Issue link: https://maltatoday.uberflip.com/i/652695
Il-Ħadd 13 ta' Marzu 2016 | illum minn Cristian Antony Muscat Birkirkara ....................... 2 Sliema W ........................ 1 BIRKIRKARA għelbu lil Sliema Wanderers bl-iskor ta' 2-1, bil-gowl tar-rebħa għalihom jasal tard fil- logħba eżattament fis-87 minuta. Kienu Sliema Wanderers li fetħu l-iskor fil-25 minuta meta Marko Potezica indirizza cross fil-baxx li qata' lid-difiża kollha tal-Istripes, bil-ballun jintemm għand Njongo Priso li ma sab l-ebda diffikultà biex jitfa' f 'lasta vojta. Iżda l-Wanderers ma tantx damu jifirħu hekk kif żewġ minuti biss wara, Birkirara ġabu l-iskor indaqs permezz ta' gowl sabiħ minn barra l-kaxxa tal-attakkant Niġerjam, Frank Temile. L-Istripes reġgħu ħolqu l-periklu, għaxar minuti wara, meta xutt minn ġol-kaxxa ta' Seydi L'Imam għadda ċentimetri barra mil-lasti ta' Glenn Zammit. Fil-ftuħ tat-tieni taqsima, Sliema Wanderers ħarġu ferm aggressivi u fit-48 minuta, kienu għoddhom sabu x-xibka, iżda kienu ferm sfortunati, meta xutt ta' Jean Paul Farrugia, minn ġol-kaxxa stampa mal-wieqfa. Birkirkara rrispondew fis-66 minuta, grazzi għal freekick insidjuż tas-solitu plejer żagħżugħ Ryan Camenzuli, li iżda ra lill-goalkeeper tal- Wanderers, Glenn Zammit, idawwar tajjeb f 'corner. Fis-77 minuta, Sliema Wanderers resqu viċin li jsibu x-xibka meta wara li Njongo Priso xeħet cross fil-baxx mil- lemin lejn Jean Paul Farrugia, l-attakkant żagħżugħ li jinsab misluf mal-Wanderers mingħand Hibernians, ra x-xutt tiegħu jintemm ftit barra. Fis-87 minuta, Birkirkara skorjaw il-gowl tar-rebħa permezz ta' freekick mill-isbaħ tal-Kroat, Matija Smrekar, li ma ta l-ebda ċans lill- goalkeeper tal-Wanderers, Glenn Zammit. Birkirkara - Kopric, Attard, Scicluna, Bubalovic, Mujanovic, Sciberras, Bilbao Zarate (Agius 76'), Camenzuli, Temile (Darmanin 90'), Smrekar (Guillaumier 90'), L'Imam Sliema W. - Zammit, Muscat, Dos Santos Tarlaziz (Xuereb 71'), Priso, Gatt Baldacchino, Potezica, Bezzina, Dos Santos, Muir, Farrugia (Friggieri 82'), Bianciardi Referi - Sandro Spiteri NJONGO PRISO Ġie vvutat bħala l-BOV Plejer tal- Logħba mill-ġurnalisti preżenti. Twieled fl-24 ta' Diċembru 1988 fil-Kamerun, u għandu 27 sena. Skorja l-uniku gowl għall- Wanderers f 'din il-logħba. Fil-passat riċenti lagħab ma' AEL Larnaca f 'Ċipru u ma' Valletta f 'Malta. Birkirkara jegħlbu lil Sliema W. tard fil-logħba minn Cristian Antony Muscat Tarxien R ....................... 6 Qormi ............................ 1 TARXIEN Rainbows ma tantx tħabtu biex għelbu lil Qormi bl-iskor kbir ta' 6-1. Rimarkabbli huwa l-fatt li din kienet it-12-il telfa konsekuttiva għal Qormi, li jidhru destinati li fl-istaġun li ġej, jilagħbu fl-Ewwel Diviżjoni. Ir-Rainbows kellhom lil Alex da Paixao Alves u Sergio Fernandez Prendes sospiżi, waqt li Alex Nilsson kien nieqes għalihom minħabba li għadu qed jirkupra minn injury. Min-naħa l-oħra, Qormi kellhom lil Emerson Vella u Clifford Gauci sospiżi, waqt li Yannick Yankam kien nieqes minħabba li għadu qed jirkupra minn injury. Tarxien Rainbows fetħu l-iskor wara biss sitt minuti, meta Luke Montebello rċieva through pass fuq il-lemin, avvanza tajjeb fil-kaxxa qabel għeleb lill-goalkeeper Andreas Vella, permezz ta' xutt sabiħ. Erba' minuti biss wara, Montebello għadda tajjeb lejn Ayrton Azzopardi fuq il-lemin, b'dan tal-aħħar jitfa' l-ballun ġewwa mill- viċin. Qormi naqsu l-marġni tal-iskor fit-33 minuta meta wara li rċieva minn kross ta' Ryan Micallef mix-xellug, Terence Vella tefa' l-ballun wara l-goalkeeper Sean Mintoff, permezz ta' xutt mill- ewwel. Madankollu, sitt minuti minn tmiem l-ewwel taqsima, ir-Rainbows għamlu l-iskor 3-1 favurihom grazzi għal daqqa ta' ras preċiża ta' Daniel Zerafa, wara li rċieva minn korner ta' Ayrton Azzopardi. Żewġ minuti mill-ftuħ tat-tieni taqsima, Luke Montebello, kompla jkabbar il-marġni tal-iskor għar-Rainbows, hekk kif tefa' ġewwa permezz ta' logħob sabiħ minn tarf il-kaxxa. Ftit wara, Claudio Frances, irnexxielu jsib ix-xibka għar- Rainbows permezz ta' korner dirett mil-lemin, li għeleb lill- goalkeeper Andreas Vella. Jidher li r-Rainbows ma kinux kuntenti b'dan l-iskor, hekk kif żewġ minuti minn tmiem id-90 minuta, huma ssiġġillaw ir-rebħa permezz tas-sitt gowl, grazzi għal daqqa ta' ras ta' Daniel Zerafa, li min-naħa tiegħu rċieva minn korner tal-awtur tal- ħames gowl tar-Rainbows, Claudio Frances. Qormi - A. Vella, Micallef, Spiteri (Zammit 80'), Leeflang, Viggiani (Barbara 46'), Sidibe, Olawale Ojuola, Cassar, T. Vella, Magro, Gusman (Peixoto 80') Tarxien R. - S. Mintoff, Baker, Giglio de Oliveira, Caruana (Bajada 78'), Muscat (Tabone 64'), Azzopardi (Spiteri 75'), Montebello, Zerafa, Oliveira Santos, J. Mintoff, Frances Referi - Mario Apap LUKE MONTEBELLO Ġie vvutat bħala l-BOV Plejer tal- Logħba mill-ġurnalisti preżenti. Skorja doppjetta personali f'din ir-rebħa kbira Tarxiniża. Fil-passat riċenti, lagħab ukoll ma' Valletta u Zebbug Rangers f'Malta u ma' Livorno fl-Italja. Tarxien Rainbows jegħlbu lil Qormi bla tbatija Republic Street, Valletta next to the Courts Republic Street, Valletta Sports 29