Issue link: https://maltatoday.uberflip.com/i/697146
Aħbarijiet 7 Il-Ħadd 26 ta' Ġunju 2016 | illum EURO 2016 : Il-Maltin min jaħsbu li jista' jirbaħ ? minn Ruben Anthony Xuereb FIXXHUR li għaddew, il- poplu Malti ma sema' xejn ħlief fuq skandli politiċi minn fuq kull forma ta' media disponibbli, u hekk kif is-sitwazzjoni lokali birdet xi ftit, bdiet tisħon dik tar-Renju Unit, b'diskussjonijiet dwar il- Brexit. Wara dan il-perjodu, mod eċċellenti biex jinfetaħ l-istaġun tas-sajf kien li l-poplu Malti jingħaqad mal-bqija tal-Ewropej biex igawdi l-logħob tal-futbol tal-Euro 2016. Fi stil Malti, flimkien ma' grupp ta' ħbieb, u forsi b'xi flixkun birra jew tnejn, numru kbir ta' nies ma naqsux milli joħorġu jsegwu l-logħob f 'bars u każini, ħafna minnhom armati b-big screens, li kważi jtuk impressjoni li qiegħed tara l-logħba f 'xi grawnd fi Franza. Oħrajn jippreferu jaraw il-logħob fil-kwiet u d-devozzjoni tas-salott ta' darhom, hekk kif jagħtu l-appoġġ lit-tim favorit tagħhom, filwaqt li forsi jkollom lil marthom tgerger f 'xi kamra oħra tad-dar, titlob li dawn l-imberkin logħob jgħaddu mill-aktar fis possibli, għalkemm ta' min li wieħed jirrimarka avvenimenti bħall-Euro u t-Tazza tad-Dinja, ikunu segwiti bl-istess ħeġġa minn numru kbir ta' nisa wkoll. Lil hinn mil-logħob, ix-xorb u l-burdell, il- Euro 2016 s'issa kienet ikkaratterizzata minn livelli għolja ta' sigurtà fi Franza kollha, u temp mhux dejjem favorevoli għal- logħob. Rajna wkoll nuqqas ta' spirtu sportiv min-naħa tal-partitarji Russi, li almenu pattew għalih ħafna Irlandiżi. Fil-fatt, fuq siti soċjali bħal Facebook rajna filmati ta' bosta Irlandiżi jiċċelebraw bl-isbaħ spirtu ta' ħbiberija li wieħed jista' jkollu waqt avveniment sportiv. B'xi mod jew ieħor, kemm jekk tkun iffissat fil-futbol, u anke jekk assolutament ma jkunx jogħġbok, avveniment bħat-Tazza Ewropea xorta jħallik b'xi forma ta' opinjoni fuq l-eżitu tal-kampjonat. Il-gazzetta ILLUM ħarġet fit-toroq tal-Belt Valletta u staqsiet lil xi nies jekk hux qegħdin isegwu l-kampjonat, min fl-opinjoni tagħhom jista' jirbaħ u jekk kienx hemm xi plejer li impressjona s'issa. Jordan Vella (15) - Ħad-Dingli Raymond Meli (57) - Marsa Joseph Nappa (64) - Valletta Carlo Stivala (38) - Birżebbuġa "Xi kultant insegwi xi logħba, imma mhux dejjem. Jien naħseb li jew Spanja jew l-Italja l- aktar li għandhom ċans jirbħu, u bħala plejers, le ta', ħadd ma laqatni." "Qiegħed insegwi l-logħob mhux ħażin. Naħseb li bħala ċans li jirbħu, l-aktar li għandhom il-Ġermanja u ftit forsi l-Italja u Spanja. Xi ħadd minnhom. Bħala plejers, din id-darba don- nhom it-timijiet il-kbar lanqas impressjonaw tal-għaġeb. It-Taljani impressjonawni ftit billi għamlu l-ewwel logħba tajba, imma issa naraw." "Mhux kollha qed insegwiha, imma ħafna mil- logħob segwejthom. Hemm ħafna timijiet tajbin. Jien ngħidlek li jekk it-Taljani jirbħu lill-Spanja, hemmhekk qegħdin. Hemm erba' plejers tajbin. Hemm dak ta' Wales, skorja ma nafx kemm. Tgħidlix x'jisimhom, imma hemm wieħed tal- Belgium ukoll tgħidx kemm skurja." "Jien kollha qed insegwihom il-logħob. It-tim favorit tiegħi huwa l-Ingilterra, imma naħseb li l- Italja u Spanja aktar għandhom ċans din is-sena. Jekk impressjonanix xi plejer għadni le s'issa. Ronaldo ssoltu...imma s'hemm." Naomi Camilleri (15) - Ħal Qormi "Jien, l-aktar li nsegwi meta jilagħbu l-Ingliżi, imma naqbel li probabbilment Spanja jew l-Italja jirbħu. Il-bqija ma nifhimx fil-plejers, lanqas biss naf isimhom jien." Mary Muscat (59) - Fgura John - (Turist mill-Awstralja) Il-koppja Darcy (Turisti minn Ċipru) "Mhux li nsegwi t-turnew ħafna jien. Meta jilagħbu l-Ingliżi forsi nara l-logħba tagħhom. Bħala ċans ta' rebħ ma nafx…forsi l-Ġermanja. U plejers li impressjonawni ma nafx ngħidlek. Sturridge jogħġobni lili…għax dak tal-Liverpool." "Rajt xi ftit logħob qabel ġejt hawn, iżda ma tantx stajt nara ħafna minn mindu wasalt Malta. Probabbilment naħseb li Spanja jew il-Kroazja l-aktar li għandhom ċans jirbħu forsi. U plejers… le ta', ħadd ma nista' ngħid li impressjonani." "Mhux il-logħob kollha segwejna, għax qegħdin vaganza minn Ċipru. Il-logħba Kroazja kontra Spanja kienet tajba, u naħseb li l-Kroazja huma vera tajbin. Bħala ċans li jirbħu… żgur li mhux l-Ingilterra; aktar naħseb il-Kroazja, jew forsi l-Belġju. Kien hemm ħafna plejers tajbin. Il- goaler ta' Wales vera kien tajjeb, prattikament kellu jdejh kullimkien. Anke Iniesta ta' Spanja plejer tajjeb ħafna."