Issue link: https://maltatoday.uberflip.com/i/298227
30 illum Il-Ħadd 20 ta' April 2014 SPORTSillum FUQ fomm kulħadd f 'dawn l-aħħar ġimgħat kien hemm it-tim nazzjonali tal-waterpolo li kiseb riżultati mill-aqwa f 'diversi kompetizzjonijiet li ħa sehem fihom taħt it-tmexxija għaqlija tal-kowċ nazzjonali, Karl Izzo mgħejjun mill- assistent tiegħu Anthony Farrugia iktar magħruf bħala l-'Panelli'. Dan hekk kif fi tmiem il-ġimgħa li għaddiet huwa temm fit-tieni post biex kiseb il-midalja tal- fidda fil-Kampjonati tal- Commonwealth li saru f 'Aberdeen fl-iSkozja fejn fil-finali tilef bl-iskor ta' 16-9 kontra l-Ingilterra. L-iskwadra kienet komposta minn plejers tat-tliet timijiet prinċipali fil-kampjonat Malti, jiġifieri Neptunes, San Ġiljan u Sliema. Dan il-ġurnal iltaqa' ma' Karl Izzo fejn bħalma jagħmel dejjem tana stampa dettaljata ta' x'għadda minnu t-tim nazzjonali tal-waterpolo fl- iSkozja ġurnata b'ġurnata kif ukoll x'fisser dan ir-riżultat ferm prestiġjuż għall-istess tim immexxi minnu u minn Farrugia. "L-ewwwl logħba kienet is-Sibt kontra t-tim b'saħħtu ta' New Zealand - tim li riċentament ħa sehem fil- kampjonati tad-dinja li saru ġewwa Barcelona fis-sajf tal-2013. Kienet logħba importanti u deċiżiva kontra tim li ftit kelli informazzjoni fuqu. Kien tim fiżiku ħafna u mħarreġ sew peress li kienu ġejjin minn għaxart ijiem ta' preparazzjoni l-Ungerija. It-tim tiegħi kien konċentrat ħafna u konxju bl-importanza ta' din il-logħba, nazzarda ngħid li kienet l-aqwa logħba tagħna f 'din il kompetizzjoni u ħriġna rebbieħa meritatament 17-9. Barra minn hekk kieku ma rrillassajniex ruħna fl-aħħar sessjoni r-rebħa kienet tkun iktar konvinċenti. F'din il- logħba lagħbu t-13-il plejer kollha inkluż il-goalkeeper ta' riżerva Dean Camilleri. Protagonista ta' din il-logħba kien ix-xellugi tagħna Matthew Zammit li skorja sitt gowls. L-għada l-Ħadd, lgħabna kontra l-home team li għamel progress kbir – l-iSkozja. Wara bidu pjuttost kwiet it-tim tiegħi rnexxielu juri s-supremazija tiegħu b'wirja eċċezzjonali speċjalment lejn l-aħħar tal-partita. F'din il-logħba bla dubju l-aqwa plejers kienu s-surmast captain Niki Lanzon li skorja sitt gowls u l-all rounder Jordan Camilleri li skorja xejn inqas minn ħames gowls. L-għada kien imissna kontra t-tim żagħżugħ u veloċi tas- Singapore - tim li ftit li xejn kelli informazzjoni fuqu ħlief għaż-żewġ logħbiet li rajthom jilagħbu fil-jumejn ta' qabel. Wara bidu kwiet ikkaratterizzat minn diversi żbalji fl-attakk irnexxielna nispiċċaw rebbieħa komdi bl-iskor ta' 18-8. Bħaż- żewġ logħbiet ta' qabel hawn utilizzajt il-plejers kollha u l-protagonisti din id-darba kienu Matthew Zammit b'5 gowls, Jerome Gabarretta u Michele Stellini b'4 gowls u prestazzjoni eċċellenti. It-Tlieta kienet logħba