Issue link: https://maltatoday.uberflip.com/i/587658
32 illum Il-Ħadd 18 ta' Ottubru 2015 SportSillum CRISTIAN ANTONY MUSCAT St Andrews ................ 0 Balzan ...................... 2 Balzan komplew jikkonvinċu meta għelbu lil St andrews bl-iskor ta' 2-0 biex ikkonsolidaw posthom fil-quċċata tal- klassifika tal-Kampjonat BOV Premier. B'hekk huma ħallew lit-tim neo-promoss ta' St andrews ankrat fil-qiegħ tal-klassifika mingħajr ebda punt, biex b'hekk wara r-rebħa ta' naxxar lions ilbieraħ, issa huma l-uniku tim li għadu ma rebaħx punti f 'dan il- Kampjonat. Huwa fatt magħruf li t-tim ta' St Andrews huwa kompost minn numru ta' plejers żgħażagħ u bi ftit esperjenza fl-ogħla diviżjoni tal-futbol Malti u qed isibha diffiċli biex joffri oppożizzjoni denja lil kull tim li jiltaqa' miegħu, u lbieraħ ma kinitx eċċezzjoni. Min-naħa l-oħra Balzan immexxija mill-kowċ Oliver Spiteri għadhom igawdu l-quċċata tal-klassifika b'20 punt, tliet punti vantaġġ fuq iċ-champions Hibernians, li lbierah kisbu rebħa mqanzħa ta' 2-1 kontra Qormi. L-ewwel taqsima intemmet mingħajr gowls biex kellu jkun fil-55 minuta li Balzan fetħu l-iskor meta minn kross ta' Lydon Micallef, il-ballun spiċċa għand Aleksandar Vujacic li għeleb lill- goalkeeper Kris Calleja permezz ta' xutt bid- dawra. Minuta biss wara, il-plejer internazzjonali Alfred Effiong għadda tajjeb bit-takkuna lejn l-awtur tal-ewwel gowl Aleksandar Vujacic bl- attakkant Montenegrin jitfa' ġewwa mill-viċin u b'hekk irreġistra doppjetta personali. St Andrews - Calleja, Williams, camlleri, Sehitaj, Guillaimier, Farrugia, Nwoko, Johnson, Deguidjol (Walker 83'), Cumbo, Grech (Grima 60') Balzan - Cassar, Grima, Zarate (Corbolan 82'), Arab, Mensha, Vujacic, Effiong, Serrano Valero (Agius 64'), micallef (Cipriott 75'), Focsa, Grioli Referi - Esther Azzopardi ALEKSANDAR VUJACIC Ġie vvutat bħala l-BOV Plejer tal- Logħba mill-ġurnalisti preżenti. Ingħaqad ma' Balzan matul is-sajf li għadda. Skorja doppjetta personali f'din il-logħba li swiet mitqlu deheb għal Balzan. Balzan ikomplu jikkonvinċu u jħallu lil St Andrews ankrati fil-qiegħ Alfred Effiong jipprova jirbaħ il-ballun mingħand plejer ta' St Andrews Ritratt - Chris Mangion