Issue link: https://maltatoday.uberflip.com/i/611946
Il-Ħadd 06 ta' Diċembru 2015 | illum 9 Jibbenefikaw 30 proġett tal-volontarjat grazzi għal fond ġdid Fil-jum iddedikat min- Nazzjonijiet magħquda lill- Voluntiera, il-ministru Helena Dalli indirizzat konferenza bit-tema 'leadership in the Voluntary Sector' organizzata mill-Kunsill malti għas-settur tal-Volontarjat. Dalli qalet li permezz tal- volontarjat l-individwu jista' jkollu mpatt dirett fuq dak kollu li jkun qed iseħħ madwaru filwaqt li jkun jista'jimmobilizza u jimpenja kemm lill-gvernijiet u kif ukoll lill-komunità. Hija qalet li f 'dan il-jum irridu nirrikonoxxu lill-individwi li huma impenjati permezz tal-ħin, l-enerġija u l-ħiliet tagħhom sabiex ibiddlu d-dinja ta' madwarhom għall-aħjar. "Bħal-lum sena ftaħna l-ewwel Ċentru tal-Volontarjat fil- Belt Valletta; ċentru li saħħaħ il-ħidma tal-Kunsill kemm fl-amministrazzjoni tiegħu kif ukoll fil-ħidma ta' sostenn lis- settur." Hija sostniet li matul dawn l-aħħar snin qed nassistu għal żvilupp pożittiv f 'dan is-settur fejn, permezz tal-impenn tal- voluntiera, qed isseħħ qabża fil-kwalità ta' servizzi mogħtija mill-istess għaqdiet. Ħidma fil-komunità li fi kliemha, kieku ma ssirx b'mod volontarju, ċerti oqsma ma jibqgħux daqstant sostenibbli. Il-Ministru Helena Dalli tkellmet ukoll fuq il-kampanja li ser titmexxa 'l quddiem mill-Kunsill għall-Volontarjat flimkien mal-Ministeru għad- Djalogu Soċjali, Affarijiet tal-Konsumatur u Libertajiet Ċivili: kampanja li l-għan prinċipali tagħha ser ikun dak li tfakkar l-importanza tal-oqsma diversi li fih huwa impenjat il-volontarjat filwaqt li tħeġġeġ individwi li għadhom ma esperjenzawx il-volontarjat sabiex jagħtu sehemhom għall- ġid tal-komunità. Tkellmet ukoll fuq il-fond ġdid li twaqqaf illum bl-isem ta' 'Voluntary Organisations Projects Scheme'. Dan il-fond ser jitmexxa bi sħab bejn il- Ministeru u l-Kunsill. Tfasslu linji gwida ġodda sabiex ikunu garantiti t-trasparenza u l-kontabilità fil-proċess tal-għoti tal-Fondi lill- Organizzazzjonijiet Volontarji Maltin. "Qed nistennew li taħt dan il- fond ser ikunu qed jibbenefikaw madwar tletin proġett minn għaqdiet differenti, qabża 'l quddiem, fejn qabel kienu jibbenefikaw madwar għaxar proġetti biss."