Issue link: https://maltatoday.uberflip.com/i/451766
Il-Ħadd 25 ta' Jannar 2015 | illum 17 Suppliment illum Il-Kura tal-Annimali Domestiċi SUPPLIMENT Il-Ħadd 25 ta' Jannar 2015 | illum 17 Il-Kura tal-Annimali Domestiċi SUPPLIMENT Tagħrif u punti li sid ta' annimal għandu jkun jaf Il-grooming tal-pets…Servizz ġdid minn Tat-Tarġa Boarding Kennels TATTARĠA Boarding Kennels ma għandhom bżonn tal-ebda introduzzjoni ma' eluf ta' nies li jrabbu l-klieb, qtates u annimali oħrajn fi djarhom fil-gżejjer Maltin. Fil-fatt, dawn il-kennels, li ilhom joperaw għal diversi snin, m'huma xejn għajr ċentru modern tal-annimali fit-Telgħa t'Alla w Ommu fin-Naxxar, li hu mgħammar b'dak kollu li wieħed ikollu bżonn għall-pets li jitħallew fih kemm għal ftit jiem kif ukoll għal perjodu itwal ta' żmien. Imma llum dan iċ-ċentru – li jista' jitqies bħala "lukanda" lussuża għall-annimali tagħna – qed joffri servizz ġdid ma' dak kollu li kellu qabel… dan huwa ħanut tal-pet grooming li bla dubju huwa neċessarju għal ħafna klieb u qtates l-aktar dawk b'pil twil. Dan il-Pet Grooming Parlour, li ġie inawgurat fil-bidu ta' Mejju, diġà fetaħ il- bibien tiegħu mhux biss għal klieb u qtates, imma anke għal fniek speċjalment dawk li jitrabbew biex jittellgħu għad-diversi wirjiet li jiġu organizzati f 'Malta matul is- sena kollha. Dan il-parlour qed ikun miftuħ matul il-ġimgħa kollha barra l-Ħadd. Il-ħinijiet huma dawn: it-Tnejn mid-9am sas- 1pm u mis-1.30pm sas-6pm; it-Tlieta mid-9am sas-2pm; l-Erbgħa mid-9am sas-1pm u mis-1.30pm sal-4.30pm; il-Ġimgħa mid-9am sas-1pm u mis-2pm sas-6pm u s-Sibt mid-9am sas-2pm. B'hekk – b'servizz ta' grooming offrut kemm filgħodu kif ukoll filgħaxija matul il-ġimgħa kollha – wieħed se jkollu l-opportunità kollha li jsib il-ħin adattat għalih biex imur bil-pet tiegħu għall-kumdità tiegħu. Kif wieħed jistenna f 'Tat- Tarġa Boarding Kennels, dan il-grooming parlour huwa mgħammar bl-aqwa apparat li jeżisti għal dan il-għan, dan barra n-nies esperti u naturalment dawk l-affarijiet kollha li huma meħtieġa biex il-pets tagħna jingħataw dik id-dehra tant sabiħa li jkollhom meta jkunu kkurati kif suppost. Tat-Tarġa Boarding Kennels ma jużaw l-ebda mediċini jew drogi waqt li jkunu qegħdin iqaxxru l-annimali. Dan ix-xogħol isir minn nies ta' esperjenza li jafu kif għandhom jittrattaw u jikkalmaw l-annimali li kultant ma tantx jieħdu pjaċir meta wieħed joqgħod jaqtagħlhom il-pil twil li jkollhom. Naturalment, il-grooming huwa biss l-iktar servizz riċenti li qed jiġi offrut għall- pets. Tat-Tarġa Boarding Kennels huwa l-post fejn wieħed jista' jafda l-kelb jew qattus tiegħu meta jkollu bżonn isiefer, jew forsi jkun jeħtieġ xi ftit jiem ta' mistrieħ bħal xi weekend break, u anke meta wieħed forsi jkollu bżonn jagħmel xi jiem rikoverat l-isptar. Dawn żgur huma mumenti li kull min irabbi l-annimali f 'daru jrid jgħaddi minnhom xi darba jew oħra f 'ħajtu. F'Tat-Tarġa Boarding Kennels, l-annimali se jkunu jistgħu jibqgħu jgħixu ħajjithom bħas-soltu fil- kumdità u f 'sigurtà, f 'post fejn ma jkun jonqoshom xejn. Dawn jingħataw l-attenzjoni, kemm ta' kuljum kif ukoll dik medika l-ħin kollu, se jingħataw l-ikel li huma mdorrijin jieħdu, se jingħataw it-taħriġ u l-eżerċizzju li jkunu tant qegħdin jistennew mingħandek u mitt ħaġa oħra li tiġik f 'moħħok meta jkollok pet. U issa tista' wkoll tħalli f 'idejn Tat-Tarġa Boarding Kennels għall-grooming tal- kelb jew qattus tiegħek ukoll biex meta tieħdu lura jkollu dehra ferm isbaħ minn qabel. F'temp ta' ftit snin Lino u Joanne Farrugia, is-sidien ta' Tat-Tarġa Boarding Kennels, irnexxielhom joħolqu wieħed mill-aqwa ambjenti għal kull tip ta' annimal. Issa dawn qegħdin joffru s-servizz ta' grooming ukoll għax iridu jagħtu l-aqwa kura possibbli għall-annimali li jkollhom taħt il-ħarsien tagħhom. Dawn jenfasizzaw ħafna fuq il-ħtieġa ta' ndafa kbira f 'Tat-Tarġa Kennels għax b'hekk biss jistgħu jassiguraw li kull min jieħu annimal hemm darba, jerġa' jeħodhom lura kuntenti, nodfa, b'saħħithom… u issa mqaxxrin kif suppost ukoll! Tat-Tarġa Boarding Kennels huma miftuħin matul is-sena kollha u jamministraw kura veterinarja wkoll. Tat-Tarġa Boarding Kennels and Cattery T'Alla w Ommu, San Pawl tat-Tarġa - Tel: 2157 3081, Mob: 7970 2326