Issue link: https://maltatoday.uberflip.com/i/608325
illum | Il-Ħadd 29 ta' Novembru 2015 Ritratt tal-ġimgħa Ritratt: Ray Attard Michelle u Joseph Muscat iżommu jdejn uliedhom Etoile u Soleil wara ċ-ċerimonja li laqgħet lir-Reġina Eliżabetta u l-Prinċep Filippu f 'Malta Tigra f 'Montekristo tattakka tifel ta' 3 snin u tħallih bi ġrieħi gravi Id-direttur ta' Montekristo Estate jiċħad li t-tigra gidmet lit-tifel minn Veronica Lynn Mizzi TIFEL ta' tliet snin spiċċa ġarrab ġrieħi gravi meta attakkatu tigra fiż-zoo tal-Montekristo Estate. L-inċident seħħ għall-ħabta tal-4.30pm, meta t-tifel ta' 3 snin li kien qiegħed ma' raġel ta' 56 sena minn Ħaż-Żabbar spiċċa l-vittma ta' tigra li kienet qed tiddawwar b'ċinga fil- kafeterija tal-Montekristo. Jidher li żewġt irġiel kienu qed iduru mal-post bit-tigra marbuta b'ċinga qalb in-nies. Hemmhekk, għal xi raġuni t-tigra resqet lejn it-tifel u żammitu. Kien għalhekk li l-persuna li kienet qed iżżomm it-tigra bdiet tagħti lill-istess tigra sabiex terħi lit-tifel u ma tibqax iżżommu. Persuni li kienu fuq il- post qalu kif fil-post kien hemm għadd ta' tfal jilagħbu fiż-żona li hija magħmula apposta biex jilagħbu t-tfal. Qalu wkoll kif kien hemm ħafna demm ma' kullimkien meta weġġa' t-tifel illi jidher li kien maħtuf mit-tigra min-naha ta' rasu. It-tifel ittieħed b'ambulanza lejn Mater Dei fejn ġie ċċertifikat li qed isofri minn ġrieħi ta' natura gravi iżda mhux fil-periklu tal-mewt. Il-Pulizija mill-għassa ta' Ħal-Qormi marru fuq il-post sabiex jinvestigaw il-każ u jiġbru iktar informazzjoni. Intant, Jean Paul Sammut, li hu direttur ta' Montekristo Estate qal li t-tigra kienet mimduda mal-art u f 'ħin minnhom it-tifel resaq ħdejha u t-tigra dawret saqajha mat-tifel, u "b'konsegwenza ta' dan, laqtet lit-tifel f 'wiċċu." Sammut insista wkoll li, "fl-ebda mument ma t-tigra gidmet lit-tifel." Jidher ċar illi minkejja li m'għandux il-permessi meħtieġa dan iż-zoo xorta għadu jopera. Waħda mit-tigri fiż-zoo ta' Monte Kristo Id-daħla tal-Monte Kristo Estate