Issue link: https://maltatoday.uberflip.com/i/779070
Aħbarijiet 11 Il-Ħadd 29 ta' Jannar 2017 | illum Soluzzjonijiet 'barranin' għal problemi Maltin Istitut Regiokontext għall- Assoċjazzjoni ta' dawk li jikru f 'Berlin, jidher li bħala medja l-kirjiet huma 31% iktar minn dak stabbilit bħala l-massimu. Din il-proposta, li hi viċin ħafna għal dak li proponiet Mintoff, ma tantx nistgħu ngħidu li għamlet suċċess. B'kerrejja li ma jridux jikxfu għawwar is-sid, jew inkella b'numru ta' persuni li lesti jħallsu iktar minn 10% tal- medja, is-suq, saq u l-kontrolli ġew injorati. Amsterdam: Sistema ta' punti li jiddeterminaw prezz Fil-belt kapitali tal-Olanda u fil-pajjiż kollu in ġenerali, proprjetajiet jinkrew fuq sistema ta' punti. Din tista' tkun sistema ħafna iktar interessanti minn dik tal- Ġermanja, u li hija ħafna iktar fattibbli, anke jekk fil-fatt qed tintuża biss fil-każi ta' kirjiet soċjali Bil-liġi, kull prezz ta' kirja simili tkun determinata fuq sistema ta' punteġġi li tieħu f 'kunsiderazzjoni l-ispazju, twieqi u anke s-sular li fih hemm l-appartament. Fil-każ ta' kirjiet privati u liberalizzati, din is-sistema ta' punti ma tgħoddx. Miliband u Corbyn: Favur stabbiltà għal tliet snin Fir-Renju Unit, il-Partit Laburista taħt it-tmexxija ta' Ed Miliband qabel l-aħħar elezzjoni ġenerali kien ippropona li l-għoli fil-kirjiet ikun limitat skont ir-rata ta' inflazzjoni, għal perjodu ta' tliet snin. B'hekk, tkun intlaħqet ċerta stabbiltà fil- prezzijiet. Apparti minn dan, il-Labour wiegħed li jagħmel illegali l-miżati li l-kerrej iħallas lill-aġent. Naturalment dawk li huma proprjetarji opponew din il- miżura bil-qawwa kollha, kif opponewha l-Konservattivi, il-Liberali Demokratiċi u anke l-United Kingdom Independence Party (UKIP). Jeremy Corbyn, il-Mexxej kurrenti tal-Partit Laburista reġa' ppropona xi ħaġa fuq l-istess linji. New York: 61% tal-proprjetà regolata Belt oħra li fiha hemm kontrolli jew leġiżlazzjoni ċara illi tirregola s-suq tal-proprjetà mikrija hija New York. Fil-fatt, hawnhekk sal-2011 61% tal- proprjetà kienet regolata taħt liġijiet ta' stabilità jew inkella b'kontrolli. Fl-1984 l-istat irregola biex iż-żieda fil-kera f 'każi ta' rinovazzjoni issir 1.6% minflok 1.4% tal-ispiża, biex dawk l-appartamenti li jaqgħu taħt il-kappa ta' regolarizzazzjoni jkollhom minimu ta' $2,500 f 'kera, minflok $2,000. Fl-2015 reġa' sar xi tibdil fuq il-leġiżlazzjoni tal-1984. Minkejja dan, tajjeb wieħed jinnota li ħafna mill-proprjetà li hija regolata fi New York hija dik mibnija qabel l-1974 u li tkun blokka ta' sitt appartamenti jew iktar. L-Irlanda, l-'eqreb' lejn Malta: 'capping' ta' 4% fuq iż-żidiet Il-kirjiet privati fl-Irlanda kienu qed jiżdiedu b'11.7% sena fuq sena, speċjalment fid- dawl ta' ekonomija li qiegħda tikber b'ċerta saħħa, simili għal Malta. Il-kirjiet f 'Dublin illum huma 10% ogħla mill-ogħla li qatt laħqu fl-2007. Dan kollu huwa simili ħafna għal Malta, tant li ż-żewġ pajjiżi bħalissa qed iħabbtuha mal-aqwa f 'termini ekonomiċi, fl-Unjoni Ewropea. Minħabba l-pressjoni ta' kirjiet għoljin, f 'Diċembru li għadda l-Gvern