deċiżiva għall-midalja peress li rebħa kontra t-tim qawwi ħafna bi plejers ta' statura twila u b'saħħithom tal-Afrika ta' Isfel kienet teħodna dritt fil-finali tas-Sibt. Kienet l-iktar logħba iebsa u dan irrifletta fir-riżultat finali ta' 9-8 li rnexxielna nakkwistaw b'diffikultà kbira u bqajna sal-aħħar sekondi tal-logħba biex ikkonfermajna r-rebħ tal-punti. Ta' min isemmi hawn il-logħba fenomenali li kellu l-goalkeeper Alan Borg Cole li bis-saves tiegħu żammna fil- logħba fil-mumenti kruċjali. Protagonista ta' din il-logħba kien Michele Stellini b'4 gowls kif ukoll Matthew Zammit bi 3 u wkoll Jordan Camilleri li anki jekk skorja biss gowl wieħed huwa flimkien mas-solitu Niki Lanzon kienu effettivi ħafna fid-difiża tagħna u mexxew lit-tim f 'mumenti diffiċli. B'din ir-rebħa aħna kkwalifikajna awtomatikament għall-finali tas-Sibt u l-objettiv tagħna ta' midalja kien diġà milqugħ. Il-5 logħba kienet dik kontra l-aktar tim dgħajjef fl-opinjoni tiegħi - Wales. Hawn iddeċidejt li nagħti ħafna mistrieħ lill-plejers li tant lagħbu fil- logħbiet preċedenti bħal Niki Lanzon, Matthew Zammit, Jordan Camilleri, Mark Meli u Michele Stellini. Iżda l-plejers li lagħbu flokhom bħal Alex Attard, Dino Zammit u John Brownrigg lagħbu logħba tajba ħafna u dan irrifletta fir-riżultat finali ta' 25-12 - apparti s-solitu Matthew Zammit, li wkoll spiċċa bħala l-aqwa skorer tat- tournament, u li f 'din il-logħba skorja 7 goals. Iddistingwew ruħhom ukoll Michele Stellini b'4 gowls, Jordan Camilleri b'5, l-iżgħar plejer fl-iskwadra Dino Zammit bi 3 u anki Timmy Sullivan bi 2. Ta' min jgħid li ż-żagħżugħ Dino Zammit u Alex Attard lagħbu b'kunfidenza u kkonfermaw li huma plejers utli ħafna għal dan it-tim u anki għall-futur qarib. Nhar il-Ġimgħa kellna l-ewwel logħba minn 2 kontra t-tim b'saħħtu ħafna tal- Ingilterra - l-istess tim li għandu plejers jilagħbu kemm fil-Kampjonat Franċiż kif ukoll dak Spanjol. Ta' min ifakkar li 10 mit-13-il plejer inklużi f 'din l-iskwadra ffurmaw parti mit-tim tal-Gran Brittanja li ħa sehem fl-Olimpjadi ta' Londra fl-2012. Ta' min jgħid ukoll li dan it-tim kellu għajnuna finanzjarja kbira għal din il-parteċipazzjoni. Kienet logħba diffiċli ħafna kemm psikoloġikament kif ukoll fiżikament peress li l-plejers kienu qed jilagħbu s-6 logħba tagħhom u bdiet tidher evidenti l-għejja. Batejna ħafna biex niskurjaw u l-iskor finali ta' 10-3 juri s-supremazija tat- tim Ingliż. L-għada s-Sibt kienet l-aħħar ġurnata u l-ġurnata tal-finali kontra l-istess Ingliżi. Ippruvajt naħdem psikoloġikament fuq it-tim tiegħi wara t-telfa tal- Ġimgħa. Kien jum importanti ħafna għalina kollha, u għall- waterpolo Malti. Il-pixxina kienet mimlija daqs bajda u kellna wkoll appoġġ Malti ta' familjari li waslu Aberdeen għal dawn