Issue link: https://maltatoday.uberflip.com/i/627672
30 illum Il-Ħadd 17 ta' Jannar 2016 Sports Manchester City jiksbu rebħa kbira kontra Crystal Palace RIŻULTATI Kampjonat Barclays Premier FIXTURES Is-Sibt 16 ta' Jannar Tottenham H. vs Sunderland 4-1 AFC Bournemouth vs Norwich C. 3-0 Chelsea vs Everton 2-3 Manchester C. vs Crystal Palace 4-0 Newcastle U. vs West H. United 2-1 Southampton vs West B. Albion 3-0 Fixtures Il-Ħadd 17 ta' Jannar 15:05 Liverpool vs M. United 17:15 Stoke City vs Arsenal It-Tnejn 18 ta' Jannar 21:00 Swansea City vs Watford Kampjonat Serie A TIM Is-Sibt 16 ta' Jannar Atalanta vs Inter 1-1 Fixtures Il-Ħadd 10 ta' Jannar 12:30 Genoa vs Palermo 15:00 Bologna vs Lazio 15:00 Carpi vs Sampdoria 15:00 Chievo Verona vs Empoli 15:00 Roma vs Hellas Verona 15:00 Udinese vs Juventus 20:45 AC Milan vs Fiorentina MANCHESTER City ġewwa darhom fl-Etihad Stadium għelbu lil Crystal Palace bl-iskor kbir ta' 4-0, bl-erba' gowls għalihom jaslu minn Fabian Delph u David Silva, u doppjetta tas-solitu Sergio Aguero. Intant, Chelsea ġewwa darhom fi Stamford Bridge, sfaw miżmuma fi draw ta' 3-3 minn Everton bit-tliet gowls għal dawn tal-aħħar jaslu minn awto-gowl tad-difensur veteran ta' Chelsea, John Terry, gowl ta' Kevin Mirallas u ieħor li wasal propju fid-90 minuta minn Ramiro Funes Mori, bl-istess plejer jiġi ammonit ftit sekondi biss wara li rnexxielu jsib ix-xibka. Min-naħa l-oħra, il-gowls għal Chelsea waslu minn Diego Costa u Cesc Fabregas f ' temp ta' żewġ minuti, eżattament fl-64 u fis-66 minuta rispettivament, bil-gowl l-ieħor jasal minn John Terry b'mod tassew drammatiku fil-ħin miżjud, biex b'hekk patta bis-sħiħ għall-awto-gowl li wettaq fil-50 minuta. Tottenham Hotspur ġewwa darhom f 'White Hart Lane kisbu rebħa kbira ta' 4-1 kontra Sunderland bl-erba' gowls għalihom jaslu minn doppjetta tal-midfielder internazzjonali Daniż, Christian Eriksen, kif ukoll minn gowls ta' Moussa Dembela u penalty ta' Harry Kane. Tajjeb ngħidu li kienu propju Sunderland li fetħu l-iskor fil-41 minuta permezz ta' Patrick van Aanholt. Newcastle United ġewwa darhom f 'St James Park għelbu lil West Ham United bl-iskor ta' 2-1, biż-żewġ gowls għall-Magpies jaslu minn Ayoze Perez u Georginio Wijnaldum, waqt li l-gowl uniku għall-Hammers wasal minn Nikica Jelavic fid-49 minuta. F'konfront min-naħa ta' isfel tal-klassifika, AFC Bournemouth ġewwa darhom għelbu lil Norwich City bl-iskor konvinċenti ta' 3-0, bil-gowls għalihom jaslu minn Dan Gosling, Benik Afobe u minn penalti ta' Charlie Daniels. F'konfront ieħor min- naħa ta' isfel tal-klassifika, Southampton, ġewwa darhom fl-Istadium of Light, ikkonvinċew bis- sħiħ meta għelbu lil WBA bl-iskor ta' 3-0, bil-gowls għalihom jaslu minn doppjetta ta' Jamie-Ward Prowse, bit-tieni gowl minn dawn iż-żewġ gowls jasal propju minn penalti, bil-gowl l-ieħor għas-Saints jasal minn Dusan Tadic. Intant, fil-Kampjonat Taljan Serie A TIM, Inter, barra minn darhom fi Stadio AtletiAzzurri d'Italia f 'Bergamo, sfaw miżmuma fi draw diżappuntanti ta' 1-1 minn Atalanta, fejn hawnhekk l-eroj assolut għan-Nerazzurri kien bla dubju l-goalkeeper internazzjonali mis- Slovenja, Samir Handanovic li għal bosta drabi tul id-90 minuta, speċjalment fit-tieni taqsima salva lil Inter minn gowls ċerti. Interessanti huwa l-fatt li ż-żewġ gowls f 'din il-logħba waslu minn żewġ awto-gowls - wieħed fuq kull naħa. Dan hekk kif kienu Atalanta li fetħu l-iskor fit-18-il minuta minn awto-gowl tad- difensur ċentrali ta' Inter, Jeison Murillo, waqt li Inter ġabu l-iskor indaqs seba' minuti biss wara, eżattament fil-25 minuta permezz ta' awto-gowl ieħor, din id-darba tal- plejer ta' Atalanta, Rafael Toloi.