Irlandiż ippropona kontrolli temporanji fuq kirjiet residenzjali f 'nofs Diċembru li għadda. B'kollox il-Gvern iddeċieda li l-għoli fil-kirja ma jistax jaqbeż il-4%, f 'żewġt ibliet, Dublin u Cork, meqjusin bala 'rent pressure zones'. Il-Gvern Irlandiż qed jipproponi li biex ma tkunx mhedda d-disponibbiltà tal-proprjetà bini ġdid jew dak rinovat issa se jkunu esklużi minn din il-proposta u minflok il-prezzijiet se jkunu ddeterminati mis-suq. Naturalment din il-proposta qed issib ħafna oppożizzjoni, l-ewwel nett minħabba l-4% u t-tieni minħabba li hija ristretta għal post partikolari, minflok għall-pajjiż kollu. Il-kirjiet...definittivament mhux kwistjoni lokali biss 'Nofs il-paga qed tmur biex inħallas il-kera kull xahar' Petizzjoni tiftaħ il-bibien beraħ għal ilmenti ta' nies li saħansitra ntqal lilhom biex jew iħallsu 40% iktar kera fix-xahar jew inkella jparpru 'l barra ILKWISTJONI tal- kirjiet privati qed tkompli taqbad momentum qawwi hekk kif Graig Willmott permezz ta' petizzjoni qed iħeġġeġ lin-nies biex jiffirmaw u jagħmlu pressjoni fuq il-Gvern Malti biex jieħu azzjoni. Willmott, li għamel kuntatt ma' dan is-sit fost l-oħrajn, stqarr li hu qed ikollu joħroġ 49% mid- dħul tiegħu għall-ħlas ta' kirja biex ikun jista' jgħix f 'pajjiżna f 'appartament privat. Fil-petizzjoni, li kien beda ftit tax-xhur ilu, Willmott jgħid li ma jistax possibbilment ilaħħaq jekk il-paga ma tiżdiedx u għalhekk qed iħeġġeġ lill- Gvern biex jieħu azzjoni għal, dawk li jsejjaħ, kirjiet ġusti għall-ħaddiema. Interessanti kienu l-kummenti li waslu mingħand dawk li ffirmaw il-petizzjoni, li minkejja li huma anonimi huma viċin ħafna jew mhux xi drabi indentiċi għall- istejjer u l-ilmenti li jaslu għand dan is-sit. Fosthom, persuna li qed tilmenta li sid il-post mar fuqha u qalilha biex f ''temp ta' ftit ġimgħat tagħżel bejn li tibqa' fl-istess appartament mikri u tħallas 40% iktar għall-kirja kull xahar u aktar f 'kont tad-dawl u l-ilma, jew inkella tparpar 'il barra. Persuna oħra li qed tikri post fil-Gżira, lokalità fejn il-kirjiet għolew ħafna wkoll minħabba domanda qawwija, stqarret illi qed tħallas €700 fix-xahar għal appartament b'kamra tas-sodda waħda u meta fittxet xi ħaġa irħas sabet prezzijiet ta' €350-€400 għal kamra waħda. Iktar kmieni din il- ġimgħa l-PM Joseph Muscat ta' l-ewwel indikazzjoni ta' azzjoni aktar drastika f 'dan il-qasam permezz ta' regolarizzazzjoni f 'każ li s-sussidji ma jħallux il-frott mixtieq. 62,200 persuna (15%) tal- Maltin ma setgħux iħallsu self jew kirjiet fl-2014 Intant ta' min ifakkar li fl-2014 kien hemm b'kollox 62,200 persuna, jew 15% tal-poplazzjoni Maltija kellhom problema jew saħansitra arretrati fuq kirjiet jew self fuq il- proprjetà li fiha kienu qed jgħixu. Bryan Magro, social worker u eks ko-ordinatur tal-politiki fil-Ministeru tal-Familja u Solidarjetà Soċjali, fakkar f 'din l-istatitistika maħruġa mill- Istatistics on Income and Living Conditions (SILC) meta kien qed jitkellem f 'laqgħa organizzata mill- Alleanza kontra l-Faqar li ddiskutiet il-faqar u l-akkomodazzjoni soċjali f 'Mejju tas-sena l-oħra.