Issue link: https://maltatoday.uberflip.com/i/608325
Il-Ħadd 29 ta' Novembru 2015 | illum 33 SportSillum RIŻULTATI Kampjonat Barclays Premier FIXTURES Is-Sibt 28 ta' Novembru AFC Bournemouth vs Everton 3-3 Aston Villa vs Watford 2-3 Crystal Palace vs Newcastle U. 5-1 Manchester C. vs Southampton 3-1 Sunderland vs Stoke City 2-0 Il-Ħadd 29 ta' Novembru 13:00 Tottenham Hotspur vs Chelsea 15:05 West Ham United vs WBA 17:15 Liverpool vs Swansea City 17:15 Norwich City vs Arsenal Kampjonat Serie A TIM Fixtures Il-Ħadd 29 ta' Novembru 15:00 Chievo Verona vs Udinese 15:00 Frosinone vs Hellas Verona 15:00 Genoa vs Carpi 15:00 Roma vs Atalanta 18:00 Empoli vs Lazio 20:45 Palermo vs Juventus It-Tnejn 30 ta' Novembru 19:00 Sassuolo vs Fiorentina 21:00 Napoli vs Inter Manchester City jirritornaw għar-rebħ biex jieħdu ftit nifs Il-plejers ta' Manchester City jiċcelebraw waqt il-logħba kontra Southampton Wara t-telfa umiljanti ta' 4-1 kontra Liverpool fil-Kampjonat Barclays Premier, u telfa ta' 1-0 kontra Juventus fil-UEFa Champions League, ilbieraħ Manchester City rritornaw għar-rebħ biex ħadu ftit nifs meta ġewwa darhom fl-Etihad Stadium għelbu lil Southampton bl-iskor konvinċenti ta' 3-1. Il-gowls għall-Blues waslu minn Kevin de Bruyne, Fabian Delph u aleksandr Kolarov, waqt li l-gowl uniku għas-Saints fil- logħba wasal minn Shane Long fil-50 minuta. Crystal Palace ġewwa darhom umiljaw lil Newcastle United meta għelbuhom bl-iskor kbir ta' 5-1, bil-Magpies ikunu propju huma li jiftħu l-iskor perrmezz ta' Papiss Cisse wara biss għaxar minuti logħob. Iżda Crystal Palace wettqu rimonta mill-aqwa u qalbu r-riżultat favurihom permezz ta' doppjetta ta' James McArthur, doppjetta oħra ta' Yannick Bolasie u gowl ieħor minn Wilfried Zaha. F'logħba li kellha tmiem drammatiku, Everton u AFC Bournemouth temmew il-konfront ta' bejniethom fi draw ta' 3-3 bil gowls għal Everton fil-logħba jaslu minn Ramiro Funes Mori, Romelu Lukaku u Ross Barkley waqt li l-gowls għal AFC Bournemouth waslu minn Adam Smith u doppjetta ta' Junior Stanislas. Watford barra minn darhom kisbu tliet punti prezzjużi meta għelbu lit-tim mifni bi problemi minn kull lat ta' Aston Villa bl-iskor ta' 3-1, bit-tliet gowls għalihom jaslu minn Odion Ighalo, Troy Deeney u awto-gowl tal-plejer ta' Aston Villa, Alan Hutton. Min-naħa l-oħra, il-gowls għal Villa waslu minn Micah Richards u Andre Ayew fil-41 u fid-90 minuta rispettivament. Sunderland ħallew għall- aħħar biex jegħlbu lil Stoke City bl-iskor ta' 2-0 biż- żewġ gowls għalihom jaslu fi spazju ta' tliet minuti minn Patrick van Aanholt u Duncan Watmore fit-82 u fil-85 minuta rispettivament. Tajjeb ngħidu li Stoke City lagħbu għal iktar minn 40 minuta b'10 plejers meta tkeċċa għalihom il-plejer Ryan Shawcross, meta rċieva żewġ karti sofor fil-logħba.