Issue link: https://maltatoday.uberflip.com/i/911590
illum | Il-Ħadd 03 ta' Diċembru 2017 22 Opinjoni J oħorġu diversi fatturi, kemm inkoraġġanti kif ukoll inkwetanti, mill-Politika Nazzjonali għat-Tfal li għadha kemm tnediet. Hi ta' tħassib ir-referenza li l-Politika tagħmel għall-fatt li t-tfal Maltin ta' ħdax, tlettax u ħmistax–il sena ġew l-ewwel f 'kemm iħossuhom taħt pressjoni mix-xogħol tal-iskola. F'dan l-istudju tal-2014, it-tfal Maltin ġew fl-ewwel post kważi bid-doppju tal-medja ta' tfal parteċipi minn pajjiżi oħra. Il-vuċi tat-tfal ingħatat attenzjoni wiesa' fit-tfassil tal-politika nazzjonali. Ilmentaw li m'għandhomx ħin liberu biżżejjed jew inkella l-ħin ħieles mhu ħieles xejn għax dejjem għaddejjin minn attività għal oħra. Tfal oħra qalu li ma jafux x'jaqbdu jagħmlu ħlief iqattgħu l-ħin fuq in-networks soċjali, jaraw it-televixin jew jilagħbu l-logħob fuq il-kompjuter, tablet jew mobile. Il-Politika Nazzjonali għat-Tfal qed tagħraf il-valur tal-logħob kemm bħala bżonn bażiku tat-tfal, kif ukoll bħala għodda f 'sistema edukattiva ħolistika, specjalment meta tqis li l-logħob sar iktar individwali bl- iżvilupp tat-teknoloġija. Il-forom ta' logħob sedentarju qed joktru filwaqt li l-ħin u l-kwalità tal- logħob qed ikunu affettwati miż- żieda fl-attivitajiet kurrikulari u dawk estra-kurrikulari. Il-bidliet ambjentali wkoll qed iħallu impatt kbir fuq id-dinja tal-logħob; it-toroq imtlew bil-karozzi u żdied it-tniġġiż tal-arja filwaqt li l-ispazji miftuħa fiż-żoni urbani u dawk fil-kampanja naqsu sew. B'konsegwenza, issostni l-Politika, il-logħob fil-beraħ sar strutturat u organizzat. Issa il-psikoloġija ilha li stabbiliet l-importanza tal-logħob mhux strutturat fl-iżvilupp intellettwali u emozzjonali tat-tfal. Għal dan il- għan, qed ikun propost li għandhom ikunu inkoraġġiti aktar il-faċilitajiet pubbliċi tal-logħob. Ittrattat ukoll hemm l-aspett kulturali, imma l-proposti għal dan il-qasam jonqoshom viżjoni iktar mifruxa. Mhuwiex biss l-involviment tat-tfal fl-avvenimenti kulturali li hu meħtieġ, imma viżjoni li tara l-kultura bħala għodda kritika li ġġib il-bidla soċjali u l-evolviment intellettwali f 'dinja li għadha inġusta ħafna. Inkella t-tfal ikunu biss faxx ieħor ta' konsumaturi, din id- darba tal-prodott kulturali immirat għalihom. Toroq biex jilagħbu t-tfal Hemm proġetti f 'pajjiżi bħar- Renju Unit u l-Kanada bl-isem ta' Street Play jew Playout fejn xi toroq jingħalqu għal massimu ta' tliet sigħat fil-ġimgħa sabiex it- tfal joħorġu jilagħbu barra. Dawn l-inizjattivi soċjali faċilment jistgħu jkunu addattati għall-ħtiġijiet tat-tfal u l-familji Maltin. It-toroq tagħna m'għandhomx jingħalqu għat-traffiku biss fil-ġranet tal-festa tar-raħal jew għal xi attività politika. L-idea oriġinat fin-nofs in-nhar ta' Bristol madwar għaxar snin ilu, meta numru ta' ġenituri ħassewhom frustrati li wliedhom ma setgħux jilagħbu barra minħabba t-traffiku li joħnoq it-toroq tal-belt. Ir-residenti jaħdmu mill-qrib mal-awtoritajiet sabiex ikunu identifikati t-toroq li jistgħu jingħalqu u jkunu sorveljati. Instab li l-inizjattiva hi effettiva l-iktar meta r-residenti huma direttament involuti fiha. L-effett ta' dan il-proġett fi Bristol, fejn illum hemm ħames mitt triq li ta' kull ġimgħa jingħalqu għat- traffiku, hi li t-tfal ikunu qed jagħmlu l-eżerċizzju bla ma jafu, isiru iktar indipendenti u jitgħallmu jassessjaw ir-riskji. Barra minn hekk, ir-rabtiet komunitarji bejn nies ta' kull età jissaħħu iktar. Inizjattivi ta' dan it-tip għandhom isibu posthom f 'Malta wkoll. Il-foqra jkomplu jiftaqru Editorjal ta' The Malta Independent tkellem dwar il-problema tal-faqar, speċjalment ta' dawk li jgħixu f 'akkomodazzjoni mikrija. L-influss ta' ħaddiema barranin f 'pajjiżna flimkien mal-liberalizzazzjoni tal-kera qed iħallu lil aktar nies, speċjalment familji b'ġenitur wieħed, litteralment bla saqaf fuq rashom. L-editorjal tal-Independent jirrikonoxxi l-ħidma li l-Gvern qiegħed iwettaq f 'dan il-qasam, iżda jinsisti li hemm ħafna aktar xi jsir. Il-programm ta' housing soċjali li hemm ippjanat għadu 'l bogħod wisq għal dawk li qed iqattgħu l-iljieli kesħin fil-karozza. Iżda r-responsabbilità mhix tal- gvern biss, itemm jgħid l-editorjal tal-Independent. Issa li riesaq żmien il-Milied, il-pajjiż kollu għandu joħroġ b'ideat prattiċi ta' għajnuna lil min hu fil-bżonn. Nisperaw li din mhix ir-rettorika tas-soltu ta' kull sena, dik li tinħareġ għall-istaġun kif jinħareġ il-Bambin u s-siġra tal-Milied. Politika nazzjonali għat-tfal 'Tfal Maltin ta' ħdax, tlettax u ħmistax-il sena ġew l-ewwel f 'kemm iħossuhom taħt pressjoni mix-xogħol tal-iskola' 'Il-programm ta' housing soċjali li hemm ippjanat għadu 'l bogħod wisq għal dawk li qed iqattgħu l-iljieli kesħin fil-karozza' Il-logħob – dritt tat-tfulija MARIO AZZOPARDI