huwa l-iktar goalkeeper li jiswa flus wara t-trasferiment ta' €51 miljun mingħand Parma għal Juventus lura fis-sajf tal-2001. Bħala right-back insibu lil Dani Alves li ngħaqad ma' Barcelona għas-somma ta' €35 miljun fl-2008. Paris Saint- Germain għamlu lil David Luiz l-iktar difensur li jiswa flus fid- dinja matul is-sajf li għadda, meta ħallsu lil Chelsea s-somma kbira ta' €50 miljun biex jakkwistaw lil dan il-player internazzjonali Brażiljan. Iżda Manchester City nefqu iktar minn PSG biex jakkwistaw is-servizzi ta' Eliaquim Mangala fis-sajf li għadda mingħand Porto, bil-Portugiżi jirċievu s-somma ta' €30.5 miljun għal 56.67 fil-mija tad- drittijiet tiegħu, biex it-trasferiment totali biex jiġi akkwistat dan il-plejer kien dak ta' €53 miljun. L-internazzjonali Ingliż Luke Shaw jirbaħ l-irwol tal-iktar left back sinjur wara t-trasferiment li kien jammonta għal €37 miljun mingħand Southampton għal Manchester United fis-sajf tal- 2014. Iż-żewġ plejers ta' nofs il-grawnd fil-formazzjoni li qed nipproponu - dik ta' 4-2-1-3, huma l-plejer ta' Bayern Munich Javi Martinez li ħalla lil Athletic Bilbao għas- somma ta' €40 miljun fl-2012, kif ukoll l-internazzjonali Belġjan ta' Zenit St Petersburg, Axel Witsel, li sewa lill-ġganti Russi l-istess somma ta' flus ta' Martinez. L-internazzjonali Kolumbjan James Rodriguez li tant impressjona fl-aħħar edizzjoni tat- Tazza tad-Dinja fil-Brażil fejn fil- fatt spiċċa biex kien l-aqwa scorer tat-tournament ingħaqad ma' Real Madrid mingħand Monaco għas- somma ta' xejn inqas minn €80 miljun. B'hekk huwa sar l-iktar attacking midfielder li jiswa flus fid-dinja. Fl-attakk insibu tliet attakkanti prolifiċi li jimmilitaw fil-Liga Spanjola, kampjonat meqjus bħala l-isbaħ, l-aqwa, l-iktar wieħed li joffri emozzjonijiet u l-iktar wieħed diffiċli fid-dinja. Dan id-dipartiment jirrappreżenta ksur ta' rekords ta' flus li tħallsu fi trasferimenti biex jiġu ngaġġati dawn it-tliet attakkanti li ġejjin. Nibdew b'Gareth Bale li Real Madrid ħallsu għalih is-somma inkredibbli ta' €100 miljun biex jakkwistawh mingħand Tottenham Hotspur tal- Ingilterra fis-sajf tal-2013, u huwa għalhekk li Bale huwa magħruf bħala l-Mr Million Euro, fejn tajjeb ngħidu li bosta segwaċi tal- futbol mondjali huma tal-fehma li tabilħaqq Bale għalkemm ma rridux bl-ebda mod immaġinabbli nneħħu mill-merti tal-futbol tiegħu mhuwiex denju li jkun jiswa dawk il-flus kollha kif wara kollox l-ebda plejer mhu. Qabel Bale, Real Madrid kienu diġà ngaġġaw lill-fenomenu Portugiż Cristiano Ronaldo għas-somma ta' €94 mingħand Manchester United. L-akkwist li għamlu Barcelona fis-sajf li għadda, il-famuż Luis Suarez mingħand Liverpool jikkonkludi dan it-tim stellari, fejn sewa lill-Katalani s-somma ta' xejn inqas minn €88. Rimarkabbli huwa l-fatt li bosta plejers ta' fama u klassi mondjali ma jagħmlux parti minn dan it-tim stellari u li l-iktar li jiswew flus. Fost dawn insibu lil ħadd ħlief Zlatan Ibrahimovic, Kaka, Edinson Cavani, Radamel Falcao, Fernando Torres, Neymar, Hulk, Sergio Aguero, Juan Mata u Thiago Silva. Axel Witsel Gareth Bale James Rodriguez Javi Martinez Luis Suarez Luke Shaw Eliaquim Mangala Gianluigi Buffon Cristiano Ronaldo Dani alves David Luiz