Issue link: https://maltatoday.uberflip.com/i/640305
Il-Ħadd 14 ta' Frar 2016 | illum 29 Sports minn Cristian Antony Muscat Qormi ........................... 0 Valletta ........................ 2 Valletta kisbu rebħa faċli u meritata ta' 2-0 kontra Qormi, biex b'hekk bdiet tixgħel il-bozza l-ħamra għall-Blacks and Yellows. Il-Beltin damu biex ħolqu l-ewwel azzjoni perikoluża hekk kif kien biss fid-19-il minuta li huma resqu viċin li jiftħu l-iskor mera wara li rċieva minn corner, Rafael Rodrigues Ledesma ra x-xutt potenti tiegħu jistampa mal- mimduda. Fit-22 minuta, xutt mid-distanza ta' Kurt Magro għal Qormi għadda ferm għoli mil-lasti difiżi mill- goalkeeper ta' Valletta, Henry Bonello. Il-Beltin reġgħu ħolqu l-periklu fit-32 minuta permezz ta' xutt tal- midfielder internazzjonali Roderick Briffa, li għadda ftit barra mil-lasti ta' Jean- Matthias Vella, biex minuta biss wara daqqa ta' ras mill-viċin tal-attakkant Arġentin, Federico Matias Falcone, dejjem għal Valletta, għaddiet ftit barra. Valletta komplew fuq l-offensiva u fit-43 minuta, minn cross ta' Jhonnattan Benites Da Conceicao, reġa' kien Federico Matias Falcone li ħoloq il-periklu, meta ra d-daqqa ta' ras tiegħu minn taħt il-lasti ta' Qormi tiġi milqugħa minn Jean- Matthias Vella, mgħejjun mill-mimduda. Fil-ftuħ tat-tieni taqsima Valletta komplew fejn ħallew fl-ewwel taqsima u ma damux biex sabu x-xibka meta fit-53 minuta, minn azzjoni ta' corner, il-ballun spiċċa f 'saqajn il-captain tat-team nazzjonali Michael Mifsud li mill-viċin tefa' ġewwa, biex tefa' lill-partitarji numerużi Beltin f 'delirju ta' ferħ. Żewġ minuti biss wara, l-istess attakkant internazzjonali kien għoddu rreġistra doppjetta personali, meta xutt angulat tiegħu għadda tul il-lasta qabel ġie mxellef f 'corner minn difensur ta' Qormi. Il-Beltin irduppjaw l-iskor fis-70 minuta, meta minn cross ta' Romeu Pericles Romao, għola tajjeb Federico Matias Falcone, li permezz ta' daqqa ta' ras preċiża tefa' l-ballun fix-xibka. Qormi J. M. Vella, Gauci, Sidibe, Gusman (Barbara 27'), Leeflang Boestra, Yankam, Cassar, Micallef (E. Vella 70'), Olawale Ojuola, T. Vella (Zammit 65), Magro Valletta Bonello, Caruana (Cremona 74'), Camilleri, Gill Cruz, Briffa, Mifsud (Borg 74'), Ledesma, Falcone, Pani, Benites Da Conceicao, Pericles Romau Referi Glen Tonna JHONNATTANN BENITES DA CONCEICAO Ġie vvutat bħala l-BOV Plejer tal- Logħba mill-ġurnalisti preżenti. Irritorna ma' Valletta matul is-sajf li għadda wara li kien inġieb f 'Malta propju mill-Beltin. F'pajjiżna lagħab ukoll mar-rivali ta' Valletta, Birkirkara. Għalkemm ma rnexxielux isib ix-xibka f 'dan il-konfront, bla dubju kien l-aħjar plejer fil- grawnd. Valletta jiksbu rebħa kontra Qormi minn Cristian Antony Muscat Sliema W .................. 1 Naxxar L ................... 2 Għalkemm Sliema Wanderers fil-jiem li għaddew huma għamlu diversi akkwisti tajbin, xorta waħda, baqgħu jidhru xquq evidenti fil-formazzjoni tagħhom hekk kif ilbieraħ sfaw maħsuda minn Naxxar lions meta ġew megħluba bl-iskor ta' 2-1, biex b'hekk il-Blues sofrew il- ħames telfa konsekuttiva. Permezz ta' din it-telfa xejn mistennija, il- Wanderers waqgħu fid- disa' post tal-klassifika u se jkunu qed jibdew it-tieni fażi bi 12-il punt, punt distakk minn Pembroke Athleta. Min-naħa l-oħra, Naxxar Lions, se jkunu qed jibdew it-tieni fażi b'seba' punti, żewġ punti vantaġġ fuq Qormi. Naxxar Lions kellhom lill-goalkeeper Tajan prodott ta' Juventus fl- Italja, Alberto Gallinetta, jagħmel id-debutt tiegħu, waqt li rritorna għalihom il-captain Angus Buhagiar wara li serva logħba sospensjoni. Madankollu, Ryan Grech, kien nieqes għalihom hekk kif kien qed iservi l-ewwel logħba minn tnejn sospensjoni. Min- naħa l-oħra, il-Wanderers kellhom nieqes lid-difensur veteran Luke Dimech, iżda għalihom irritorna d-difensur Taljan Stefano Bianciardi. Naxxar Lions fetħu l-iskor seba' minuti mill-ftuħ tat- tieni taqsima meta wara li rċieva minn korner ta' Jurgen Debono, Demba Toure kien pront u tefa' l-ballun wara l-goalkeeper tal-Wanderers, Glenn Zammit. Erba' minuti biss wara, Jurgen Debono rebaħ ballun mitluf u għadda tajjeb lejn Duane Bonnici fuq ix-xellug, li dar tajjeb mal-goalkeeper Glenn Zammit qabel tefa' l-ballun f 'xibka vojta. Il-Wanderers naqsu l-marġni tal-iskor fid-89 minuta, iżda kien tard wsiq għalihom meta minn clearance qasira mid- difiża ta' Naxxar Lions, approfitta bis-sħiħ is- sostitut Niġerjan Shola Shodiya Haruna li għeleb lill-goalkeeper ta' Naxxar Lions, Alberto Gallinetta, permezz ta' xutt fil-baxx. Sliema W. Zammit, A. Muscat, Scerri, Priso, Gatt Baldacchino (Haruna Shola Shodiya 57'), Potezica, Bezzina (Fidelis 75'), Rocha dos Santos, Muir, Farrugia, Bianciardi Naxxar L. Gallinetta, Hungria Rosero, Scicluna, Vallecillo Casado, Toure (Ellul 90'), Bonnici (Fenech 88'), Debono, Fenech, Buhagiar, Hamutenya, Tasic Referi Matthew De Gabriele JURGEN DEBONO Ġie vvutat bħala l-BOV Plejer tal- Logħba mill-ġurnalisti preżenti. Huwa plejer ferm importanti ta' Naxxar Lions. Għalkemm ma rnexxielux isib ix-xibka, kien l-aqwa plejer fil- grawnd. Naxxar L. jaħsdu lil Sliema W. u jikkundannawhom għall-ħames telfa konsekuttiva Republic Street, Valletta next to the Courts Republic Street, Valletta Ritratt - www.vallettafc.net Ritratt - Joseph Pullicino