Issue link: https://maltatoday.uberflip.com/i/470917
Il-Ħadd 01 ta' Marzu 2015 | illum 17 PROVERBJU adattat l-aktar bħalissa hekk kif fil-11 ta' April li ġej il-poplu se jkun qed jiddeċiedi jekk f 'Malta tibqax il-kaċċa fir-rebbiegħa jew le. Deċiżjoni li hija kompletament f 'idejn il- poplu bla ma l-partiti politiċi jieħdu pożizzjoni jew sehem attiv f 'dan ir-referendum. Madankollu, dan il-proverbju jfakkarni aktar f 'dan il-Gvern u f 'dak ta' qablu għal raġunijiet kemxejn differenti minn xulxin. Għalkemm matul is- snin, il-Gvern Nazzjonalista għamel xita ta' proġetti, investimenti u inizjattivi favur kwalità ta' ħajja aħjar għal kull wieħed u waħda minnha ftit li xejn kien jiftaħar bihom. Fil-fatt, lanqas qatt ma kien jiftaħar xejn b'rixu. Illum għandna Gvern li l-ħin kollu jiftaħar b'rixu sfortunament għal raġunijiet kompletament żbaljati. Nemmen li n-nuqqas ta' ftaħir min-naħa tal- Gvern Nazzjonalista kien għal kollox ħażin u nazzarda ngħid li dan in-nuqqas seta' kkontribwixxa wkoll sabiex il-PN iġarrab l-akbar telfa li qatt ġarrab imma daqstant ieħor ngħid li hu ħażin li jkollok il-Gvern bħal tal-lum li jagħġen l-atroċitajiet u jagħżel konsapevolment li jiftaħar bihom. U l-poplu llum, wara sentejn ta' Gvern Laburista, qegħdin jagħmlu dawn il-mistoqsijiet – Jagħmel sens li l-Prim Ministru Joseph Muscat jiftaħar li ħallas €4.2 miljun lil kumpanija privata minn flus il- poplu Malti meta nhar it-Tlieta li għadda, l-Awditur Ġenerali ħammar wiċċ il-Gvern billi ħareġ fil-beraħ it-tmexxija dgħajfa u n-nuqqas ta' trasparenza tal-Gvern li mexa biha l-Gvern f 'dan l-iskandlu tal-Premier u ta' kif dan il-Gvern ħallas commissions li ma kellhomx jitħallsu? Jagħmel sens li Joseph Muscat jiftaħar bit-trasparenza u l-kontabbilità u joħroġ jiddefendi lill-Ministru Helena Dalli dwar nuqqas ta' osservanza ta' regolamenti meta nhar it-Tlieta li għadda, il-MEPA rrifjutat applikazzjoni biex tissanzjona l-illegalitajiet li saru fil-farmhouse tagħha? Jagħmel sens li Joseph Muscat jiftaħar fuq it-trasparenza biex imbagħad nhar it-Tnejn li għadda l-Ombudsman kien kostrett jiftaħ kawża kontra l-Gvern sabiex jingħata d-dritt li jinvestiga l-promozzjonijiet fl-armata li kienu ngħataw f 'Settembru 2013? Jagħmel sens li Joseph Muscat isejjaħ konferenza tal-aħbarijiet jiftaħar bi traħħis ta' żewġ ċenteżmi fil-petrol u diesel meta rajna l-prezzijiet baxxi li qegħdin igawdu popli Ewropej oħrajn u dan ukoll meta bejn Ġunju u Diċembru li għadda l-prezz internazzjonali taż-żejt niżel minn 100 dollaru l-barmil għal 44 dollaru l-barmil? Jagħmel sens li Joseph Muscat jiftaħar li proprju f 'dan ix-xahar il-powerstation il-ġdida kienet se tkun lesta meta l-poplu Malti llum spiċċa b'xiber imnieħer? Jagħmel sens li Joseph Muscat joqgħod jiftaħar fuq id-drittijiet tal-ħaddiema meta jkollok membri fil-Kabinett li jheddu lill-ħaddiema tagħhom stess jew ikollok ħaddiema bħal, pereżempju, fl-Enemalta li sal-lum ma jafux x'se jkun id-destin tagħhom? Jagħmel sens li Joseph Muscat joqgħod jiftaħar tant fuq is-settur tas-saħħa u wiegħed l-anġli jtiru fis-swali tal-Isptar Mater Dei meta llum ħlief pazjenti fil-kurituri m'hemmx? Jagħmel sens li Joseph Muscat joqgħod jiftaħar li d-dinjità tal-anzjani tiġi l-ewwel u qabel kollox għalih u mbagħad issib li qed ipoġġi anzjani fil-play area miżbugħa bil-karattri ta' Disney fil-Paediatric Day Care fl-Isptar Mater Dei? Jagħmel sens li Joseph Muscat jiftaħar tant li se jeqred il-faqar f 'pajjiżna biex insiru nafu li skont l-istatistika maħruġa mill-Uffiċċju Nazzjonali tal- Istatistika l-faqar żdied b'6,000 persuna oħra s-sena l-oħra? Dawn huma biss eżempji riċenti ta' dak kollu li Joseph Muscat u l-Gvern tiegħu qegħdin jiftaħru bihom. M'għandix l-ispazju sabiex nelenka dak kollu li smajna, qrajna u rajna f 'dawn l-aħħar sentejn ta' Gvern Laburista iżda joħroġ biċ-ċar li Joseph Muscat għadu ma rrealizzax li bejn il-kliem u l-fatti