il-logħbiet importanti. Kien ukoll sabiħ u ta' pjaċir li tara xi 30 Malti li joqogħdu l-iSkozja li jiġu jagħtu l-appoġġ lit-tim tiegħi. Il-bidu tal-logħba kien wieħed diffiċli u morna 5-1 minn taħt, kompliċi r-refereeing naħa waħda favur l-Ingliżi b'5 Man-Ups kontra x-xejn tagħna li wasslu għal 5 gowls li qatgħulna ħafna mit-tama tar-rebħ finali. It-tim ta li seta' imma l-oppożizzjoni kienet superjuri. Hawn iktar minn qatt qabel inħass il-vojt ta' Stevie Camilleri li seta' tana ħafna f 'din il-logħba kruċjali. L-aqwa plejer f 'din il-logħba kien Jordan Camilleri bi 3 gowls u prestazzjoni tajba ħafna. L-iskor finali ta' 16-9 ma jirriflettix l-andament totali tal-logħba u kont sodisfatt bl-impenn li taw f 'din il-finali l-plejers kollha tiegħi – it-13 li huma li kollha f 'xi ħin jew ieħor lagħbu f 'din il-finali. Kien riżultat prestiġjuż li jagħmel unur mhux biss lill- waterpolo imma wkoll lill- isport Malti kollu. Ikolli ngħid li dan huwa mument storiku għall-waterpolo Malti. Minn qalbi nixtieq nirringrazzja fuq kulħadd lill-President, Joe Caruana Curran tax- xogħol kbir li qed jagħmel għal waterpolo u għat-Tim Nazzjonali, għall-opportunità li tana biex nieħdu sehem f 'kompetizzjoni prestiġjuża bħal din, lis-Segretarju Marco Manara li ħadem ukoll biex din il-ħolma ssir realtà, kif ukoll lill-Eżekuttiv tal-ASA kollu. Nixtieq ngħid grazzi u nuri apprezzament minn qalbi lill-assistent tiegħi Anthony Farrugia għax- xogħol importanti li jagħmel u għall-irwol tiegħu f 'dan is-suċċess, lill-kowċ tal- goalkeepers Adrian Cachia, lill-fiżjoterapista Andrew Cole li ma waqafx jara li l-plejers ikunu fl aqwa kundizzjoni possibbli għal-logħbiet diffiċli li affrontajna u l-aħħar u mhux l-anqas lill-plejers kollha ta' dan it-tim li flimkien jiffurmaw grupp speċjali u eċċellenti li ddedikaw ħafna ħin biex fl-aħħar irnexxielna nwettqu l-ħolma tagħna ta' midalja f 'dawn il-logħob. Ta' min jgħid li dawn il-plejers mhux biss ma jitħallsux biex jipparteċipaw mat-tim nazzjonali imma saħansitra jieħdu mil-leave tagħhom personali sabiex ikunu jistgħu jsiefru. Grazzi minn qalbi!" "Dan huwa mument storiku għall- waterpolo Malti" – Karl Izzo Il-plejers tat-tim nazzjonali tal-waterpolo bil-midalja tal-dda wara li temmew t-tieni post l-Kampjonati tal-Commonwealth f 'Aberdeen, l-iSkozja Il-plejers tat-tim nazzjonali tal- waterpolo li rrappreżentaw lil Malta -iSkozja 1 Alan Borg Cole (Neptunes) 2 Niki Lanzon (Neptunes) Captain 3 Jerome Gabarretta (Sliema) 4 Michele Stellini (Neptunes) 5 Mark Meli (Sliema) 6 Matthew Zammit (San Ġiljan) 7 Alexander Attard (Sliema) 8 Jordan Camilleri (Neptunes) 9 John Brownrigg (Sliema) Viċi-Captain 10 Timothy Sullivan (Sliema) 11 Clint Mercieca (Neptunes) 12 Dino Zammit (San Ġiljan) 13 Dean Camilleri (San Ġiljan)