Issue link: https://maltatoday.uberflip.com/i/451766
30 illum Il-Ħadd 25 ta' Jannar 2015 SPORTSillum Chelsea u Manchester City eliminati mill-FA Cup HEKK kif ilbieraħ intlagħbu numru kbir ta' logħbiet validi mir-raba' rawnd tal-FA Cup, rajna żewġ sorpriżi kbar hekk kif iż-żewġ timijiet li qed jiddominaw il-Kampjonat Barclays Premier fl- Ingilterra jiġifieri Chelsea u Manchester City sfaw eliminati mill-FA Cup, u dan minn żewġ timijiet ferm u ferm inferjuri għalihom – Bradford City u Middlesbrough rispettivament. Chelsea ġewwa darhom fi Stamford Bridge sorprendentament sfaw megħluba bl-iskor kbir ta' 4-2 minn Bradford City. Iż-żewġ gowls għall-Blues waslu minn Gary Cahill u Oscar Ramires waqt li l-erba' gowls għal Bradford City waslu minn Jonathon Stead, Felipe Morais, Andrew Halliday u Mark Yeates. Sorpriża kbira oħra lbieraħ waslet fl-Etihad Stadium meta Manchester City ġewwa darhom sfaw megħluba bl-iskor ta' 2-0 minn Middlesbrough biż- żewġ gowls għalihom jaslu minn Patrick Bamford u Kike. It-tielet l-akbar sorpriża waslet fil-konfront bejn Southampton u Crystal Palace f 'liema konfront rajna xejn inqas minn ħames gowls b'Southampton li qed ikollhom staġun tassew mill-aqwa fil-Kampjonat Barclays Premier jisfaw megħuba bl-iskor ta' 3-2. Iż-żewġ gowls għas-Saints waslu minn Graziano Pelle u awto-gowl tal-plejer ta' Crystal Palace, Scott Dann. Min-naħa l-oħra t-tliet gowls għall-Palace waslu minn Marouane Chamakh u gowl waħdieni ta' Yaya Sanogo. U biex inkomplu bis- sensiela ta' sorpriżi mmorru f 'White Hart Lane fejn Tottenham Hotspur ġewwa darhom sfaw megħluba minn Leicester City bl-iskor ta' 2-1 bil-gowl uniku fil-logħba għall-iSpurs jasal minn penalty ta' Andros Townsend waqt li ż-żewġ gowls għal Leicester City waslu fl- aħħar tmien minuti tal- logħba minn Jose Leandro Ulloa u Jeffrey Schlupp rispettivament. West Bromwich Albion barra minn darhom kisbu rebħa tajba ta' 2-1 kontra Birmingham City biż- żewġ gowls għalihom jaslu minn doppjetta ta' Victor Anichebe f 'temp ta' 10 minuti waqt li l-gowl waħdieni għal Birmingham City wasal minn Jonathon Grounds fil-45 minuta. Bl-istess skor intemm il- konfront bejn Cardiff Cuty u Reading b'dawn tal-aħħar ikunu huma li meta kienu qed jilagħbu barra minn darhom joħorġu rebbieħa bl-iskor ta' 2-1 biż-żewġ gowls għalihom jaslu minn Oliver Norwood u Hal Robson-Kanu waqt li kienu Cardiff City li fetħu l-iskor fl-24 minuta permezz ta' Kenwyne Jones. Derby County ġewwa darhom għelbu lil Chesterfield bl-iskor ta' 2-0 biż-żewġ gowls għalihom jaslu minn Darren Bent u Will Hughes. Il-konfront bejn Preston North End u Sheffield United intemm f 'parità ta' 1-1 biex b'hekk se naraw replay ta' din il-logħba fil-jiem li ġejjin. Dan biex jiddetermina min bejn dawn iż-żewġ timijiet se jirnexxielu jagħmilha għall-ħames rawnd tal-FA Trophy fl-Ingilterra. Kien Paul Gallagher li fetaħ l-iskor għal Preston North End fit-18-il minuta waqt li Diego De Girolamo ġab l-iskor indaqs għal Sheffield United fis-67 minuta. Se nassistu wkoll għal replay tal-logħba bejn Sunderland u Fulham hekk kif il-konfront ta' bejn dawn iż-żewġ timijiet intemm f 'parità ta' mingħajr gowls. Barra minn hekk se naraw replay oħra din id-darba bejn Liverpool u Bolton Wanderers hekk kif ukoll il-konfront bejn dawn iż-żewġ timijiet intemm f 'parità ta' mingħajr gowls. Blackburn ġewwa darhom għelbu l-isfida ta' Swansea City meta għelbuhom bl- iskor konvinċenti ta' 3-1 bil-gowls għalihom jaslu minn Chris Taylor, Rudy Gestede u Craig Conway. Min-naħa l-oħra l-gowl waħdieni għal Swansea City wasal minn Gylfi Sigurdsson. Tajjeb ngħidu li Swansea City spiċċaw il-logħba jilagħbu b'disa' plejers fil-logħba wara li tkeċċew iż-żewġ plejers tagħhom Kyle Bartley u l-awtur tal-uniku gowl tagħhom fil-logħba, Gylfi Sigurdsson fis-6 u fid-90 minuta rispettivament. Intant, mill-Kampjonat Taljan Serie A TIM, Cagliari ġewwa darhom għelbu lil Sassuolo bl-iskor ta' 2-1 bil-gowls għalihom fil-logħba jaslu minn Luca Rossettini wara 20 minuta logħob u Duje Cop. Sassuolo kienu ġabu parità momentarja fis-77 minuta propju minn awto-gowl tal-plejer li kien irnexxielu jsib ix-xibka għal Cagliari, Luca Rossettini.