Issue link: https://maltatoday.uberflip.com/i/439088
12 illum | Il-Ħadd 28 ta' Diċembru 2014 Ħarsa lejn uħud mill-intervisti Din il-ġimgħa qed nagħtu ħarsa lejn uħud mill-intervisti prinċipali li ppublikajna l-gazzetta ILLUM matul din is-sena li waslet biex tintemm u nerġgħu nikkwotaw xi domandi u r-risposti li kienu tawna dawk intervistati meta ltqajna magħhom. Irridu naċċettaw li naħdmu flimkien ma' xulxin Kulħadd għandu x'joffri madwar il-mejda Fil-ħsieb tiegħi jiena dejjem kont ġenwin Matul il-kampanja elettorali l-PL ħareġ bl- għajta tal-meritokrazija iżda llum nafu li mhux kulħadd ħa li ħaqqu . . . . Biex tissodisfa lill-kulħadd fl-ewwel sena hu ftit diffiċli imma bħala meritokrazija bdejna naħdmu u nsolvu inġustizzji però ma rridux ninsew l-għajta li tela' biha dan il-Gvern, jiġifieri li se jkollna stil ġdid ta' tmexxija. Nifhem li meta konna qed nużaw il-kelma moviment, ħloqna xi ħaġa ġdida u li forsi l-Laburisti tradizzjonali ma setgħux jifhmuha faċilment. Dik li tara nies li sa ftit qabel kienu mal-kamp oppost u li matul il-kampanja elettorali fehmu l-messaġġ tal-Partit Laburista, u ġew u ingħaqdu magħna. Forsi għall-bidu titqarras ftit speċjalment meta tara nies li fil-passat kienu għamlulna l-ħsara imma dan hu li stil ġdid ta' tmexxija u rridu naċċettaw li naħdmu flimkien ma' xulxin. Dan il-Gvern bidel il- Ministru tas-Saħħa. Iżda apparti l-bidla tal- Ministru, x'bidel iżjed mill- amministrazzjoni ta' qabel? Godfrey Farrugia ħallas il- prezz tal-wegħdiet li ma setax iżomm, bħal-listi ta' stennija u pilloli out of stock. Ħallas ta' road map li ma kienx hemm. Ħallas għal kollezzjoni ta' wegħdiet populisti. Godfrey kien ġenwin. Kien hemm problema ta' tmexxija. Il-wegħda tal-meritokrazija nbidlet li tpoġġew nies inkompetenti u mingħajr esperjenzi u din saret across the board fis-settur tas-saħħa. Iva, tpoġġew nies li kienu lesti jagħtu qalbhom iżda ma kinux kompetenti u fis-saħħa ma tistax tieħu dan ir-riskju. Staqsejtni x'inbidel u nwieġbek mingħajr tlaqliq. Inbidel il-mod kif jikkomunikaw mal-mezzi tax-xandir. Listi ta' stennija, ħin ta' stennija fl-emerġenza, pilloli out of stock u l-mod kif qed jitmexxa l-isptar Monte Carmeli għadhom ma nbidlux. Ma narax bidliet li ssarrfu f 'riżultati. X'tikkummenta fuq id- dominanza tal-Familji De Marco, Fenech Adami u Mifsud Bonnici fil-Partit u fuq Simon Busuttil? Naf li l-perċezzjoni hemm barra forsi hi li dawn il- kunjomijiet għandhom xi dominanza imma min bħali jaħdem mill-viċin ma' dawn l-individwi jara li kull persuna għandha l-kwalitajiet u l-ħiliet tiegħu jew tagħha irrispettivament mill-kunjom. L-importanti hu li nżewqu l-ħiliet kollha flimkien għax kulħadd għandu x'joffri madwar il-mejda. Fir-rigward ta' Simon Busuttil, naħseb li hemm dan karattru fil-politika Maltija li kellu positive image, speċjalment rigward il-ħiliet tiegħu fl-Ewropa u llum dan l-istess persuna qed juża din il-positive image gradwalment biex ibiddel dak li hemm bżonn fil-partit. Ħa nsemmi eżempju żgħir, dik li kienet magħrufa bħala l-prietka politika ta' kull nhar ta' Ħadd fil-każini. Simon ħa l-ewwel pass biex din tinbidel. Hemm ukoll l-aħbar ta' ftit jiem ilu dwar il-qbil mal-Gvern fuq iċ-ċelebrazzjoni tal-Indipendenza. Dawn huma kollha passi pożittivi. Jista' jkun li ħafna mill-kritika li kont taqla' mill-midja kienet propju għall-mod, forsi xi ftit goff, ta' kif kont tesprimi ruħek jew il- mod kif ġieli poġġejt il-kliem? Iva, llum meta nħares lura, m'hemmx dubju li fil-politika trid tkun makkak u trid toqgħod ħafna attent minn dak li tgħid u kif tgħidu għaliex il-midja dejjem lesta biex tfittex dak il-punto e virgola biex timla u tikkritika jew anke tkissrek jekk ma taqbilx miegħek. Illum però, kieku hemm min verament irid jara jien x'kont nikteb u x'kont ngħid, jara li forsi anke jekk jien kont xi darba goff fil-mod kif tkellimt, wieħed isib li fil-ħsieb tiegħi jiena dejjem kont ġenwin. Silta mill-intervista li saret ma' Alex Saliba – President tal-Forum Żgħażagħ Laburisti li kienet ippubblikata f 'Lulju 2014 Silta mill-intervista mad- depuat nazzjonalista Claudio Grech li kienet ippubblikata f 'Settembru 2014 Silta mill-intervista li kienet saret ma' Matthew Agius – President tal- Moviment Żgħażagħ Partit Nazzjonalista u li kienet ippubblikata f 'Ġunju 2014 Silta mill-intervista mat-Tabib Josie Muscat li kienet ippubblikata f 'Awwissu 2014 Godfrey Farrugia ħallas ta' Road Map li ma kienx hemm Alex Saliba Josie Muscat Claudio Grech Matthew Agius