Issue link: https://maltatoday.uberflip.com/i/717192
L -Oppożizzjoni bid-diskors tgħid li m'għad għandha xejn kontra l-programm ta' ċittadinanza b'investiment. Bil-fatti, però, għadha għaddejja xxewwex kemm tiflaħ barra minn Malta bil-għan li tipprova tkisser u teqred l-investiment importanti li ġej bis-saħħa ta' dan il-programm li minnu jgawdu l-familji u negozji Maltin u Għawdxin. Huwa evidenti li l-Oppożizzjoni, li taħt Simon Busuttil saret distruttiva iktar minn qatt qabel, qed tagħmel dan biex mingħaliha toħloq diffikultà lill-Gvern, proprju issa li qegħdin fuq l-għatba tal-Presidenza ta' Malta tal- Kunsill tal-Unjoni Ewropea. Ovvjament l-Oppożizzjoni kull darba taqa' għal wiċċha. Taqa' għal wiċċha għax il- programm ta' ċittadinanza b'investiment tagħna mhuwiex l-unika wieħed fl- Unjoni Ewropea kollha, iżda huwa l-unika wieħed li ġie approvat mill-Kummissjoni Ewropea. Taqa' għal wiċċha għaliex il-programm tagħna hu mill- iktar serju u b'saħħtu tant li fih livelli wieħed wara l-ieħor ta' due diligence magħmul mill- aqwa nies li jeżistu fl-Ewropa biex jagħmlu dan ix-xogħol. Min jeħel mill-eżami, aħna ma naċċettawhx. Fil-fatt, ma aċċettajniex madwar 25 fil- mija tal-applikazzjonijiet. Altru milli bejgħ ta' ċittadinanza! Kieku bejgħ, inti tbigħ lil kull min jiġi biex jixtri. F'dan il-każ, biex wieħed jidħol fil-programm irid jgħaddi minn test u skrutinju serju u dettaljat. Tant kemm mhuwiex sempliċi bejgħ, li kien hemm min fetħilna l-kawżi għax għidnielu le! U nibqgħu ngħidulu le, jekk ma jgħaddix mit-test. Taqa' għal wiċċha għaliex esponenti ewlenin tal-Partit Nazzjonalista qed jaħdmu ma' Identity Malta f 'dan il- Programm u qed jaqilgħu flus tajba ta' dan ix-xogħol. Huma privatament ifaħħru x-xogħol u d-dedikazzjoni li tintwera u jafu kemm Identity Malta qed tieħu l-affarijiet b'serjetà kbira. Hemm ipokrezija kbira fil-kritika tal-Oppożizzjoni. Bħala Ministru responsabbli mill-għoti ta' ċittadinanzi, kull ġimgħa jasluli kaxxi sħaħ - ġieli kaxxa, ġieli tnejn u ġieli tlieta - ta' talbiet tà' barranin li jitolbu ċ-ċittadinanza għax ikunu ilhom Malta ħafna snin. S'intendi, f 'kull każ tintalab opinjoni tal-Pulizija dwar l-individwu u jiena dejjem nimxi fuq il-parir tagħhom. Biss, mingħajr ma nnaqqas xejn mill-ħidma kruċjali tal- Pulizija f 'dan ir-rigward, dan l-iskutinju m'għandu x'jaqsam xejn mad-due diligence kbir u iebes li jgħaddu minnhom l-applikanti tal-IIP. Ġieli, meta nkun fl-uffiċċju ħafna drabi tard bil-lejl nara fajl wara l-ieħor, kaxxa wara l-oħra ta' applikazzjonijiet ta' barranin għal ċittadinanzi għax ikunu ilhom żmien Malta bla ma rrid ngħid: kemm hi tajba. Mela dawn - jekk tgħodd ukoll l-għoti ta' ċittadinanza Maltija lill-barranin li jiżżewġu Maltin - qed nagħtu l-eluf ta' ċittadinanzi kull sena mingħajr xi due diligence dettaljat. Imbagħad għax qed nagħtu ftit mijiet ta' ċittadinanzi b'investiment wara skrutinju iebes ħafna magħmul minn l-aqwa nies fis-settur, hemmhekk l-Oppożizzjoni tmur tipprova tħammeġ isem Malta mal- barranin. U kif kulħadd jaf, fil-każ tal-għoti ta' ċittadinanza b'investiment daħħalna, bi qbil mal-Kummissjoni Ewropea, mekkaniżmi li jara li jkun hemm rabta bejn l-applikant u Malta. Fil-fatt, iddaħħal il-kunċett ta' residential status ta' sena u daħħalna sistemi ġodda, bħall-kiri jew xiri ta' proprjetà, li jsaħħu r-rabta tal- applikant ma' Malta. U nieħu gost nisma' stejjer dwar kif applikant tal-IIP ikun ta' benefiċenza lil għaqda li tagħmel ġid lis-soċjetà, jew ikun investa f 'xi impriża f 'Malta, jew ikun xtara xi villa f 'partijiet sbieħ ta' Malta jew Għawdex. Il-famuż 'bottom line' x'inhu? Li għandna programm b'saħħtu u serju, l-uniku wieħed approvat mill- Kummissjoni Ewropea, li qed iġib investiment kbir lejn Malta. S'issa dan il-programm ġab investiment dirett ta' iktar minn mitejn miljun apparti miljuni kbar oħra f 'xiri u kirjiet tà' djar. Waqt li Gvernijiet Nazzjonalisti preċedenti kienu farrku l-kaxxa ta' Malta, aħna qed nimlewha. Waqt li Gvernijiet Nazzjonalisti preċedenti kienu jduru fuq in-nies biż-żieda tat-taxxi biex jiffinanzjaw il-proġetti, aħna qed inġibu l-investiment b'mod serju u b'saħħtu. Dawn il-flus se jiġu maniġġjati f 'fond, imsemmi National Social and Development Fund immexxi mill-eks President tal- Kamra tal-Kummerċ David Curmi. Dan biex nassiguraw trasparenza, kontabbilità u serjetà. Nieħu l-opportunità li nirringrazzja minn qalbi lit-tmexxija ta' Identity Malta tax-xogħol brillanti li qed tagħmel fejn jidħol dan il-programm: Dr Joe Vella Bonnici u Jonathan Cardona u n-nies kollha tagħhom li jaħdmu lejl u nara, festi u mhux biex dan il-programm ikun suċċess. It-tfixkil kodard ta' Simon Busuttil mhux se jaqtagħlna qalbna biex inkomplu nġibu investiment kbir lejn pajjiżna li minnu jgawdi kulħadd. Il-Ħadd 21 ta' Awwissu 2016 | illum Opinjoni 17 Programm b'saħħtu, serju u ta' ġid għal pajjiżna OWEN BONNICI "Ma aċċettajniex madwar 25% tal- applikazzjonijiet għaċ-ċittadinanza b'investiment. Min jeħel mill- eżami, aħna ma naċċettawhx" "Il-programm ta' ċittadinanza b'investiment tagħna mhuwiex l-unika wieħed fl- Unjoni Ewropea kollha, iżda huwa l-unika wieħed li ġie approvat mill-Kummissjoni Ewropea" Għandna programm b'saħħtu u serju, l-uniku wieħed approvat mill-Kummissjoni Ewropea, li qed iġib investiment kbir lejn Malta