hemm baħar jikkumbatti. Kemm hu faċli twiegħed l-ilma jiżfen iżda kemm hu aktar diffiċli twettaq dak li tipprietka! Il-Prim Ministru u l-Gvern tiegħu se jkunu jistgħu biss iwettqu dak li jipprietkaw jekk jintebhu li jrid ikollhom verament pjan serju u roadmap dettaljata u perfetta li tiggwidahom tajjeb – roadmap li sfortunament intilfet fid-9 ta' Marzu 2013. Nispera u nittama biss li dan il-Gvern irrealizza kemm kien żbaljat meta b'ingann kbir ta' x'jifhem lill-poplu Malti u Għawdxi li kellu s-soluzzjoni maġika għal kull problema li teżisti. Jekk mhuwiex se jagħmel dan, sfortunament se jibqa' jkollna Gvern fejn il-livell u l-eleganza tal-proġett ta' Renzo Piano se jwaqqgħu f 'medjokrità bil-monti fin- nofs u bi stalls tal-ħabba gozz; se jibqa' jkollna Gvern fejn l-ambjent ta' madwarna se jbiddlu f 'ambjent maħtuf minn 'tagħna lkoll'; se jibqa' jkollna Gvern fejn minflok settur tas-saħħa modern se jagħtini minflok settur nieqes mill- kura bażika bin-nies imutu fil-kurituri tal-Isptar; se jibqa' jkollna Gvern fejn minflok trasport pubbliku effiċjenti u affordabbli għal kulħadd se jagħtina transport pubbliku biz-zalza Spanjola; se jibqa' jkollna Gvern fejn il-politika ġenwina u onestà tinbidel f 'ċirklu b'Joseph Muscat jibqa' ċass u għajjien quddiem l-abbużi kollha ta' sħabu. Fi żmien tant qasir, Joseph Muscat neża l-maskra li kienet tiġih perfettament qabel l-elezzjoni ġenerali u għandna Joseph Muscat ieħor li qiegħed jiddeludi ħafna nies li sfortunament diġà ntebhu li mhuwiex tal-kelma u li ma tistax tafdah. Imma, sadanittant, erħilu jibqa' jiftaħar b'rixu – xi ħaġa li fiha jibbrilla u jaċċella! Paula Mifsud Bonnici hi President tal-Kunsill Ġenerali tal-Partit u Shadow Minister għall-Politika Soċjali Kif Naħsibha PAULA MIFSUD BONNICI Kull tajra tifraħ b'rixha L-ittri jridu jkunu ffirmati u mhux itwal minn 300 kelma. Indirizzaw l-ittri tagħkom: Lill-Editur Illum, MediaToday, Vjal ir-Riħan, San Ġwann jew imejl illum@mediatoday.com.mt Ittri "Fi żmien tant qasir, Joseph Muscat neża l-maskra li kienet tiġih perfettament qabel l-elezzjoni ġenerali u għandna Joseph Muscat ieħor li qiegħed jiddeludi ħafna nies" Kaċċatur u se nivvota kontra l-kaċċa u kontra dan il-Gvern CARMEL FARRUGIA QRENDI QATT daqs din il-ġimgħa ma kont diżgustat bil- mod kif ġejt trattat. Gvern inuman. U ta' dan niddikjara pubblikament li grazzi għal din l-attitudni fir-referendum tal-11 ta' April li ġej se nivvota biex il-kaċċa tinqata' darba għal dejjem mir- rebbiegħa u kemm indum ħaj ma nivvutax fl-elezzjonijiet tal-kunsilli lokali. Għal dawn l-aħħar 40 sena dejjem kont kaċċatur liċenzjat. Nhar il-Ħamis ta' din il- ġimgħa se jibqa' mmarkat f 'moħħi bħala jum iswed. Irċivejt ittra d-dar li fiha l-Gvern, permezz tas- Segretarjat Parlamentari għall- Biedja u s-Sajd innotifikani li weħilt multa amministrattiva ta' €75 għal kull liċenzja ġenerali (Carnet de Chasse) li ma rritornajtx. Dan meta qatt ma rċevejt xi notifika biex nagħmel dan: la mill-Gvern, la mill-kumpanija tal-assikurazzjoni u lanqas mill-entità li suppost taħdem favur l-interess tal-kaċċaturi. Fi snin preċedenti kont b'xi mod nara xi avviż f 'gazzetta bil-Malti, u ninduna li wasal iż-żmien biex nippreżenta l-Carnet de Chasse fl-uffiċċju indikat. Imma din is-sena ma kienx il-każ. Minkejja li ċempilt lis- Segretarjat Parlamentari għall- Biedja u s-Sajd u spjegajtilhom li fil-jiem inpartikolari kont ma niflaħx u qed nieħu kura, xorta waħda bqajt mingħajr soluzzjoni. Gvern diżgustanti. Kellu raġun is-Segretarju Ġenerali tal-PN Chris Said li din il-ġimgħa fil-Parlament staqsa lill-Gvern l-għala introduċa taxxa ġdida ta' €20 fuq kull kaċċatur. Minkejja li l-gvern qed jgħid li din mhix taxxa, il-verità hi li fejn qabel wieħed ma kien iħallas l-ebda ċenteżmu biex jiġbor il-Carnet de Chasse, issa wieħed irid iħallas. Qatt ma stennejt li dan se ngħaddi minnu, wisq anqas taħt gvern li dejjem ħdimt għalih.