Issue link: https://maltatoday.uberflip.com/i/587658
Il-Ħadd 18 ta' Ottubru 2015 | illum 33 SportSillum CRISTIAN ANTONY MUSCAT Qormi ....................... 1 Hibernians ................ 2 Hibernians kellhom jistennew sad-90 minuta biex jiksbu rebħa drammatika ta' 2-1 kontra Qormi. L-ewwel azzjoni denja ta' nota waslet biss fl-24 minuta meta Andrew Cohen għadda tajjeb lejn Jorge Santos Silva li qabbeż il-ballun minn fuq il-goalkeeper żagħżugħ Andreas Vella bil-ballun jintemm barra. Il-Pawlisti komplew jattakkaw u fit-32 minuta xutt tal-attakkant prolifiku Denni Rocha Dos Santos mid-distanza għadda għoli. Ħames minuti wara, it- tim immexxi mill-kowċ Serb Branko Nisevic fetaħ l-iskor meta Clayton Failla kkrossja lejn in-nofs, daħal id-difensur ta' Qormi Noah Olawale Ojula li pprova jtajjar il-ballun 'il bogħod minn kull periklu, iżda bħal donnu qarraq bil- goalkeeper Andreas Vella, b'Andrew Cohen jidħol bħal vleġġa u jitfa' ġewwa. Qormi rrispondew fl- 44 minuta permezz tal- attakkant Żvediż Alex Nilsson, li mill-viċin laqat il-wieqfa. Eżatt qabel tmiem l-ewwel taqsima, tentattiv minn freekick ċentrali mid-distanza tal- ispeċjalista Clayton Failla ġie milqgugħ mingħajr diffikultà minn Andreas Vella. L-ewwel azzjoni perikoluża fit-tieni taqsima waslet fis-57 minuta meta Jorge Santos Silva avvanza tajjeb iżda l-goalkeeper Andreas Vella kien pront u ħareġ tajjeb biex dawwar il- ballun f 'corner. Qormi ġabu l-iskor indaqs fit-73 minuta meta minn freekick tal-eks plejer ta' Żebbug Rangers, Carlo Gordon Monti, difensur ta' Hibernians ipprova jikklerja l-ballun, iżda l-ballun ħabat miegħu u ma' ras Ousmane Sidibe, bil-ballun jintemm ġewwa. Kellna nassistu għal tmiem drammatiku fil-logħba meta kellu jkun id-difensur internazzjonali Andrei Agius li skorja l-gowl tar-rebħa b'daqqa ta' ras sabiħa, wara li rċieva minn corner mogħti perfett minn Gilmar da Silva Ribeiro. Qormi - A. Vella (J. M. Vella 86'), Cassar, Sidibe, Olawale Ojula, Berntsson, Agius, Gauci, Magro (E. Vella 72'), Monti, Micallef (T. Vella 46'), Nilsson Hibernians - Borg, Da Gracia Gomes, Lima, Soares (Pearson 27'), Dias, Cohen, 11 - Kristensen (Degabriele 82'), Failla, Denni Rocha Dos Santos (Gilmar Da Silva Ribeiro 71'), Agius, Santos Silva Referi - Glen Tonna ANDREI AGIUS Skorja l-gowl tant importanti għal Hibernians propju fid-90 minuta biex ta 3 punti prezzjużi lill-Pawlisti Huwa pedina importanti kemm ta' Hibernians kif ukoll tat-tim nazzjonali Malti Lagħab għal 8 snin sħaħ barra minn Malta, bl-aħħar tim li lagħab miegħu ikun dak ta' U.S. Latina fil- Lega Pro fl-Italja Hibernians jistennew sad-90 minuta biex jegħlbu lil Qormi CRISTIAN ANTONY MUSCAT Mosta ........................ 0 Naxxar L .................... 2 naxxar Lions ħasdu lill-ġirien iżda rivali kbar Mosta meta għelbuhom bl-iskor ta' 2-0 biex b'hekk rebħu d-Derby tat- Tramuntana. Naxxar Lions fetħu l-iskor fl-14-il minuta meta Emiliano Lattes ra x-xutt tiegħu mid-distanza jgħaddi minn taħt Yenz Cini. Tliet minuti biss wara, in-Naxxarin irduppjaw l-iskor meta Daren Falzon seraq ballun mingħand plejer Mosti qabel għadda tajjeb lejn Emiliano Lattes li dar ma' difensur Mosti fil- kaxxa qabel tefa' wara Yenz Cini, biex b'hekk irreġistra doppjetta personali. Il-Blues irrispondew għall-ewwel darba fis- 36 minuta meta minn cross ta' Rodriguez Ekani, Bobby Abel Fredrick ra d-diving header tiegħu jiġi milqugħ tajjeb minn Julian Azzopardi. Il-Mostin komplew jattakkaw fit- tentattiv ovvju tagħhom li jnaqqsu l-marġni tal-iscore u fl-40 minuta, tentattiv minn rovexxata minn ġol- kaxxa tas-sostitut Saviour Fidelis għadda ftit 'il bogħod mill-wieqfa. Tliet minuti biss wara, xutt mid-distanza tal-eks player ta' Balzan, Ice-Cream Osa Guobadia ntemm barra, biex fl-44 minuta kellu jkun Saviour Fidelis li jerġa' joħloq il-periklu, meta din id-darba kellu daqqa ta' ras mill-viċin tintemm għoli, biex hekk intemmet l-ewwel taqsima. Kienu Naxxar Lions li ħolqu l-ewwel azzjoni perikoluża fit-tieni taqsima meta fid-49 minuta huma kienu ferm viċin li jiskorjaw it-tielet gowl u jagħlqu fil-logħba meta l-captain Daren Falzon kellu xutt fil-baxx u angulat min ġol-kaxxa b'Yenz Cini isalva bi bravura. Fil-71 minuta daqqa ta' ras mill-viċin ta' Bobby Abel Fredrick rat lil Julian Azzopardi iwettaq save spettakolari u jdawwar f 'corner. Mosta - Cini, Farrugia (Borg 88'), Micallef, Osa Guobadia, Grech (J. Brincat 34'), Yau, Chukwide (Fidelis 34'), Ekani, Micheletti, Zammit, Abel Fredrick Naxxar L. - Azzopardi, Rajovic, Scicluna, Gnenegbe Zady, Cardozo (Bonnici 88'), Falzon (Noudehovenon Sidoine 67'), Cassar, Debono, Grech, Lattes, Tarlazis Viera Dos Santos (Del Negro 80') Referi - Clayton Pisani EMILIANO LATTES Ġie vvutat bħala l-BOV Plejer tal- Logħba mill-ġurnalisti preżenti Skorja doppjetta personali f 'temp ta' tliet minuti fl-ewwel taqsima Ingħaqad ma' Naxxar Lions mingħand St Andrews matul is-sajf li għadda Naxxar L. jaħsdu lil Mosta u jirbħu d-Derby tat-Tramuntana Republic Street, Valletta next to the Courts